مشكلة فتيس الأتوماتيك فى النيو أكسنت

**احمد فهمى** · 30-08-2010 04:50 PM

دى فى الضمان متعملش اى حاجه روح ادهلهم وملكش دعوه اكيد عيب صناعه وده وارد حتى فى البى ام

**dramir1** · 30-08-2010 08:46 PM

متابع بأهتمام

**amooor22** · 02-09-2010 10:42 AM

ان شاء الله خير

**karakero** · 06-09-2010 02:08 PM

المشاركة الأصلية كتبت بواسطة zicooo2008

الاخ العزيز ايه اخبار استهلاك البنزين معاك ايه:b4_611:

الاستهلاك بيبقى حسب السواقه و الله يا باشا .. بس يعنى لو جريت كتير و بحرق على الغيارات و كده بوصل ل 8.5 كيلومتر لكل 1 لتر .. لو سقت على الهادى و كده بوصل ل 11.5 كيلومتر لكل 1 لتر
سواقتى نصها طرق سريعه (اوتوستراد و دائرى) و نصها جوه البلد و زحمه و كده.

**samehrty** · 08-09-2010 11:08 PM

شوف كابل الاوفر درايف ده كابل بيبقى من بدال البنزين للجير بوكس ومسئول عن الاوفر درايف وانه ياخر الغيار في حالة الدوس جامد على البنزين وده بيتعمله ريجلاش عشان تاخر او تقدم الغيار وكده .
ف نقطة تانية كمان هي لما بتيجي تغير بتعمل صوت حكه او كده للغيار لان انا كان عندي مشكلة مشابهه في النوبيرا ولما روحت التوكيل المهندس قالي يا كابل الاوفر درايف يا موزع الزيت للاسف كان موزع الزيت في حالتي بس ان شاء الله تتطلع حاجة بسيطة عندك وهو عامة طول ما العربية موقفتش منك وانت تدوس بنزين وهي متمشيش يبقى كل حاجة تمام

**Adham** · 08-09-2010 11:51 PM

المشاركة الأصلية كتبت بواسطة samehrty

شوف كابل الاوفر درايف ده كابل بيبقى من بدال البنزين للجير بوكس ومسئول عن الاوفر درايف وانه ياخر الغيار في حالة الدوس جامد على البنزين وده بيتعمله ريجلاش عشان تاخر او تقدم الغيار وكده .
ف نقطة تانية كمان هي لما بتيجي تغير بتعمل صوت حكه او كده للغيار لان انا كان عندي مشكلة مشابهه في النوبيرا ولما روحت التوكيل المهندس قالي يا كابل الاوفر درايف يا موزع الزيت للاسف كان موزع الزيت في حالتي بس ان شاء الله تتطلع حاجة بسيطة عندك وهو عامة طول ما العربية موقفتش منك وانت تدوس بنزين وهي متمشيش يبقى كل حاجة تمام

دة كابل الكيك داون

الاوفر درايف بيبقى بزرار او من السيليكتور (إن وجد)

و حضرتك مشاكل الفتيس الاوتوماتيك تبدي بتأخير في الغيار او ان الغيار ينعر من غير مالعربية تسحب

و تزيد لغاية ماتلاقي العربية مابتمشيش

يبقى مش مفروض يستنى عليها لما تجيب اخرها و انما يلحقها من الاول بدل ما يشتري فتيس

**Mohamed_Gamil** · 20-09-2010 09:07 PM

المشاركة الأصلية كتبت بواسطة Adham

دة كابل الكيك داون

الاوفر درايف بيبقى بزرار او من السيليكتور (إن وجد)

و حضرتك مشاكل الفتيس الاوتوماتيك تبدي بتأخير في الغيار او ان الغيار ينعر من غير مالعربية تسحب

و تزيد لغاية ماتلاقي العربية مابتمشيش

يبقى مش مفروض يستنى عليها لما تجيب اخرها و انما يلحقها من الاول بدل ما يشتري فتيس

يا جماعة انا رحت التوكيل للمرة التانية بس المره دى كنت واخد معايا واحد معرفة شغال عند احد موزعين هيونداى المعتمدين وهو عارف كل المهندسين والعمال هناك المهم اول لما وصلت التوكيل لقيت معاملة مختلفة تمامأ و مستنتش طبعأ الساعة إلا ربع اللى بستناها كل مرة لحد لما المهندس يتكرم ويجى يستلم منى العربية وجالى المهندس على طول بأمر من رئيس المهندسين اللى بيبقى موجود هناده على طول ده ، وركب العربية ودخلنى الورشة على طول وطلع معايا مهندس تانى من اللى جوا وجرب معايا العربية وقاللى العربية طبيعية جدأ ومفهاش اى حاجة وطول ما البنزين مش بيدوس على الفاضى او الفتيس بينتش مثلأ او العربية عزمها ضعيف او مش بتجمع سرعة يبقى متقلقش من حاجه وكده كده عربيتك فى الضمان واى حاجة تحسل بتاعتنا !!!

طبعأ انا مكنتش مصدق نفسى ان المعاملة دى من مهندسين فى غبور ، المهم انى اطمنت ان كل حاجة تمام