الموضوع: تخفيضات كبيرة علي السيارات (موديل 2010) للتخلص من المخزون

المشاركة الأصلية كتبت بواسطة megahed124

لم تجد شركات السيارات العاملة في السوق المصرية طريقة للتخلص من الكميات الكبيرة من مخزون موديلات 2010 سوى بتقديم عروض وتخفيضات غير مسبوقة على هذه السيارات قبل أن ينتهي العام الجاري.
التخفيضات والعروض التي تقدمها معظم شركات السيارات تراوحت بين سبعة ألاف جنيه ومائة وخمسون ألف جنيه إلى جانب برامج التقسيط بفوائد بسيطة من الشركة مباشرة وتقديم كماليات وهدايا عديدة.
شركات السيارات أرجأت هذه التخفيضات لعدة اشهر علي الرغم من طرحها لموديلات 2011 في السوق المصرية وذلك بسبب الانتعاش النسبي الذي كان يشهده السوق خلال الفترة الماضية.

الركود النسبي الذي شهده سوق السيارات خلال شهر رمضان دفع الشركات إلى تكثيف الدعاية على التخفيضات والعروض لسرعة الانتهاء من هذا المخزون قبل أن يلملم العام الحالي أوراقه، ولم تشمل التخفيضات والعروض التسويقية السيارات الشعبية فقط أو السيارات الصغيرة بل طالت أيضا السيارات الفارهة التي لم نكن نسمع في يوم من الأيام عن إجرائها أية تخفيضات في الماضي مثل سيارات جاجور لكن هذه الشركات رأت النزول من برجها العالي ومسايرة حركة السوق لترويج سياراتها .

هو اية مصدر الخبر دة؟ واية انواع العربيات اللى عليها تخفيضات؟

المشاركة الأصلية كتبت بواسطة som3aa

لا السلع اللى مش اساسية مبتتسعر و اللى بيتحكم فى سعرها العرض و الطلب و وعى المستهلكين.

يعنى عربية الحكومة تسعرها ازاى؟؟ عندك عربيتين بينافسوا بعض و تمنها 15000$ قامت واحدة منهم رفعت السعر ل 25000$ هى حرة!!! محدش يشترى , بس لما حد يشتريها يبقى هو هفا و دى حاجة ترجعله!!!
هناك فى منافسة شديدة جدااا بتنزل الاسعار .

نيجى هنا سموا العربية شيفروليه و هى معمولة فى مصنع دايو و نزلوها ب 290 الف بدل ما الناس تقول ايه الهبل دا و تمتنع عن الشراء فى ناس نزلت اشترت!!!!!! لأ و حاتطلك dvd صينى و gps صينى مش اصلى.

ربنا ادانا كمستهلكين حاجة اسمها عقل الحاجة الغالية متشتريهاش و هى هترخص لوحدها , اللى الحكومة لازم تتدخل فيه السلع الاساسية و الاحتكار!!!
يعنى مبقاش انا توكيل العربيات الوحيد اللى فى البلد و اسعر العربية بمزاجى.

انا رايى كحل لاسعار العربيات فى مصر الحكومة ممكن تجبر كل شركة يكون لها 2 موزعين فى مصر بدل وكيل واحد زى هيونداى مثلا يبقى غبور و حد كمان كدا تكسر الاحتكار خالص و اللى هيكسب هو الارخص و الاذكى و اللى هيثمر اكتر زى مصنع تجميع مثلا

أتفق معاك جدا.... هيونداي هنا في السعوديه كان وكيلها الناغي بس ... دلوقتي بقى ليها 3 وكلاء ... الناغي والمجدوعي والوعلان... وكيا كمان ليها شركة كيا السعوديه و شركة الحارثي... وهوندا برضه بقى ليها وكيل تاني دلوقت .. وشيفروليه كان وكيلها الجميح ودلوقت بقى الجميح وبالبيد... بس ده مش قرار الحكومه ده قرار الشركه نفسها اللي المفروض تدور على مصلحتها وتوجد لها وكيل تاني يخلي الأولاني يقلل مكسبه والتاني يرفع مستوى خدمته وينافسوا بعض وفي النهايه بيبيعولها وهيا الكسبانه ولا أيه؟

لو تم التخفيض 50% بردو كسبانين

التخفيضات دى بتكشف السرقه اللى كان الوكلاء بيمارسوها ضد العملاء (ودى حاجه فى مصلحة العملاء)
2- العربيات موديل 2011 بداء تصنيعا من اول 2010 وساعات بتلاقى اللوحة اللى على قائم السياره مكتوب فيها شهر التصنيع بس غالبا بتكون من شهر 5 او 4 2010 وكتير اوى بيكون محطوط تصنيع شهر 9 بس بتبقى اللوحه دى وقت خروجها من المصنع