الكوري لو يستنضف الخامات الداخلية و جودة التصنيع ممكن يبقي منافسالكلام دة لو انا بقول ان الكورى احسن من الاوربى و لا الامريكى و لا اليابانى حتى .. انا مبقولش كدة خالص .. بس بلاش نقدس جنسيات و موديلات معينة كانها انزلت من السماء و مفيش حد يعرف يعمل زيها .. الخلاصة انا شايف ان الكورى بقى فى الصف الاول الان و بينافس فى كل الفئات بجدارة
لكن لو هنتكلم عن الشكل في الفئة السعرية القريبة بين السراتو و الكرولا بكل امانة اقلك السيراتو تكسب
لكن جودة تصنيع و خامات جيدة و مواتير معلش اليابانى يكسب عن تجربة شخصية كان معايا تيوتا 2006
اما بالنسبة للثبات الحمد لله عمري ما زودت عن 120 لكن الكرولا عديمة الثبات في الطرق السريعة بس مش معنى كدة انها خطر هى محتاجة واحد مركز مش اكتر و انا معترف بدة الثبات مش لصالح الكرولا
بس بيقولو الكلام دة تم معالجتة في موديل 2010 معرفش بصراحة ممكن اتفق معاك الثبات لصالح السيراتو !!
لكن في النهاية بجد كل الي عاوز اوصلة الكورين بيشتغلو و يتعبو
و طبعا كفاية انهم عندهم منتجات بيصدروها مش زي مصر مش عارفة تعمل ربع عربية
لكن هقولك مثال توضيحى لية علاقة بكرة القدم و السيرات !!!
مصــر و البرازيل
طول عمرنا نقول مستحيل ان مصر تكسب البرازيل او لو لعبت ماتش هتخسر 10 صفر و حتى زمان امام فرنسا لما خسرنا خسارة مهينة 4-0
لكن دلواتى اخر ماتش بين مصر و البرازيل
نافست و عملت ماتش من احسن ما يكون و اتعادلنا 3-3 لكننا في النهاية اتهزمنــا 4-3
دة نفس الكوري و اليبانى الكوري هينافس و يقدم منافسة طيبة و ممكن يتعادل
لكن في النهاية يبقي الكوري كوري و اليبانى يبانى معروف بصناعتة
المفضلات