الموضوع: اليابــانى ام الكـــوري ؟؟؟ ...

و ياريت تعمل اكونت جديد و تغير اسمك بقى ياعنى عمال تقول كده و عامل اسم ده و كمان هيبقى معاك مازدا 3 يا راجل يا طيب

هههه الواحد بس صعبان علية المشاركات الي عملها بالاكونت دة

فرق سنين خبرة و تجارب ... و نجاح و فشل ... و تاريخ طويل اوي

سوبارو و مازدا و ايفو و سوبرا و سكاي لاين و حاجات تانية كتير ....

دي علامات في تاريخ السيارات لا يمحي .... و اكيد بينعكس علي الحاضر ...

عربية زي نيسان gtr الجديدة بنص تمن البورش 911 و تسبقها و تتفوق عليها .... حاجة رهيبة فعلا

زي ما اليابان لسه موصلتش للصناعة الالماني و الايطالي في بعض الفئات

الكوري حياخد وقته... شيء طبيعي .... بس لا احد ينكر ان العربيات الكوري معمرة و اثبتت نجاح كبير جدا

كلام حضرتك طبعا 100% و بيأيد كلامى ان فعلا الصناعة اليبانية مرت بنجاح و فشل و تجارب و اختراعات
الكوري بدأ الخطوة دى و الـ Carve بتاعة في الطالع طبعا بس فعلا زي ما بقول الخبرة لليابانى طبعا
و شكرا لردك ...

محدش قال ان الياباني و الكوري متساويين طبعا التاريخ في صالح الياباني
لكن برضه معدل و سرعه التطور بتتضاعف مع الوقت و ده اللي خلا الكوري يقترب من الياباني في الـ 30 سنة الاخيرة برغم ان الياباني اقدم بكتير من الكوري
يعني معدل التطور في الربع الاخير من القرن العشريين اعلي بكتير جدا من معدل التطور في الربع الاول
و متنساش ان الكوريين اخدوا التقنية بتاعتهم و اتعلموا من اليابانيين

100%

انا معايا عربية ياباني (صني) و كان معايا عربية كوري (إكسيل) و العربيات الكوري كويسة و ناجحة و ماشية في مصر كويس و فيها تقنية لا تقل عن الياباني و سعر اعادة بيعها اعلي من بعض موديلات الياباني زي المازدا و الهوندا.
و الكوري مواتير كويسة و عفشة مش بطالة و تقفيل كويس جدا جدا و مواتير ناعمة

انا مش متفق مع حضرتك في حـاجة اننا نقارن الاكسيل بالصنى .. ممكن نقارنهـا بالانترا او الاكسنت
لكن الاكسيل يبقي كدة بنظلمهـا بصراحة ...

متفق معاك وبشده حتي لو تطورت الصناعه الكوريه هيفضل الكوري كوري و اليباني يباني هيفضل في حاجز بين الصناعتين

المشاركة الأصلية كتبت بواسطة tutankhamoun

أيه هو الحاجز ده يا أستاذ ميدو ؟؟؟؟
و أيه الحاجز بين الياباني و الأوروبي ؟؟؟ لو أنت بتظن برضه أن فيه حاجز بين الياباني و الأوروبي

لا حضرتك مفيش حاجز بين اليباني و الاوروبي هو اصلا ميمفعشي نقارن الباني بالاوروبي
حضرتك لو سقت عربيه من كل صناعه هتعرف الفرق بنهم
جوه تصنيع و تقفيل و تكنولوجيا و اسم و محركات و امان كل الحجات دي بتتفوق فيها الصناعه الاوروبيه و خاصتا الالمانيه اظن الملايين و الافات الكتير الي بتدفع في عربيه زي الباسات ولا البي ام الفئه الخمسه ولا فئه الs دي مش فلوس بتروح علي الارض! ولا الاكورد الي تمنا نص او اقل من نص ثمن الفئه الخمسه سعرها رخيص لله لا عشان هي عرفه انها ميمفعشي تقف ادام دي و الفئه الخمسه عرفه هي ايه عشان كدا ليها سعرها
الموضوع اكبر بكتير من انه يخلص في ل المنتدي ده لانها خبره اكثر من 100 سنه لكن ممككن احط نبزات
الامان ياريت حضرتك تراجع اوزان العربيات الاوروبي الي اقل عربيه فيهم طن و نص و مع ذلك بينزلو بمحركات 1.6 و بيقمومو بالواجب و لا قدر الله لو حصل حادثه الي جوه العربيه مبيتخدشي بأزن الله
المحركات انا مش هتكلم الصحف و المقاييس العالميه تعطي اغلب الجوائز للمحركات الالمانيه لانها الاقوي و اسرع و افضل محركات في العالم
الرفاهيه اظن الاوروبيين مش مخليين رولز رويز و ميباخ و ججور الي لكزس و انفنتي ميجوش جنط جمبهم اصلا
الاسم و التاريخ فالسياره ليست مجرد شئ يقاد فالذين يدفعون الملايين في هذه السيارات يريدون اقتناء الاسم وليست مجرد سياره


مش عارف اقول ايه ولله يعني اظن حضرتك بتمشي في الشارع و بتشوف الحوادث و بتمشي علي الطريق و بتشوف جري العربيات و اليباني بيبقا ايه و الالماني ايه انا معايا لانسر و بتندم عليها(بس بالنسبه لشاب لازم هي لاسباب كتير) كنت بقول الجري و هسبق الاوكتيفا و الجتا و الفكترا و بقول عليهم تقال لما اشترتها اوك ماشي سابق 100 150 170 فين ثباتي بقا لا هو فاتح التييف و مزاجه زي الفل مستني يشوف اخري ايه علي الملفات لازم انزل ل100 و هو علي سرعته ميلمسي الفارامل يطير من جمبي و ياكل غرز علي سرعته عادي و حصل اي حاجه لو شعر فرامل يكون وقف خلاص و انا اخدها زحف عشان اهدي
حضرتك انا كل يوم ريسنج و كل يوم بركب عربيات اشكال و الوان و عارف يعني ايه الماني و يعني ايه يباني و اظن الراجل الي شغال 20 ولا 30 سه في العربيات و حافظ العربيه مصمار مصمار و قال الي مركبشي الماني يبقا مركبشي عربيه مش بيقول الكلام ده من فراغ!

المشاركة الأصلية كتبت بواسطة tutankhamoun

أنت قارنت عربيات من فئات مختلفة سعريا من ناحية الخامات الداخلية ........ لازم يكون فيه فرق .

أنا مش بتكلم عن الحاجات دي .
أنا بتكلم عن تنكولوجيا مواتير ........... مفيش فروق و السعر مش كل حاجة و لا الوزن كل حاجة
عربيات لوتس واخدة 5 نجوم أمان ........... ووزنها 800 كجم بس .
و عربيات تويوتا الأمان فيها 5 نجوم زيها زي المرسيدس أم 250 ألف جنيه مصري .
و عربيات كوريا دلوقتي كلها بتأخد 5 نجوم في الأمان .......
و على فكرة أختبارات الأمان كلها عن طريق أوروبا مش أختبارات محلية .

الوزن مش كل حاجة زي ما قلت ......... دي فلسفة تصنيع ......... مش تفوق .

و السعر زي ما قلت مش كل حاجة و مش هو اللي يخلي عربية أحسن من عربية .
السعر داخل في تحديده حاجات كتيرة .
منها على سبيل المثال :

أسعار الأيدي العاملة .
كمية الأنتاج .
أسم الماركة ( فيه ماركات لها أسم لوحدة بغض النظر عن العربية زي مرسيدس و بي أم )
الضرائب المدفوعة في كل بلد بتختلف من بلد للتانية .

و على فكرة أنا ركبت أوروبي ......... و ياباني .............. و مش شايف أي فروق بينهم
الأثنين منتجات بتقضي الغرض منها ......... و إن كل منتج له تميز عن الأخر .
زي مثلا الأوروبي بيهتم بصاج تخين ....... الثبات على الأرض ..........
الياباني بيهتم بتكييف تلاجة ...... عربية ناعمة موفرة في البنزين .......... موتور عملي و ناعم

و أصلا التعميم مينفعش .......... فيه عربيات ياباني أحسن من عربيات أوروبي ......... و العكس .
إنما ممكن نتكلم عن مدارس وتميز مدرسة عن مدرسة في شئ معين .

انا بقول اكورد و الفئه الخمسه اظن انهم فئ واحده علي حد نظري
اوك لو حضرتك عاوز مواتير فمرسيدس تدفع مليارات الدولارات ثانويا لتطوير تكنولويجا المحركات و تمتلك slr عربيه استوك مفهاش شارحن تربو واحد و ترتيبها ال6 علي العالم و كمان 8 سندر دي بتقول للعالم انا انا و مفيش حد زيي
ياريت تقول لي ايه من الصناعه اليابانيه الي دخله ترتيب عالمي
و كمان حضرتك مش بتشتري عربيه موتور بس انت بتشتري عربيه جامله
حضرتك تقدر تقول لي تيوتا الي المفروض مواترها من افضل المحركات الكورولا mmt كمان 1.6 وزنها لا يتعدي ال1300 كيلو مش بتاخد لا حق ولا باطل من الباسات الي هي بردو 1.6 و وزنها داخل علي 2 طن و عندها قاعده عجل عريضه تهد اقوي موتور1.6 ليه دا بيحصل؟؟ و لو الوزن مش عامل مهم ليه الباسات بتاخد ملفتها علي 200 عادي جدا في حين ان الكورولا لو فكرت تخده علي 180 هتكون في الضياع انا عارف ان المفروض الجتا تتقارن بالكورولا مش الباسات بس انا بدري مثل للمحركات
ليه يا باشا الجولف هي اسرع سياره هتاش باج في العالم ليه السوبارو الي هي تحفه من تحف اليابان الي اغلب محركاتها قيمه علي الشواحن التربو مكسترتشي حاجز الجولف الي مبني من اكثر من 50 سنه!
ليه العربيات التيرالا في جميع انحاء العالم فولفو و مرسيدس؟
ليه ليموزين المطار الي بتعمل اكثر من 1500 كيلو في اليوم مرسيدس عيون
ليه اسرع عربيات في العالم تابعه لالمانيا
ليه فولفو هي السياره الاولي في الامان في العالم
ليه سيارات الملوك و الرئساء اغلبها المانيه
ليه كل الممسلين بيركو اودي و مرسيدس و بي ام
ليه ملوك الفورميلا ون مرسيدس و فيراري و يليهم جميع المركات الاوروبيه اما تيوتا فبدايه دخولها الفورميلا ون من كام عام و لم تبدع فيه ولم تصل لاي ترتيب عالمي
حضرتك عاوز اوضح حاجه 5 نجوم يعني هي عربيه امانها ممتاز بتحمي الناس الي جواها كويس لكن دا ملهوش دعوه ان دا زي ده لا طبعا دخل c180 في سيراتو كدا و شوف لو السيراتو مبقتشي كوره بنج يبقا انا مش بفهم حضرتك مش بتشوف حوادث السياراتو و العربيه بتتعجن فيها ازاي بتشوف بقا الاوكتيفا ولا المرسيدس و دي حوادث نادر لو الواحد شفها كام مره في العمر بتلاقي الكبينه زي ما هي لو اطبق شويه ادام ورا الجمب لكن جوه مفيش خدش دا حتي تلاقي منهم حوادث الصاج بيطق من بعضه و يمسك جامد في بعضه جامد من ثمكه و قوته مش بيتنا و في شاسيه مش بتعدي منه ولا اتقل عربيه نقل لانه فولازي هل الحجات دي موجوده في السيراتو؟!
يارت حضرتك تنزل اي منطقه سمكريه و اتفرج بقا و شوف كل الصناعات انا متأكد انك هتدي للسياراتو 0/10 لو شفت الa5 مثلا
حضرتك كل العربيات بتمشي يعني هو ال124 مش بتوصل؟
احنا بنتكلم علي اقوي و افضل عربيات دا موضوع كبير جداو علي فكره المواتير الالمانيه موفره جدا للوقود لو حلتها نظيفه و عن تجربه انا بومه 1.3 و عمي مرسيدسe240 القديمه 6 سلندر 2400 سي سي تحداني اننا هنمشي 50 كيلو علي سرعه 90 كيلو احنا الاثين و عربيتي هتستهلك بنزين اكثر و كسب الرهان و انا مزهول و عرف بعد كدا ليه لكن دا موضوع يطول شرحه
ياريت حضرتك تجرب تكييف الa5 علي واحد و تقول لي بقا مين الي تكييفه تلاجه في فرق بين بطلع هوا جامد و دي تيوتا و بين متحسش ان في هوا طالع لكن تلج بس و دي الصناعه الامانيه انا لو فكرت اعلي تكييف الاوكتفيا علي 3 يبقا انا كدا بنتحر اصلا!
حضرتك ليك تجربه مع الاوكتيفا او الجتا او الباسات حضرتك مفيش صوت بيطلع من العربيه اصلا و سمعت صوت دا جاي من تحت العربيه حتي لو قرصت جامد يادوب صوت ديفل خفيف و كلها مواتير نعمه جدا و ادائها عالي جدا
حضرتك مفيش عربيات يباني احسن من الاوروبي لان بختصار الاوروبي لا يعلي عليه
و علي العموما دي وجهات نظر و تشرفت بالنقاش معاك