سيات ايبيزا ام ايفو بونتو ام الهونداى

**gha** · 30-08-2010 10:55 PM

رجاء مساعدتى وبمنتهى الجدية لانى فعلا احترت كتير بعد ما كنت مقتنعة بi30 او i20اواكسنت اوتوماتيك..... قريت فى المنتدى ولقيت ناس كتير بتنصح بالعربيات الاوروبى وانها افضل من الكورى وبصراحة محتارة الاسعار تقريبا متقاربة لكن مثلا قوة الحصان مختلفة مثلا الايفو 77 حصان بينما الهونداى 105 حصان و112فى الاكسنت والi30وغير الاوبشن شيفاها اكتر فى الاوروبى .وانا اللى يهمنى عربية يعتمد عليها وسواقتها مريحة وناعمة وقوية ومحترمة وبرضه فيها اوبشنز. تفضل مع الوقت ليها قيمتها وتوكيلها محترم ومتتعبنيش فى قطع غيرها لو لا قدر الله احتاجت تصليح .كنت فاكرة الكورى اسهل لانه اكثر انتشارا بس واضح ان الاوروبى افضل افيدونى ارجوكم بسرعة لانى عايزة اقرر وخايفة من مسألة 77 حصان دى انا عارفة ان الابيزا فى منها 1600 سى سى و105 حصان بس غالية وكمان خايفة استعمل الاوتوماتيك خايفة يطلع فيه مشاكل كتير بعد كده ومش عارفة الابيزا 1400 اخبارها ايه وهى ولا الايفو بونتوا ولا الهونداى الاكسنت او ال i30او i20 >منتظرة الرد سريعا إذا تفضلتم ولكم خالص شكرى.

**Gabrial** · 30-08-2010 11:43 PM

دة تقرير عن بونتو ايفو
http://www.nilemotors.net/Nile/17651...ckage-2-a.html
دة تقرير عن ابيزا 2010 بس 1600 و ابيزا يا تجيبي 1600 يا بلاش منها.
http://www.nilemotors.net/Nile/119447-2010.html
توكيل سيات أحسن توكيل في التلاتة دول.
قطع غيار هيونداي طبعاً أرخص و متوفر أكتر و مراكز الصيانة بتاعة هيونداي أكتر .
الاوروبي قطع الغيار أغلى و معمرة و بتكون متوفرة في التوكيل .
حضرتك اقري المواضيع ديه و كوني فكرة الاول .

**Gabrial** · 30-08-2010 11:57 PM

ديه معلومات عن i 20
http://www.nilemotors.net/Nile/155160-i20.html

**eng_ahmedryad** · 30-08-2010 11:59 PM

الأول لازم تجيبي أوتوماتيك في مصر المحروسة

وكل العربيات دي كويسة

بس لو حددتي الميزانية هايكون الأختيار أسهل

وعموما أنا لو بختار هيكون الأولوية لهيونداي : موتور قوي - سهولة الصيانة - توافر قطع الغيار - سعر إعادة بيع ممتاز

**ahmedyehia515** · 31-08-2010 12:15 AM

مبدئياً موضوع الحصان مش اللى بيحدد قوة العربية خاصة فى مصر عشان أصلاً مفيش مجال لإستعراض قوة الموتور ، يعنى مثلاً الفولكس الجيتا 102 حصان فى حين الكيا السيراتو 124 حصان، بس هل فى أصلاً مجال لمقارنة العربيتين ببعض ، السيراتو آخرها 140 ألف و الجيتا أولها 172 ألف فعشان كده مينفعش يبقى قوة الموتور هوا المقياس الوحيد للمقارنة، الأصح انك تحددى ميزانيتك و استخداماتك و ساعتها هتعرفى الأختيار الصح.

بس بوجه عام الأوروبى سعره اعلى و قطع غياره أعلى و عادة بيكون سعر إعادة البيع أقل بس كعربيات عادة شكل أحلى و يعنى كده زى ما بنقول ركوبة كويسة و التوكيل على حسب نوع العربية بس

الكورى طبعاً أرخص نسبياً بإوبشنز اكتر ، قطع غيار فى كل حتة و أكتر من مركز خدمة و التوكيل قليل لما حد يشتكى منه.

من الحاجات اللى انتى قولتيها ، انا شخصياً افضل الإيبيزا ال1400 ، طبعاً ال1600 هتكون أفضل بس على حسب ميزانيتك، كشكل خارجى الإيبيزا أحلى واحدة بس الموضوع ده أذواق، الموتور ال1400 فعلاً كويس و انا عامل بيه 306 ألف و شغال زى الفل، قطع الغيار أغلى بس بصراحة معمرة و فى الاول و الآخر العربية تعتبر فولكس.

لو انتى ناوية تيجيبى العربية زيرو و تفضل معاكى فترة طويلة يعنى انت مش من الناس اللى بتحب تغير العربية كل 3 سنين يبقى هاتى الإيبيزا و حافظى على صيانتها فى مواعيدها و العربية هتفضل شغالة و مش هتقول لأه

**ahmedmohamed7** · 31-08-2010 12:39 AM

نصيحه دايما بينصح بيها هى ان حضرتك تنزلى تشوفى العربيات ديه فى الاول على الطبيعه مش بالضروره العربيه الاقوى او الاحسن هى الى تعجبك من راى الراحه النفسيه للعربيه مهم جدا

انا شوفت من العربيات المذكوره fiat punto evo و بصراحه تحفه اقل حاجه فيها الموتور و فعلا هو اضعف بفارق عن المنافسين بس يقضى الغرض بالنسبه للزحمه و طبيعة سواقة البنات غير كده العربيه ممتازه :) بقيت العربيات مش شوفتهم الحقيقه :)
Good Luck

**ahmedsadek82** · 31-08-2010 01:13 AM

اوروبي ثم اوروبي .....سيارات امنة و معمرة و تستاهل فلوسها . . انصح بالسيات لان توكيلها احسن و هي في الاخر تبع مجموعة vw فتعتبر اخت الالماني

**gha** · 31-08-2010 01:48 AM

المشاركة الأصلية كتبت بواسطة gabrial

دة تقرير عن بونتو ايفو
http://www.nilemotors.net/nile/17651...ckage-2-a.html
دة تقرير عن ابيزا 2010 بس 1600 و ابيزا يا تجيبي 1600 يا بلاش منها.
http://www.nilemotors.net/nile/119447-2010.html
توكيل سيات أحسن توكيل في التلاتة دول.
قطع غيار هيونداي طبعاً أرخص و متوفر أكتر و مراكز الصيانة بتاعة هيونداي أكتر .
الاوروبي قطع الغيار أغلى و معمرة و بتكون متوفرة في التوكيل .
حضرتك اقري المواضيع ديه و كوني فكرة الاول .

الف شكر بصراحة انا حسيت انى راكبة العربيتين وبجرب كل شئ فيها وبالإضافة لمعلومات كتير جديدة عليا ومفيدة وكنت بسمع عنها بس.على فكرة انا معايا هونداى ايكسيل خليجى هاتشباك وبقالها معايا 14 سنة وكويسة اوى لكن بدأت حاجات تظهر فيها (عمر افتراضى)ومش ها ابيعها لكن عايزة حاجة جديدة مريحة ليا ولاولادى معايا وهما شباب حديثى التخرج .عموما بشكرك جدا جدا على التقارير المرفقة وجزاك الله خير

**gha** · 31-08-2010 01:58 AM

المشاركة الأصلية كتبت بواسطة eng_ahmedryad

الأول لازم تجيبي أوتوماتيك في مصر المحروسة

وكل العربيات دي كويسة

بس لو حددتي الميزانية هايكون الأختيار أسهل

وعموما أنا لو بختار هيكون الأولوية لهيونداي : موتور قوي - سهولة الصيانة - توافر قطع الغيار - سعر إعادة بيع ممتاز

فى الحقيقة انا كنت بفكر زى ماحضرتك إقترحت بس من قراءتى لردود الاعضاء واراؤهم شايفة ان العربيات بيتشال منها حاجات كتير وتمنها زى الاوروبى زى الإيفو بونتو مع الi20 تقريا مع فرق بسيط فى السعر حوالى 3ونص الف فى الاوتوماتيك كود1.

**gha** · 31-08-2010 02:00 AM

المشاركة الأصلية كتبت بواسطة ahmedmohamed7

نصيحه دايما بينصح بيها هى ان حضرتك تنزلى تشوفى العربيات ديه فى الاول على الطبيعه مش بالضروره العربيه الاقوى او الاحسن هى الى تعجبك من راى الراحه النفسيه للعربيه مهم جدا

انا شوفت من العربيات المذكوره fiat punto evo و بصراحه تحفه اقل حاجه فيها الموتور و فعلا هو اضعف بفارق عن المنافسين بس يقضى الغرض بالنسبه للزحمه و طبيعة سواقة البنات غير كده العربيه ممتازه :) بقيت العربيات مش شوفتهم الحقيقه :)
good luck

رأى حضرتك سليم فعلا وان شاء الله ها اعمل كده بس حبيت استفيد من خبرة الساده الاعضاء التى لا يستهان بها وخصوصا من جرب العربيات بالفعل والتجربة خير دليل