الموضوع: تويوتا _ستارليت_ ..... (أراء وتقييمات + صيانات + أسعار قطع غيار)

المشاركة الأصلية كتبت بواسطة aymanfrenzy

السلام عليكم
كنت عايز اسال على حاجة بالنسبة للفتيس انا هرجعه تانى عشان فيه ونة و مش تمام و الراجل قالى ماشى بس انا اللى عندى فتيس 1600 بالمكنة هركبلك الفتيس بس هنحتاج نشيل الداير اللى عندك و نحط الى جاى مع الفتيس
فهل الكلام ده عادى ولا هيكون فيه حاجة مش مظبوتة فى موضوع تغيير الداير ؟
+ فتيس 1600 على الموتور اللى عندى 1300 هل ده هيفرق معايا فى السحب هيقل و لا هيزيد ولا ايه ؟
ياريت حد يفيدنى عشان انا احتارت فى موضوع الفتيس ده

مش عارف بصراحه الموضوع ابعاده ايه بس اكيد الأفضل انك ترجعه وتشوف فتيس بداله

وأظن انه ممكن يتصرفلك في واحد بس متقولوش كده قوله هرجعه واشوفه عند حد تاني

المشاركة الأصلية كتبت بواسطة msalama1984

هل من الممكن اروح توكيل تويوتا لعربية ستارليت 91 حد جرب قبل كده ولا ايه ؟

الناس بتهرب من التوكيل وحضرتك عايز تروحله :)

الفكره هتروحله ليه ؟ ممكن علشان قطع غيار مثلا تبقي متأكد منها او مش لاقيها برا تشتريها من عنده فقط ، لكن غير كده هتروحله ليه

المشاركة الأصلية كتبت بواسطة maryjoja

ياااااااااااه ده الستارلت طلعت عالمية وأنا مش عارف ......
أنا معايا ستارليت موديل 94 مانيوال 4 غيار 1000ccوتكييف وسنترواشتريتها فى نوفمبر 2009وكانت عاملة 115000 كم وفابريكة دواخل وغيرتلها جوز كبالن ب400 جنيه من الصوابى وماستر ب 275 جنيه وطقم سيور الكاتينة والتكييف والدينامو وكبستلها قاعدة موتوروبعدين الاسبيراتير قطع منى السنة اللى فاتت نزلت الوكالة جبته ب 400 جنيه ومن ستر ربنا انه طلع نفسه بتاع تويوتا 94كورولا وعملتلها شغل كويس فى العفشة كلفنى 300جنيه وبعدين عملت معايا فصل بارد على دائرى المقطم لما بلية شداد السير قطعت والميكانيكى جابهالى بحوالى 80 جنيه استيراد وأخيرا شديتها سمكرة ودوكو خوارج علشان الفحص.
هى العربية كويسة بس مشكلتها فى التكييف لانه بيتعبها جدا وفى نفس الوقت مش قوى للدرجة وهى حاليا عاملة 145000كم وماشية كويس الحمدلله بس كبيرها 120.
ويا ريت يا جماعة لو حد يعرف واحد بتاع سنتروانذار كويس لان السنتر بايظ وبرضه واحد بتاع ترصيص وضبط زوايا كويس لان عندنا فى 6 اكتوبر عالم أى كلام اخرهم تغيير طقم بوجيهات وسبيراتيرأو تغيير عجل.

يا أهلا بيك :)

كلام جميل اللي بتقوله ، بس كده الموتور عندك محتاج يتظبط لأن 120 ده عادي واخرها 160

الترصيص والزوايا بريدجستون كويسين بس طبعا الموضوع بيعتمد علي الصنايعي