الموضوع: تقفيل وكماليات اللوجان

المشاركة الأصلية كتبت بواسطة haitham06

ازيكم يا وحوش
استفسار بسيط يا جماعة بس يا ريت رد حقيقى ومن المجربين، بخصوص تقفيل اللوجان وكمالياتها سمعت إنه ضعيف وإن كمالياتها ضعيفة والصالون فقير بشكل كبير، بصراحة دى حاجة برده مهمة خصوصاً إنى أول مرة بركب زيرو ومش عاوز عربية الاقيها بعد سنة ولا اتنين بقت متبهدلة، شكرا مقدمأ يا وحوش

بص يا باشا .. حكاية إن كمالياتها ضعيفه دي حاجه مش مفهومه و إشاعه سخيفه بمعني إنها فيها كل الكماليات لهذه الفئه و زياده كمثال " تكييف - باور - زجاج كهربائي - مرايات كهربائيه - مفتاح ريموت - كشافات ضباب - مانع سرقه - سنتر لوك مع ريموت المفتاح - كاسيت سي دي " وهناك كماليات إضافيه مش حتلاقيها في باقي الفئه السعريه دي كمثال " كمبيوتر الرحلات - التحكم في إرتفاع كرسي السائق - التحكم في مستوى إرتفاع الكشافات الأماميه " و كمان بخلاف الوساده الهوائيه للسائق و دي طبعا مش كماليات. و خد في بالك إن في عربيات في فئه سعريه أعلى تفتقد لبعض هذه الكماليات زي ال نيو أكسنت لا يوجد بها مرايات كهرباء أو حتى كشافات ضباب بالإضافه لموضوع كرسي السائق و ضبط مستوى الكشافات و مع ذلك فهي عربيه كويسه و ماسمعناش إن حد قال إن كمالياتها فقيره.

"ملحوظه: كل كلامي هنا على اللوجان الكامله فقط"


نيجي لحتة التقفيل .... من وجهة نظري إن مستواه جيد جدا و خاماته محترمه و للعلم العربيه معايا من 10 شهور دون مشاكل و لله الحمد و ما تقلقش هي ماسكه نفسها يعني مش حتفك أو حتخلع من بعضها لأنها بتحمل إسم رينو و دي حاجه مش بسيطه.

و طبعا الكلام السابق عن الكماليات لا يشمل العربيات الصيني لأنها فيها كل حاجه من أول فئه سعريه و كمان بتقول بابا و ماما بس أنا حبيت أوضح إيه إللي موجود في اللوجان. و عموما ربنا يوفقك للخير بإذن الله و تقبل تحياتي.

شكراً جزيلاً يا جماعة على مجهودكم وردودكم المفيدة بجد ، أنا بس كنت عاوز اتأكد قبل الشراء لأنه قرار مش سهل والردود الإيجابية من الناس على العربية كتيرة والسلبية برده كتيرة عشان كده حبيت بس اعرف الرد من الناس أصحاب العربية واللى جربوها لكن مقصدنش فعلاً الإساءة للعربية ولا أنى أزعل حد من الأخوة، أرجو أنه يكون وضح المقصود.
أستاذ تامر متشكر جدا على ردك الوافى وبارك الله فيك وجزاك خيراً

شكرا

المشاركة الأصلية كتبت بواسطة haitham06

شكراً جزيلاً يا جماعة على مجهودكم وردودكم المفيدة بجد ، أنا بس كنت عاوز اتأكد قبل الشراء لأنه قرار مش سهل والردود الإيجابية من الناس على العربية كتيرة والسلبية برده كتيرة عشان كده حبيت بس اعرف الرد من الناس أصحاب العربية واللى جربوها لكن مقصدنش فعلاً الإساءة للعربية ولا أنى أزعل حد من الأخوة، أرجو أنه يكون وضح المقصود.
أستاذ تامر متشكر جدا على ردك الوافى وبارك الله فيك وجزاك خيراً

شكرا

لا شكر على واجب يا هيثم بيه وإحنا كلنا هنا تحت أمرك في أي إستفسار عن اللوجان و للأمانه هي عربيه مختلفه عن سيارات نفس الفئه و لو سقتها بنفسك حتحس بالكلام ده و ربنا يوفقك بإذن الله.

المشاركة الأصلية كتبت بواسطة clenceman

اعتقد ان بعد الردود دى كلها
مفيش قدام هيثم غير اختيار واحد
لوجان:ta_clap[1]:

بالظبط كده، والخير فيما اختاره الله
لوجان إن شاء الله