العودة الى المعمعة

**Sharky** · 09-03-2008 09:44 AM

انا عن نفسى ليه رأى فى الموضوع دا
إنه لازم يوم الأحد يبقى مواعيد العمل فيه من الساعة 12 ظهرا و يوم الخميس مواعيد الخروج فيه من الساعة 12 ظهرا
علشان نعرف ننزل يوم الأحد الشغل لإنه بيبقى صعب قوى إن الواحد يصحى الصبح يوم الأحد علشان يروح الشغل

**Karim_Monir** · 09-03-2008 09:49 AM

اديني جاي عالصبح مضروب بال ......
ومش قادر افتح عينيا
ولولا اني ممنوع من النسكافية والقهوة كنت زماني شربت برميل النسكافية بتاعي
اصلي عندي مج نص لتر شكلة عملاق كدة مديري مسمية برميل النسكافي
محدش معاه مخدة عشان اريح عالمكتب شوية
ااااااااااااااؤؤؤؤؤؤؤؤؤؤم ممممممممممم
الانسة نهى عايز تشتغل وتنزل كل يوم الصبح وتسوق من المعادي لمدينة نصر
معلش مجربتش المشوار ده الصبح باين عليها
حد يرد احسن مش هاقدر ارد
ده انا ساعة ونص من مدينة نصر لمصر الجديدة يوم الخميس
امال من المعادي لانبي في قد ايه

**Islam_galal** · 09-03-2008 10:32 AM

باجمد تفكيري تماما في مواضيع الشغل في البيت كل يوم و آخر الأسبوع

المشكلة في أول ساعة في الشغل دايما الواحد بيقي مش طبيعي

**electroman** · 09-03-2008 12:52 PM

.......................................... و العيشة و اللى عايشنها !!!

**emadkamel** · 09-03-2008 01:27 PM

المشاركة الأصلية كتبت بواسطة onna

انا اتخرجت و قاعدة في البيت و نفسي اشتغل جداااااااااااااااااااا

ادعولى اشتغل:(

بجد بحسد اخويا توأمى و هو نازل الصبح الساعة 6 و نص رايح شغله في انبى

ببأة نفسي انزل انا كمان و البس و اتشيك و اسوق انا كمان من المعادى لمدينة نصر و العب :(

والنبى ماتتبطرى على النعمه اللى انت فيها ... وتبوسى ايدك شعر ودقن ... وتحمدى ربنا .. وان يعنى كنتى خلاص مش قادره اصحى الساعه 6 ونص واتشييكى وسوقى العربيه لانبى .... وارجعى تانى نامى وخللينا نحسدك ونحقد عليكى

**emadkamel** · 09-03-2008 01:30 PM

المشاركة الأصلية كتبت بواسطة karim_monir

اديني جاي عالصبح مضروب بال ......
ومش قادر افتح عينيا
ولولا اني ممنوع من النسكافية والقهوة كنت زماني شربت برميل النسكافية بتاعي
اصلي عندي مج نص لتر شكلة عملاق كدة مديري مسمية برميل النسكافي

انت زيى بالمللى ... وخصوصا جردل النسكافيه ده (عندى انا مسميينه جردل) ... وبرضه اتمنعت منه علشان التوتر .. انت علشان ايه؟

**sab3aawy** · 09-03-2008 01:42 PM

انا بقى بيكون عندى احساس غريب جدا وانا نازل يوم الحد

بحس انى نازل 10 ساعات بدرى عن معادى ، وانى مخدتش حقى فى النوم وانى اجدع حاجة اعملها انى اركن العربية واطلع انام

الحاجة الاغرب من كدة انى برغم انى بكون انا اللى سايق العربية بس دايما يوم الحد بحس ان فيه حد رابطنى بحبل من إيديا وراكب حصان وبيجرى بيه وانا بجرى وراء ومش قادر اقف لأنى لو وقفت هاقع على الأرض واتسحل

عادة يستمر الشعور ده لحد نص اليوم، خلاص بتكون المفرمة دارت ولينت ودخلنا جوة الساندوتش ويبدأ الأسبوع يطحن فينا ونطحن فيه لحد ما يحدفنا من مخرج المفرمة زى الطلقة على الجمعة والسبت اللى جايين وقد تحولنا الى لحم بشرى مفروم

**electroman** · 09-03-2008 01:48 PM

المشاركة الأصلية كتبت بواسطة sab3aawy

انا بقى بيكون عندى احساس غريب جدا وانا نازل يوم الحد

بحس انى نازل 10 ساعات بدرى عن معادى ، وانى مخدتش حقى فى النوم وانى اجدع حاجة اعملها انى اركن العربية واطلع انام

على فكرة ده شعور طبيعى و اصعب شئ هو اول يوم بعد الويك اند مش العكس .. و الدراسات بتقول ان اعلى معدل للنشاط هو فى نص الاسبوع مش فور العودة من الاجازة .

**ramyfawzy** · 09-03-2008 01:55 PM

وليه تفكرونا بالموال اليومي الجميل
انا نزلت متأخر النهاردة من البيت (يعني على 7 وربع كده) ووصلت الشغل الساعة 10 صباحا والحمد لله (تقولوش مدير يا جماعة ولا برنس)
من كتر البرجمة والصحيان البدري بقيت بكره ايام الاجازة لأني برضه بصحى بدري

يا جماعة ماحدش يعرف يجيبلي هيليكوبتر استعمال الخارج بس تكون بحالة الزيرو (مارشتش مروحة)
زحمة يا دنيا زحمة - زحمة ومابقتش فرقة

رامى (ابو احمد)

الموضوع: العودة الى المعمعة

LinkBack

أدوات الموضوع

عرض

-

-

-

-

-

المواضيع المتشابهه

تغيير معاد العودة على مصر للطيران

الطريق إلى المطار و العودة

العودة,,,,,,,,,,,,

هو ايه اخبار مبارك .... ولا المقصود اننا ننساه في وسط المعمعة

الكلمات الدلالية لهذا الموضوع

المفضلات

المفضلات

ضوابط المشاركة