فرامل الياريس

**ahmedsadek82** · 28-08-2010 11:35 PM

المشاركة الأصلية كتبت بواسطة SE_coralsea

المهم ... ربنا هو اللي بيسترها و بيلهمنا التصرف الصحيح بس نعمل اللي علينا :
- نسيب مسافة بينية مناسبة
- بلاش جري و سرعات زائدة
- نهتم بالصيانات في مواعيدها و الكشف الدوري علي الاطارات و الفرامل

مع خالص تحياتي
م/ سمير الشهاوي

كلام جميل , انا مش عارف الاخ asemx1 واخد الموضوع قفش ليه, كل الحكاية اني مجرب قبل كده فرامل الكرولا و مكانتش بالشكل المبهر ده. فبصراحة استغربت. ربنا يستر طريقنا يا ريس.

**koko2sue** · 30-08-2010 07:07 PM

كان ليا مشاركه معاكم قلت فيها إن واحد صاحبي عامل 128000 دلوقتي بقو أكتر من كده من غير ما يغير تيل ولا كاوتش... فوجئت طبعا بتريقه من بعض الأعضاء على الكلام ده وده زعلني شوية.... إني صائم .... نيجي للمهم ... صديقي ده ملوش في العربيات قوي فأي مشوار للحرفيين أو التوكيل لازم بكون معاه... أخر مره رحنا نغير تيل كانت العربية عاملة 90000 وكنا جايبين التيل الأصلي معانا وطلعنا على الحرفيين عند واحد إسمه رفعت السوداني... الراجل لما فك العجل هو بنفسه مرضيش يغير التيل وقال بالحرف التيل ده لسه فيه كتير... ولسه لغاية دلوقتي مقربناش تاني جنب التيل و لسه أداء الفرامل ممتاز..... نيجي لموضوع الكاوتش البريدجستون اللي لسه متغيرش.... أنا بزن عليه عشان بالعقل و المنطق الكاوتش ده لازم يتغير لأنه كده داخل في 130000 كيلو وكمان بقاله 3 سنين بالتمام و الكمال علما بأن الكاوتش لسه النقشه اللي عليه سليمه و الكاوتش نفسه طري ومش متعبي نيتروجين متعبي هوا عادي مع إعترافي بوجوب تغييره... بالنسبة لأخواتي اللي إتريقوا بقولهم شكرا و على فكره أنا راجل هونداوي مليش في التويوتا فمفيش سبب هيخليني أفخم في عربية أنا أصلا مش مغرم بيها ده أنا كنت داخل أشوف الشنطه بتاعة الياريس بكام عشان الأفندي خبط الشنطه.... مش هكسب بنط لو أثبتلكم إن كلامي صح و مش هخسر بنط لو إتريقتوا

**Samir Elshahawy** · 30-08-2010 10:33 PM

المشاركة الأصلية كتبت بواسطة koko2sue

كان ليا مشاركه معاكم قلت فيها إن واحد صاحبي عامل 128000 دلوقتي بقو أكتر من كده من غير ما يغير تيل ولا كاوتش... فوجئت طبعا بتريقه من بعض الأعضاء على الكلام ده وده زعلني شوية.... إني صائم .... نيجي للمهم ... صديقي ده ملوش في العربيات قوي فأي مشوار للحرفيين أو التوكيل لازم بكون معاه... أخر مره رحنا نغير تيل كانت العربية عاملة 90000 وكنا جايبين التيل الأصلي معانا وطلعنا على الحرفيين عند واحد إسمه رفعت السوداني... الراجل لما فك العجل هو بنفسه مرضيش يغير التيل وقال بالحرف التيل ده لسه فيه كتير... ولسه لغاية دلوقتي مقربناش تاني جنب التيل و لسه أداء الفرامل ممتاز..... نيجي لموضوع الكاوتش البريدجستون اللي لسه متغيرش.... أنا بزن عليه عشان بالعقل و المنطق الكاوتش ده لازم يتغير لأنه كده داخل في 130000 كيلو وكمان بقاله 3 سنين بالتمام و الكمال علما بأن الكاوتش لسه النقشه اللي عليه سليمه و الكاوتش نفسه طري ومش متعبي نيتروجين متعبي هوا عادي مع إعترافي بوجوب تغييره... بالنسبة لأخواتي اللي إتريقوا بقولهم شكرا و على فكره أنا راجل هونداوي مليش في التويوتا فمفيش سبب هيخليني أفخم في عربية أنا أصلا مش مغرم بيها ده أنا كنت داخل أشوف الشنطه بتاعة الياريس بكام عشان الأفندي خبط الشنطه.... مش هكسب بنط لو أثبتلكم إن كلامي صح و مش هخسر بنط لو إتريقتوا

ياباشا ماتزعلش نفسك ... و حقك علينا
الموضوع مش تريقة و لا حاجة و يمكن انا معاك أن التيل في التويوتا معمر فعلا خاصة لو صاحبك مش بيجري و بيستخدم الفرامل كتير

لكن في موضوع الكاوتش ... أسمح لي كده غلط جدا و خطر كمان لأن الكاوتش له عمر أفتراضي لازم يتغير عليه بغض النظر عن حالته و بكتيره اوي 60000 كم

ياريت ماتزعلش مننا .. احنا كلنا هنا اخوات و ماحدش بيزعل من أخوه
و كل سنة و أنت طيب ... و رمضان كريم