بتزعل لما حد يضرب اولادك؟

**Khalid_Mostafa** · 26-08-2010 12:08 PM

ده انا كنت فاكر نفسي عندي مشكلة نفسية خاصه بالموضوع ده ....لأني كذا مره اعمل مشاكل مع قرايبي بسبب القصه دي ..
بس انا الحقيقة كنت بوجه ابني بغشوميه شويه وكنت بقله متجيش تعيطلي ...اضربه زي ما ضربك قدام الولد و ابوه و امه وبالفعل كان ابني ما بيصدق اقله كده وبيروح ياخد بحقه فعلاً وكان ابو و ام الولد المعتدي بيزعلوا مني جداً ...وحصلت كذا مشكلة بسبب المواضيع دي لحد ما اطمنت اني زرعت الموضوع ده في نفسه ..ودلوقتي مبقتش بنصحه لأنه بقي بيعمل كده لوحده

بس الملاحظ ان الموضوع ده بيختلف من طفل للتاني ...يعني فيه طفل مبيخدش حقه مباشرة إلا لما انت توجهه لده وغالباً بيبقي البكري كده (ابني الكبير)
وفيه عيال مولودين و فيهم الموضوع ده لوحدهم (ابني الصغير ....ويمكن يكون اتعلمه من الكبير في فترة لاحقة)

**M.Mosaad** · 26-08-2010 12:21 PM

من رايي مينفعشي تقول لولادك اللي يضربك تضربه لان ممكن دة يحصل قدامك و ولادك يضربوا اولاد ناس تانيين و في الحاله دي هتبقي لازم تتدخل و تعنف ولادك و في الحاله دي هتبقي انت بتطلب منهم حاجات و في نفس الوقت بتنهرهم عليها و دة مش صح

الموضوع انك بتشوف الشخص اللي قدامك رد فعله ايه لما ابنه يضرب ابنك او بنتك لو عنف ابنه يبقي خلاص مينفعشي تتكلم لان هيبقي فعلا دول عيال و بيلعبوا مع بعض --- لكن لو من عينه ابن خالتك و مراته يبقي الموضوع مفيهوش عيال و بيلعبوا لا لازم تكلم ابن خالتك بصراحه و لو وصلت انك تقتصر عنه حتي لو ساكنين في بيت واحد لان واضح ان مامتهم عندها مشكله نفسية و مبسوطة من ان عيالها بيضربوا اطفال تانيين و مش لازم الاقتصار يجيي للسبب دة ممكن تقلل زيارتكم و اجتماعتكم بحجة انك مشغول او اي حجة

بس لازم تربي فيهم برضة انهم يحاولوا ياخدوا حقهم و لو بالشكوي لحد اكبر لكن في اطفال بتتضرب و تسكت من غير اي رد فعل و دة غلط جداااا و لازم يتغير فيهم

**أحمد علاء** · 26-08-2010 12:30 PM

المشاركة الأصلية كتبت بواسطة muslima

ينتشر في هذه الأيام بمناسبة حلول شهر رمضان المبارك
حديث

( أول شهر رمضان رحمة ، وأوسطه مغفرة ، وآخره عتق من النار )

أنه حديث منكر

هذا والله أعلم

جزاكم الله خيرا

**تامر.محمد** · 26-08-2010 12:50 PM

المشاركة الأصلية كتبت بواسطة mobitic

كانت عندى نفس مشكلتك
بنتى مريم كانت بتضرب من طوب الأرض ولو زعلت من حد يقولولى دول عيال بلاش تعمل عقلك بعقلهم
وكنت بسكت وانا محرج.
حتى جاء يوسف
تاتاتاتاتاتاااااااااااااا ااا

**ahmed4000** · 26-08-2010 01:36 PM

المشاركة الأصلية كتبت بواسطة dojuar

طيب بين العيال و بعضها امر سهل

لكن اما حد ست او راجل يضربه لما يعمل حاجة غلط؟؟

هاتعمل ايه؟ وخصوصا اما يكون خاله او عمه؟؟

دى اسوأ بس الحقيقة مش عارف ليه الاهل يضربوا حد مش ابنهم

**smsm_cato** · 26-08-2010 01:56 PM

المشاركة الأصلية كتبت بواسطة dr-mohamed

بصراحة الل ىبتعمله مرات ابن خالتك ده قلة ادب
بص يا باشا
بنتي الكبيرة عندها 8 سنين اول ما دخلت المدرسة كانت بتنضرب في الباص من غير ما تقولي
بعدها اختها دخلت المدرسة وبيركبوا مع بعض بقت الصغيرة تفتن على الكبيرة وتقول انها انضربت في الباص
مرة في مرة زهقت
مسكت الاتنين ادامي قلت لهم لو انضربتوا من غير ما تضربوا اللى يضربكم هضربكم انتم الاتنين
ومفيش حاجة اسمها اختى اللى انضربت
اللى تنضرب فيكم تضرب اللى بيضربها واختها كمان تضرب معاها
ولو حد ضربكم وانتم اللى ضربتوه هكافأكم

بعدها بفترة لقيت مشرفة الباص بتكلمني وبتقولي سكت البنت بتضرب الولاد ومش عايزة تسكت نهائي
كلمت البنت طلعت الكبيرة ايه اللى حصل قالت لي ان ولد ضربها وهي ضربتها وعايزة تكمل الضرب والمشرفة بتمسكها قلت لها كملي الضرب
وقلت لها اديني المشرفة ومسحت بيها الارض قلت لها لو انتي منعتي الولد انه يضربها مكانتش هتضربه
وتضرب اللى هي عايزاه ما دام انتم مش شايفين شغلكم وسايبين الولاد يضربوا بعض في الباص وقفلت السكة في وشها

اول لما رجعوا البيت كافات الكبيرة واديتها 5 جنيه مكافاة علشان هي ضربت اللى ضربها

مع ولاد اخواتي وهما بردو كتير وفي اعمار متقاربة
بقولهم متبداوش انتم الضرب
لكن لو حد ضربكم من غير ما تضربوه اول ما نرجع البيت هتنضربوا
حتي لو قلت لكم عيب او متضربوش اياكم متاخدوش حقكم

مع بعض ممنوع واحدة تضرب اختها نهائي

بصراحة عجبتنى طريقتك قوى وانا دايما بعمل مع ابنى كده بس معملتش حكاية المكافاءة دى لازم اجربها اكيد هتجيب نتيجة

hh · 26-08-2010 01:58 PM

انا رأي انك متحاولش تتكلم مع قريبك لأنه كدة كدة عارف و مطنش. أنت بنفسك لما تلاقي ضرب تزعق للعيال و تهددهم ان الي حيضرب حد (طبعا الكلام للعيال كلهم ولادك و ولاده) حتمنعوا يلعب مع التانيين. و فعلا نفذ تهديدك ده مع أول تكسير للكلام, يعني لو لقيت ولاده برضه ضربوا ولادك أمنع ولادك يلعبوا معاهم شوية, حتلاقيهم هما بيبطلوا موضوع الضرب ده عشان ميتحرموش من اللعب.

طبعا قريبك أحتمال كبير هو اللي يزعل انك بتزعق لولاده او تعاقبهم, بس انت ساعتها فهمه انك متقدرش تسكت لما تلاقي الولاد بيضربوا بعض (برضه خلي الكلام علي العيال كلهم مش ولادك و ولادي) لأن كدة حيتعودوا على العنف خصوصا انهم مش قد بعض في السن فحرام نسيب الكبار يضربوا الصغيرين عشان مش عارفين يدافعوا عن نفسهم.

موضوع بقى ان حد كبير يضرب ولادي دي أنا طبعا مقبلهاش. لو حصلت المفروض الواحد ما يتكلمش قدام الطفل نفسه لأنه أكيد الكبير ده ضربه عشان حاجة هو عملها غلط فعلا فلو شافني بلوم على الكبير حيحس انه مظلوم. الصح انك بعيد عن الطفل تتكلم مع الكبير ده ايا كانت قرابته و تفهمه انه ميضربوش تاني و انه لو عمل حاجة يقولك و انت تتصرف معاه.

**mando_07** · 26-08-2010 02:37 PM

المشاركة الأصلية كتبت بواسطة dr-mohamed

بصراحة الل ىبتعمله مرات ابن خالتك ده قلة ادب
بص يا باشا
بنتي الكبيرة عندها 8 سنين اول ما دخلت المدرسة كانت بتنضرب في الباص من غير ما تقولي
بعدها اختها دخلت المدرسة وبيركبوا مع بعض بقت الصغيرة تفتن على الكبيرة وتقول انها انضربت في الباص
مرة في مرة زهقت
مسكت الاتنين ادامي قلت لهم لو انضربتوا من غير ما تضربوا اللى يضربكم هضربكم انتم الاتنين
ومفيش حاجة اسمها اختى اللى انضربت
اللى تنضرب فيكم تضرب اللى بيضربها واختها كمان تضرب معاها
ولو حد ضربكم وانتم اللى ضربتوه هكافأكم

بعدها بفترة لقيت مشرفة الباص بتكلمني وبتقولي سكت البنت بتضرب الولاد ومش عايزة تسكت نهائي
كلمت البنت طلعت الكبيرة ايه اللى حصل قالت لي ان ولد ضربها وهي ضربتها وعايزة تكمل الضرب والمشرفة بتمسكها قلت لها كملي الضرب
وقلت لها اديني المشرفة ومسحت بيها الارض قلت لها لو انتي منعتي الولد انه يضربها مكانتش هتضربه
وتضرب اللى هي عايزاه ما دام انتم مش شايفين شغلكم وسايبين الولاد يضربوا بعض في الباص وقفلت السكة في وشها

اول لما رجعوا البيت كافات الكبيرة واديتها 5 جنيه مكافاة علشان هي ضربت اللى ضربها

مع ولاد اخواتي وهما بردو كتير وفي اعمار متقاربة
بقولهم متبداوش انتم الضرب
لكن لو حد ضربكم من غير ما تضربوه اول ما نرجع البيت هتنضربوا
حتي لو قلت لكم عيب او متضربوش اياكم متاخدوش حقكم

مع بعض ممنوع واحدة تضرب اختها نهائي

مع احترامي طبعا لحضرتك بس المفروض ان البنت متتعودش انها تضرب ولاد خالص يعني ممكن تشتكي في المدرسة أو تشتكي حضرتك وانت تروح تهزء الولد و تجيب ولي امره

-

-

الموضوع: بتزعل لما حد يضرب اولادك؟

LinkBack

أدوات الموضوع

عرض

-

-

-

-

-

-

المواضيع المتشابهه

هو مش كل واحد حرررر فى كلامه ... الناس بتزعل لية ؟؟

علشان مستقبل اولادك منقول

اولادك او بناتك فى مدرسة ايه ؟؟؟؟

بتوصل اولادك المدرسة

ليه الناس بتزعل لما حد ينتقد عيوب سيارة

الكلمات الدلالية لهذا الموضوع

المفضلات

المفضلات

ضوابط المشاركة