الموضوع: اليابــانى ام الكـــوري ؟؟؟ ...

المشاركة الأصلية كتبت بواسطة amrseba

ههههههههههههههههههههههههه ه ايه الرد الجامد ده فعلا مكنتش بحب الطعميه و انا صغير كان اوبيه يقولى ده لما الاجانب بيجوا مصر بيقولو عليه كباب ................. كباب مصر عارف احلى حاجه ايه ان الكورى منتشر عشان انت تبقى راكب عربيتك سواء يابانى او اوروبى برستيج و الناس تبص عليك اه هتاخد عين هتجيبك الارض بس برده هتحس بالتميز و تلاقيك انت الوحيد الى ماشى بالعربيه دانا ببقى ماشى فى الشارع بشوف عربيتين سيراتو ماشيين جمب بعض او 3 كمان بقول الله يكون في عونه الى راكب جوه

هههههههههه
تمام يا مان ما انا فرحان اوي بالسيراتو عشان الانسر الحمد لله معتدشي عربيه شعبيه بقا عزيز انك تشفها مشيه و بقيت بمشي بتناكه ديما و خصوصا ان كل الي اعرفهم باعو لانسر و كورولا عشان سيراتو دلوقتي بيتندمو عليها و بيحلمو بالانسر تاني

انت تبقى راكب عربيتك سواء يابانى او اوروبى برستيج و الناس تبص عليك اه هتاخد عين هتجيبك الارض بس برده هتحس بالتميز و تلاقيك انت الوحيد الى ماشى بالعربيه دانا ببقى ماشى فى الشارع بشوف عربيتين سيراتو ماشيين جمب بعض او 3 كمان بقول الله يكون في عونه الى راكب جوه

فعلا اكتر حاجة بتقلق الواحد موضوع العين دة مفيش حد بيقول ما شاء الله غير قليل !!! مش موضعنــا !!!

بس فعلا السيراتو انشترت انتشــار غريب و فعلا والله انا مرة قلت هعدكام عربية سيراتو الناهرضة و انا ماشى
كان العدد بالظبط 37 عربية في مشوار قريب جدا ... علي اد ما هو هيبقي ميزة في توافر قطع الغيار و كدة علي اد ما هو عيب برضو .. محدش يقدر ينكر دة... دة كمان غير الناس الي حاجزة موديلات 2011 كمان شهرين هيتبعو نظرية سيراتو لكل مواطن !!!!

اما بالنسبة للالمــانى رغم انة خارج الحوار بس هتكلم بصراحة انا لو معايا فلوس زيادة كنت جبت الـ Jeta عربية ما شاء الله
و جودة تصنيع غير طبيعية قمة في الفخــامة

و لو معايا اكتر كنت جبت BMW
و كفاية لحد دلواتى الشباب بيحب الجري و كدة يوم ما بيفكر يشتري ساعات بيجى في بالة BMW Model 1998 و اقل كمــان
يعنى عربية ما شاء الله لحد الناهرضة و احسن من الزيرو .. دة معناة اية ؟؟؟!!! ياريت اي حد يقولي اي عربية كورية عاشت نفس المدة دى ؟؟!!! و لسة مستمرة !!
مفيش مشكلة لما نقول ان الكيا لسة بدري عليهـا دة مش عيب علي فكرة بالعكس دى ناس بتاخد خطوة للاحسن مش موجودة عندنــا في مجال صناعة السيارات ....

لكن في النهاية ميصحش اننـا نقارنهـا بعربيات زي BMW و mercides دى وسعت شوية ^_^ انا لما كتبت الموضوع قلت مع اليابانى اة هيحصل نقاش و حوار

لكن الكورى احسن من الالمــانى !!!! دة انا عملت للصفحة Refresh كذا مرة قلت جايز في غلط ولا حاجة هههههه

في فئات معينه بتكره الكوري و بتشتم الكوري علي المنتدي و خلاص,,,فالمناقشه معاهم غير مجديه,,,لتمسكهم برأيهم و خلاص
مفيش فايده

المشاركة الأصلية كتبت بواسطة medoakef

تحت امرك يا باشا تفضل
http://www.nilemotors.net/Nile/166016-2011.html
http://www.nilemotors.net/Nile/166138-2011.html
http://www.nilemotors.net/Nile/165195-2011.html
ولله دورت لك علي ال2011 الي عملت حادثه بس مش لاقي الموضوع ولله لكني كنت رديت عليه اصلا
و اظن ان غبرو مش هيعمل نفس غلطه المصريه و يسيب الشكل القديم يفضل ينزل اظن لانه هيتقفل السنه الجيه
اوك فهمت الموضوع دلوقتي انا كنت حاسب ان التصنيع في المانيا و تروح تتقفل في المكسيسك و بعدين ترجع للشرق الاوسط فقلت دا مشوار عقيم و حضرتك وضحت ان سوق العربيه في امريكا ماشي كويس و التقفيل هناك عشان يكون اقرب شكرا علي التوضيح

و اتكلمنا بنفس المنطق دة يبقى كمان 100 سنة هيفضل الكورى صناعة جديدة (بالنسبه لتاريخ صناعه السيارات) زى ما بتقول .. لان الفرق الزمنى دة هيفضل زى ما هو .. هل معنى كدة ان الشركات القديمة هتفضل احسن .. فكرتنى بحضارة سبع الاف سنة و فضلنا واقفين مكانا و كل شعوب الارض اتفوقت علينا .
مش عارف انت ليه محسسني ان الالمان في ترجع ولا مريحين و مش بيطورو نفسهم حضرتك مشفتش الe كلس الجديده ولا حاجه ولا مشفتش الf800 دي حجات توضح ان الالمان لسه ادمهم كتير اوي علي ما اي صناعه تفكر تنافسهم
و بعد ميت سنه الكوريين هيبقو حلوين مثلا و الالمان هيبقو خارقين

مش الحوادث اللى حضرتك شفتها هى المقياس اية الحلو و اية الوحش .. انا قريت تقييمات و مقارنات عالمية كان اطرافها عربيات كورية و يابانية و مش فى كل الاحوال اليابانى يتفوق و فاكر ان الالنترا كانت واخدة rating اعلى من الكرولا و بالذات فى الثبات اللى حضرتك بتتكلم علية و خصوصا لان العفشة الخلفية فيها بنظام الاذرع المتعددة و دة مش موجود فى الكرولا و عموما انا عارف ان الالنترا ثباتها مش خرافى و لا حاجة يعنى 140 حلو عليها بس الكرولا مش احسن منها فى النقطة دى .. عادية جدا .
يا باشا وحد الله في قلبك بس ايه الكلام الي انت بتقوله ده الكلام ده لو قلته واحد بيفهم في العربيات او صنيعي هيتريق عليه كلناش دعوه بالكورولا القديمه الكورولا الجديده الانترا اثبت منها! اظن ان حضرتك تعرف البيجو السبعه راك دي اول ما نزلت سموها العرش الطائر لانها كانت سريعه جدا و بتعمل حوادث كتير اللقب ده علي الانترا دلوقتي الكلام بتاع حضرتك دا واحد كان عايش في السعوديه و متعود بقا علي الانترا و الكمري و العك ده و بيقول الانترا ثابته انا وقفت و سألت كل واحد اعد معانا كام واحد صحبك اتقلب بعربيه الانترا كل واحد يعد 3 4 5 و انا عندي اكثر من 3 صحابي اتقلبو بيا منهم واحد كان بياكل غرزه علي سرعه 80 العربيه خددها علي جمبها!!
عربيات الي انا بشفها ايه بس يا باشا الحياه مش تقارير علي النت بس لازم تجمع بين الواقع و الحقيقه مش كله ارقام و حسابات بس
انا هحكي لك موقف كان مع واحد صحبي معاه الانترا منيول حاطط جنط 16 عريض 205 او 210 مش فاكر و مهبط العربيه و انا سقتها منه ثور الله في برسيمه يعني انا اجيب اخرعربيتي و هو يادوب ساند عربيته و يعديني!(عربيتي بومه 1.3 اوتو)
وقفين مره مع مجموعه كبير كبير من الشباب بعربيتهم و اعدين نتكلم المهم الكلام جاب بعضه فأنه عاوز يعمل ريس معايا قلت له بالعقل هتعمل ريس ليه يعني انت كدا كدا طالع مني ملهوش لزمه اعد يسخن فيا و يقول اه ما عشان عربيتك كلبه في الجري و مش بتجري و اعد يسخني جامد قلت دبور و زن علي خراب عشه
طلعنا المفروض هناخد طريق استاد الجامده و هو الريس من اول اخر مطب فيه ناخد الطريق كله للي يوصل للكتب الاول(دا كله في المنصوره و الكتب دي كتب عملاقه منحوته امام الجامعه و بيكون عندها تجمع السيارات المعدله)طلعنا طبعا اجيب اخر عربيتي و الrbm عند 6 و بيبعدفي الملفات انا 120 علي الاقل و افضل دايس الكيك دون عادي و هو ينزل زي الفرخه ل20(اصلها مقلوبه كام مره معاه اصلا)و بعد الملف يطير زي الدبانه من جمبي و الي بعده يهدي و انا اطير لغايت الملف الي قبل الكتب و ده زويه 90% مش هكيد عليك هديد انا كمان ل70 ولا حاجه بس دست الكيك دون في نصه اصلاو طرت و وصلت للكتب الاول طبعا و بعد ما موصلت كنت وصلت ل120 و هو طار زي الدبانه بردو من جمبي بس بعد ايه!
يا باشا الموتور مش كل حاجه انا صحبي معاه a5 الي بتقولو عليها مش بتجري اي حد عاوز يشد معاه يخدو علي الدولي يسففه التراب وراه و بعدين يسيبه و ييجي هو 180 190 و بياخد اي ملف عادي و بيغرز ولا يهمه و الي معاه مهما كان لو حتي سفك اكيد هيهدي
موضوع الانترا منتهي يا باشا و لو عوز نتقابل و اوريك انها كلبه علي الطريق و موتورها ملهوش اي لزمه لان مفهاش ثبات تحت امرك
اما الكورولا فانا بسميها رحله الفشل اصلا هي انا منكرشي ان جوده تصنيعها محترمه جدا و عربيه مبتعطلشي بس مش بتعطل عشان هي مفهاش رفاهيه اصلا بس عموما هي عربيه عمليه من الترجه الاولي و لو مكنتشي كدا مكنشي ال 1.3 اوتو منها 2007 ب115 يعني اغلي من اعلي فئه في الانترا!
لو كدة فعلا امال لية نص العربيات فى البلد بقت النترا و سيراتو .. اكيد مش عامل السعر بس .. لان الصينى فية نفس الاوبشن و بنص التمن .
محسسني يا باشا ان نص البلد بيجرو و بيغرزو!
ايل بيشتريه عربيه جميله و شيك و رخيصه و بتجري كويس و اشطا علي كدا لكن دي لو نزلت تحت ايد واحد بيلعب و بيجري هتبقا كوره اصلا و انا اصلا كنت ببدل عربيتي بواحده الانترا لان جريها مغري و انا اكثر حاجه اكرهها ان حد يطلع مني فأنا لو ظبطه غرز هو هيظبطني مواتير لكن قلت العمر واح و الرب واحد و فكرت هي لو كان معايا بدل الانسر كان حلها ايه دلوقتي و كان زمان عايش ولا لا و فكرت في المواقف الصعبه الي حصلت لي و معايا الانسر و عرفت اني لو كنت لسه عايش فهي مكنتشي هتفضل عربيه اصلا لان جوده التصنيع اقل بكتير من عربيتي و ياريت تشوف الانسر الي بتتأجر شكلها ايه و الانترا الي بتتأجر شكلها ايه

الكلام دة لو انا بقول ان الكورى احسن من الاوربى و لا الامريكى و لا اليابانى حتى .. انا مبقولش كدة خالص .. بس بلاش نقدس جنسيات و موديلات معينة كانها انزلت من السماء و مفيش حد يعرف يعمل زيها .. الخلاصة انا شايف ان الكورى بقى فى الصف الاول الان و بينافس فى كل الفئات بجدارة

مع احترامي لكلامك صف اول مع مين بس لو سمحت ياريت توضح بتنافس مين بس ياريت تقول لي يا مان بلاش ندحك علي نفسنا دا لو حد من مصنع مرسيدس ولا بي ام عرف اننا بنقول الكلام ده مش بعيد انه ينتحر! يا باشا انت ممكن تقول الصف الي قبل الاخير او الاخير مش الاول دي شركه بتقول علي اليابانيين العمالقه و عوده تنافس بشرف معاها امال الالمان تعتبر ايه بالنسبه لهم؟!
يا باشا ميمفعشي تقول كدا اصلا و عموما انا فعلا بقدس الصناعه الالمانيه و الايطاليه في المحركات و البريطانيه و الالمانيه في الفخامه لحين ما يظهر حد يبقا افضل منهم فهم الافضل
يا باشا انا عندي واحد صحبي معاه فرنا و عاوز يبعها و يجيب اوكتفيا(مع انه مجنون سواقه لكن بيقول ايه فائده الجري من غير ثبات!)
المهم اعد في الاوكتفيا و الجتا و الفلونس و السفك و الجولف 6 و الكروز و بعد ام اعد فيهم كان في سيراتو جاي افتح ببها اتقرفت فقفلته تاني و كان في بي ام 2004 يوزد قلت ابص بصه اعد فيها و يرتني ما اعد حاجه تينا احساس غريب جواها احساس بالمكن و القوه فظيع مش بحسه الا فيها هي و المرسيدس هتي الباسات مش بحس فيها بالاحساس ده مش عارف الشركه دي عمله عمل للعربيات دي ولا ايه!
الكلام الكتير ملهوش لزمه يا مان حضرتك 1+1=2 افضل صناعه في العالم الالمان اردئهم الصين و الي اعلي من الصين الكوري و الكل عارف كدا كويس الكوري ميكملشي نص جنط في عربيه مرسيدس ولا بي ام فياريت بلاش الهتافات الي مفيش منها فائده دي و الكلام الحماسي الي مش هيحصل اصلا و نخلينا في المواقع احسن لينا لو عندك يا باشا عربيه صنعتها كوريا تقدر تنافس عربيه المانيه ياريت توريهالي كدا و تجيب لي تقرير عنها و انا اجيب لك منافس في نفس الفئه يعرفك ان فرق السما و الارض بين العربيات يا باشا الاير باج في المرسيدس s من سنه 1980 الناس دي بتعقدني ولله بتحسسني اني ولا حاجه و فكرنا متأخر لابعد الحدود علي رئي الافاويا اليبانيين اصحاب النظره الديقه و الاوروبيين اصحاب النظره الواسعه بس الحقيقه الكوري متخلشي في وسط الكلام اظن لانهم مش بيعتبروه صناعه محترمه جديره بالمنافسه
و ياريت افكرك بالاسبرنزا اول ما نزلت عملت نفس الصداع بتاع الكوري دلوقتي و هي فين دلوقتي صارت في خبر كان!
تقبل تحاتي
وشكرا





مع احترامي لكل الي تنقشو معايا اظن ان كلهم عمرهم ما ساقو عربي الماني ولا ايطالي غير ال128 ولا حتي الماني و لو ساقو يباني تبقا مره عابره او يملكوه ولا يعرفون قيمته لان الي ركب اي حاجه من الاتحاد الاوروبي عارف قيمته كويس جدا و عارف ان مفيش اي صناعه تقدر تنافسه
تقبلو تحاتي
و شكرا للنقاش ده و ياريت تغلقو الكلام عن الالمان لانه موضوع بين الكوري و الياباني و نصيحه ياريت نتكلم بالتقارير و بلاش الكلام الكتير الي لا بيقدم ولا بيأخر ياريت انصار الصناعه الكوريه يطلعو بتقارير و انصار الصناعه اليابانيه يطلعو بتقاريهم بردو نحكم و انا هبقا اطلع في الاخر بتقرير الماني يعرف العربيه الي كسبت انها ولا حاجه و يعقدها شويه

ياباشا حضرتك متحامل اوي علي الالنترا
العربية ثباتها مش ضايع اوي كده
العربية ثبتها معقول جدا
و فرملها حلوة بس ينقصها abs
و الباور بتعها كويس جدا مش زي م الناس بتقول
و من ناحية الحوادث كل العربيات بتعمل حوادث ياباشا
حضرتك بتقول مابشوفش لانسر مقلوبة
انا من اكتر العربيات الي باشوفها مقلوبة عاملة حوادث الانسر
هي و الفيرنا و مش بس هما كلو بيعمل حوادث دي قدر من عند ربنا
بس الفيرنا و الانسر و الالنترا و الكرولا من العربيات الشعبية في التأجير
و للشباب عشان كده حوادثهم كتير
و في الاخر احنا بنتكلم في عربيات عادية جدا
مش مطلوب منها الثبات و الغرز علي 160 و 180
دي في الاخر عربيات مدينة بتوديك من مكان لمكان تاني
و لو في فرق في الثبات بينهم مش هيكون الفرق الفظيع
وربنا يعنا علي الطرق الجميلة الي في مصر
و علي فكرة انا معايا جيتا هاي لاين و دودج سبيريت
وكان معايا قبل كده كراسلير نيون و بي ام فئة خامسة
عشان متفتكرش اني طالع من 128 مع احترامي ليها و بقول علي ثبات الالنترا كويس

يا جماعة لولا اختلاف الاذواق لبارت السلع
مش لازم انت بتحب الياباني او الالماني يبقي الياباني احسن حاجة
و الاماني انضف حاجة ومش معني الواحد معاه عربية نوعها كذا
يبقي النوع ده بكل عربياته احسن نوع و يكفي انه ياباني
و الي ماركبش الماني يبقي مركبش عربيات
كفاية تعصب المنتدي اصبح فيه تعصب غريب
لو واحد معاه برافو و التاني معاه سيراتو
و التالت معاه الانترا و الرابع معاه ميجان
وواحد عامل مقارنة ما بين الوجان
و البونتو كلاسيك و البيكانتو و ال اي 10
بتاع الميجان يقول الوجان طبعا
و بتاع البرافو البونتو جميلة و اوربي و معمرة
وقطع غيرها بتعيش و ميهمكش سعر البيع
و بتاع السيراتو البيكانتو ياباشا طبعا
انتشار و قطع غيار و توكيل ممتاز مع انو خليجي
متعملش مع التوكيل قبل كده
و بتاع الانترا يقول اي 10 عشان سعر اعادة البيع
و الانتشار و كوريا اتقدمت دلوقتي و الهيونداي زي الفل
هو ده حال المنتدي دلوقتي
كل واحد بيكلم علي مركة عربيته كانها حد من عيلتو