الموضوع: تويوتا _ستارليت_ ..... (أراء وتقييمات + صيانات + أسعار قطع غيار)

شوفها استيراد افضل

مشتريتهاش قبل كده فا مش عارف السعر بصراحه

بالنسبه للاستيراد الوكاله عند الشيخ طارق ، الحرفيين العالميه او الحديدي ، وفي محل اسمه بيت التويوتا الرجاله كانو بيتكلمو عليه بس مجربتوش

جديد اللي اعرفهم العالميه برضو و الصوابي بتاع شبرا وفي واحد في وسط البلد مش فاكر اسمه بس تليفونه هنا في الموضوع كان بيقول عليه استاذ عمرو

معليش دور في الموضوع علي ارقام التليفونات مش هعرف اجيبهالك دلوقتي :)

الفكره بس علي ما هتعرف الناس اللي بيجيبو حاجتها وخلاص هتلاقي الموضوع سهل

مقلتليش كابل السرعه بتاعها بالاسم ولا لاقيته مشترك مع موديل تاني ؟

المشاركة الأصلية كتبت بواسطة msalama1984

يا جماعة انا عملت 10 الاف كم لازم اغير بوجيهات ولا ايه رأيكم ؟

ولا هيه بتتغير علي كام ستارليت 91

لو سن البوجيه سليم مش متاكل يبقي مش لازم تغيره ممكن لو محتاج يتنضف بس تنضفه بصنفره ناعمه جدا وخلاص

المشاركة الأصلية كتبت بواسطة msalama1984

يا جماعة عايز اعرف نوع زيت انا بحط زيت موبيل سوبر 5000 العربية عاملة 157 الف

انا بستعمل شيل الاصفر المفروض بيقعد 5 برضو بس بغيره 3500 وممتاز مش بينقص ، بس علي حسب حالة المكنه عندك لو سليمه هيبقي كويس معاك

المشاركة الأصلية كتبت بواسطة aymanfrenzy

كابل السرعة بتاعها الراجل قالى ده بتاع الاستارليت بس لقيت الكيس بتاعها مكتوب عليه كورولا و فى رقم عليه بس مش فاكره هبص علية و اكتبه هنا بس المشكلة الكابل ركب بس العيب طلع من العداد نفسة فشكلى هاروح الحرفيين اشوف لوحة عدادات كاملة بالـ rpm

عايز اشارك معاكوا بمعلومة عرفتها و عملتها النهاردة
جلب المقص الامامى عندى يمين كانت مقطوعة فكيت المقص و عملت زى ما استاذ سمير قال و ربنا يخليك لينا يا باشا :)
رحت لمحلات قطع الغيار عشان اشوف اقرب جلبة لها لقيت جلبة مقص كورولا موديل 87 هى اقرب واحدة
بس القطر الداخلى بتاعها كان محتاج يكبر رحت لخراط عشان يظبتها هى كانت 12 مم و المفروض تبقى 16مم عشان يبقى مقاسها مظبوط على الاكس بتاع المقص + الجلبة محتاجة زى تخشينة كاوتش عشان تبقى محكومة كويس على الافيز بتاع المقص
و الموضوع كله كلفنى 50 جنيه (30 جلبة + 20 خراط) + مصنعية فك و تركيب طبعا
احسن من انى كنت اجيب مقصات كاملة عشان جلبة
و الحمد لله ركبتها و بقت زى الفل و الدنيا ظبتت معايا

مبروك يا باشا وشكرا للافاده :)