الموضوع: حد عنده فكره بتتعمل ازاي سلطه الزبادي؟؟

المشاركة الأصلية كتبت بواسطة icehearted girl

انا بضحك اوي لما الاقي حد بيوصف الوصفة بامكيال والجرام

هههههههههههههههههههههه


انا بقول المقادير كدا عشوائيا بالاحساس مش بالكميات

خد عندك يا سيدي سلطة الزبادي

هات علبتين تلاتة مثلا وحطهم في طبق

وحط عليهم ملح وفلفل اسود وشطه واعصر عليهم لمونة او شوية خل زي متحب

وقلب قلب قلب جامد

وهات خياريايه وقشر القشر بتاعها والقلب بتاعها الليفيه البذر دا

قطعه قطع صغيرة وارميه فيها

ولو هتقدمها لضيوف حتة بقدونس صغيرة بقي كدا ورشها علوش


-----------------------

ندخل علجزء التاني

التومية عشقي الاول والاخير

اغلي كباية مية علنار وجهز نص كباية مية ممزوجة بالنشا

وجهز كباية النشا واول ملمية تغلي صبها عليها وقلب

هتلاقيها كتلت كدا وبقت عجينة بيضاء

بعد شوية تجبها فلخلاط وتضرب عليها بيضة وشوية توم مدقوق

وملح بسيط

ملحوظة: بتبقي عاوزة سينس عالي وبالتالي انا بضربها فلخلاط علي تلات اجزاء

علشان لو جزي تطلع مملح اقلل الملح فلتاني وهكذا


بس بتطلع تحفة

------------------------------

ندخل بقي علمايو مايو مايونيز

طريقته بسيطه شوية زيت وبيضاية ونص ليمون

بس فلحقيقة هو عمره مطلع معايا مايونيز بس بيطلع حاجة جميلة برده معرفش اي هي بس بحبها مع السمك


انتهيت فقرة لكي يا سيدتشي الآن ونقابلكم بكرة فنفس المعاد مع طريقة عمل فتة الآيس كريم


انزل بالتتر يا فوزي

دى وصفه سهله دى وصفه هايله

لا بجد حلوه الوصفات دى وخصوصا التوميه قال وانا فاكر انها زبادى وتوم ومضروب فى الخلاط
طلعت فى الاخر نشا هههههههههههه

شكرا على فقره لكي يا سيدتشي