ميجي مريضة .. و دي الأعراض .. مين يشخص؟

**nadeem2009** · 25-08-2010 01:00 AM

المشاركة الأصلية كتبت بواسطة hegazio

هو بأمانة ربنا .. الموضوع ده حصل بعد ما جوان وش السلندر ضرب و غيره الراجل صاحب أيمن
اللي محسسنس ان ممكن الموضوع يكون مالوش صلة بالجوان و تغييره .. انه ممكن يكون مش اكتر من مصادفة غير ان الراجل كان شكله بيفهم و كنت علي ايده

المهم

في الطلعة بس ( مش كل الطلعات ) و مابتفرقش باردة ولا سخنة
تدوس بنزين .. ما تلاقيش

.. 3-5 ثواني كده ( فترة كبيرة طبعا ) و بعدين تجري كأنها محوشاهم
دوسي للبنزين في الفترة دي لا بيقللها و لا بيكترها .. بس دوس بنزين كتير ممكن يخليها تضرب مدفع

ايه ده بقي بالظبط

انا ف دماغي كام سبب .. بس قلت الوحوش يقولولي رأيهم

العيب ده يا مااااان أكيد كهرباء .. لإن الفرقعة دي إسمها الشعبي الأمبيليه واللا إيه يا جماعة ؟؟؟ و ممكن يكون موبينة أو فيوز أو علبة الفيوزات كلها والعياذ بالله .. إنت ماتعرفش إيه إللي ممكن يكون حصل في العربية خلال الفترة إللي كان الجوان فيها ضارب .. بس إللي أعرفه إن الأمباليه ده عيب كهربائي وليس ميكانيكي ... نصيحتي يا أخي حط العربية عال الجهاز وإنشاء الله هايكون فيوز بس .. وبالتوفيق

**dramir1** · 25-08-2010 01:34 AM

متابع باهتمام وربنا يستر ويكون عيب خفيف
روح التوكيل وهات من الاخر

**pioneerahmed** · 25-08-2010 02:45 AM

عيب timing يا مان
هتلاقي piston مأخر ولا حاجه

متهيالى ترس الديفازير بيعالج مشكله البساتم دية ولا اية؟

**ashraf_msd** · 25-08-2010 07:42 PM

المشاركة الأصلية كتبت بواسطة pioneerahmed

متهيالى ترس الديفازير بيعالج مشكله البساتم دية ولا اية؟

مش كل العربيات فيها ترس ديفازير.

علي حسب علمي في تلت طرق لعمل تزامن البساتم والصمامات او بمعني اخر نقل الحركه بين عمود الكرنك وعمود الكامات - اما بالجنزير او السلسله ودي فالعربيات القديمه - او بنظام التروس اللي حضرتك بتتكلم عنه - او بالسير المطاط اللي منتشر دلوقتي في اغلب السيارات

كلامك صح ان نظام التروس يعتبر افضلهم من حيث دقة التزامن وعدم وجود خطر قطع سير الكتينه وانت ماشي - لكن يعيبه انه بيحتاج تشحيم وبيعتبير مصدر للضوضاء.

ولو حد ممكن يزيدنا من اخوانا اصحاب العلم والخبره يا ريت.

**pioneerahmed** · 25-08-2010 07:55 PM

مش كل العربيات فيها ترس ديفازير.

علي حسب علمي في تلت طرق لعمل تزامن البساتم والصمامات او بمعني اخر نقل الحركه بين عمود الكرنك وعمود الكامات - اما بالجنزير او السلسله ودي فالعربيات القديمه - او بنظام التروس اللي حضرتك بتتكلم عنه - او بالسير المطاط اللي منتشر دلوقتي في اغلب السيارات

كلامك صح ان نظام التروس يعتبر افضلهم من حيث دقة التزامن وعدم وجود خطر قطع سير الكتينه وانت ماشي - لكن يعيبه انه بيحتاج تشحيم وبيعتبير مصدر للضوضاء.

ولو حد ممكن يزيدنا من اخوانا اصحاب العلم والخبره يا ريت.

طيب مهو دة بيلغى فكرة التزامن دية من اساسة لان لو الترس دة بايظ بيطلع صوت اى حد راكب ميجان عارفة كويس اكيد المشكلة فى حاجة تانية

**ashraf_msd** · 25-08-2010 08:11 PM

المشاركة الأصلية كتبت بواسطة pioneerahmed

طيب مهو دة بيلغى فكرة التزامن دية من اساسة لان لو الترس دة بايظ بيطلع صوت اى حد راكب ميجان عارفة كويس اكيد المشكلة فى حاجة تانية

انا فهمت من كلامك ان الميجان فيها ترس مش سير مطاط

بصراحه انا ما اعرفش الميجان ترس ولا سير مطاط ... بس لو زي مانت بتقول كده شغاله بترس يبقي كلامك انت الصح والمشكله مش هتبقي عيب timing

**Elsarrawy** · 25-08-2010 08:35 PM

الميجان فيها الاثنين - ترس الديفازور وكمان سير مطاط - بس بيتهيألي ان الترس هو الي بيتحكم في كفاءة اداء المحرك ودا الي بيخلي موتور الميجان أداءه متميز بالنسبة للمواتير الي اتصنعت في نفس فترة انتاجه لاني سمعت ان الترس دا السبب في زيادة أداء الموتور بما يعادل حوالي 15 حصان والله اعلم

وان شاء الله المشكلة تطلع بسيطة جداً

**Hegazio** · 25-08-2010 09:18 PM

فعلا العربية فيها الاتنين
و ده بيخلي الموتور مش ثابت علي توقيت معين في السرعات المختلفة عشان يدي عزم كويس علي مدي كبير
و ده كان نقلة وقته و فعلا كان اعلي من10-14 عن اللي زيه
بس فيه دلوقتي تكنولوجياcvvt-ivtec ودول نفس الفكرة علي احسن

بس انا لسه ماظبطتش ميجي!!!

-

-

الموضوع: ميجي مريضة .. و دي الأعراض .. مين يشخص؟

LinkBack

أدوات الموضوع

عرض

-

-

-

-

-

-

-

المواضيع المتشابهه

ميجي ميجي تعبتيني موت حد يقولي في أيه 2006؟

الــــــــتناكة ...... الأعراض.. الدوافع .. و العلاج

عايز ممرضة بالمنزل للأعتناء بسيدة مريضة

نقل مديرة مستشفي بعد وفاة مريضة رفضت استقبالها ‏بسبب 500‏ جنيه

هذه هى الأعراض فما هو العطل ؟

الكلمات الدلالية لهذا الموضوع

المفضلات

المفضلات

ضوابط المشاركة