الموضوع: كلمة ونص 8-مارس 2008

ده زمن المتنحين سبعاوي باشا
مش في الانفاق بس ده تلاقيهم علي الكباري و اقصي الشمال علي كورنيش اسكندرية لغاية ما يجبرك انت تعديه من يمينه
متيألي التناحة دي ملكة و موهبة يعني مش اي حد يقدر يتنح حتي لو حاولت حيبان عليك انك متنح تايواني مش اصلي ..يعني من الآخر التناحة ليها ناسها
مواجهة التناحة تكون بالامبالاه و الصبر امال عايز تدخل الجنة بسهولة كده يا ابو السباع
يعني لازم تكبر الجي و تروق الدي ( الجي و هي الجمجمة و الدي و هي الدماغ )


محمد فهمي

المشاركة الأصلية كتبت بواسطة hussein

خالد باشا السرعة القصوى فى النفق 50 كم
ولا انت عايز الناس تمشى مخالفة؟

لا يوجد تصوير للسرعة فى النفق وتجارب تشغيل الرادار فى النفق فشلت بالكامل ، وبعدين اللى عايز يمشى 50 ما يمشى على اليمين براحته،

وهل انت شايف ان سرعة 50 دى منطقية، وللا هى الحكومة عايزة تبقينا اكبر وقت ممكن فى النفق عشان نشم اكبر قدر ممكن من هباب النفق سئ التهوية؟

مع أتفاقي في الرأي على موضوع التناحة المتأصلة في الناس دلوقتي مش بس السواقة

ولكن ........ أعتقد أن السرعة المناسبة جدا في نفق الازهر لا يجب أن تزيد عن 60 أو 70 نظرا لضيق الحارات و أيضا للإلتواءات الموجودة في الطريق أسفل النفق
و كان هذا رأيي في موضوع السرعة المناسبة داخل النفق

أما الناس اللي معندهاش دم و بتمشي بأقل سرعة ممكنة على يسار الطريق فلا نستطيع أن نقول إلا
حسبــــــــــــي اللــــــــه و نعم الوكيــــــــــل

فيهم و في الشرطة
اللي ما بتعملش حاجة خالص أو هو أنعدام قوانين
الواحد زهق
الشعب المصري لازم حد يحكمه في الشارع شويه علشان شوارعنا بقت غابة خلاص و لازم الشرطة تعمل حاجة علشان تظبط الناس دي و تخليهم يمشوا على العجين ما يتلخبطش

و شكرا أستاذ سبعاوي على إثارة هذه النقطة

والله التتنيح مش فى الأنفاق والكبارى بس إنما أى طريق فيكى يا مصر ولا يوجد إختلاف راجل كبير وخايف يجيى ناحيه اليميين أو الشمال لأحسن يقع أو شاب صغير ماشى يدلع بعربيه الحاجه أو واحدة ست بتفكر فى دور نظريه النسبيه فى عمل المهلبيه أو سواق تاكسى بيدور على زبون وكله كدة
هى دى مصر محدش بيعرف أو بيعترف أنه غلطان فيها أبدا !!!!!!!!!!!!!
أنا حصل معايا موقف فى أول شهر فبراير إللى فاتت كنت راجع من جنازة عمى (رحمه الله عليه) وأعصابى مش مستحمله الهوا وفيه كوبرى على الطريق السريع يا دوب بيأخد عربيتين جنب بعض وأنا ماشى قدامى أوبترا فيها راجل كبارة ومعاة المدام وخايف ليقع من على السرير قصدى الكوبرى
المهم كلاكس مفيش فايدة كمان كلاكس ولا الهوا أضطريت أعلق أيدى على الكلاكس لغايه ما عدانى والمشكله أنه مش عاجبه وعمال يشتم ويشوح بإيديه .
بصراحه أتغظت منه ورحت كابس على الفرامل مرة واحدة وعلى أتم أستعداد أنى ألبسه فى الكوبرى !!!!
بس بصراحه قلت هى مش ناقصه ذنوب وكفايه الرعب إللى شافه !
صحيح أنا كنت بجرى ومستعجل بس هو لا ماشى يمين وشمال !
المطلوب منى إيه أستناة لغايه يفوق من الغيبوبه؟؟
حاجه تحرق الدم

يا بيه تعالالى هنا فى بورسودان وانت تشوف الشلل وحرق الدم اللى على اصوله، الناس هنا كلهم ماسكين الشمال وماشيين على 40 .. والطرق اصلا ضيقه صعب قوى تعدى من اليمين او تعمل غرزه شمال ....

والله العظيم انا مشيت ورا واحد فى طريق سفر وكل اللى جاى يمين تريللات وانا مش عارف اتحرك ..والله يسامحه ماشى على 20!!!!! 20 كلم/ ساعه على طريق سفر لمده 10 دقايق ...لغاية ما جالى سكر وانا فى العربيه وكان هاين على اخبطه !!! الذ حاجه تضرب كلاكس او ترعش نور او تطلع راسك وتصرخله ومافيش فايده خاااالص

الواحد بيفكر أنه يجيب ونش ولا لودر يشيله فى شنطه العربيه ولما يحتاجه يطلعه ويشيل بيه العالم الحمل دول