الموضوع: تنبيه بخصوص تطويرات المنتدى وانشاء الموقع

عائد الاعلانات بيقل اثناء رمضان

فيه مواقع كثيرة ومنتديات بتطلب من أعضاءها الايام دي موضوع الضغط على الاعلانات

المشاركة الأصلية كتبت بواسطة د.محمود صلاح

بشوف الإعلان لمدة دقيقة ولمرة واحدة فقط بدون تكرار ضغط

للاسف الموضوع معقد جدا عند جوجل لدرجة انه بيحلل سلوكك كزائر هل بتدوس فى مواقع تانية بنفس المعدل؟ولا لا؟لو مبتدوسش يبقى فى تلاعب...او مثلا لو بتدوس بصورة دورية يعنى يوميا او مثلا كل زيارة...او لو بتدوس بس بتدخل الموقع بتاع الاعلان مبتعملش فيه اى حاجة ولا بتتصفحه؟ او من تحليلهم للمنتدى يلاقوا ضغطات كتير لكن المعلنين لا يستفادوا فبالنسبة لهم الموقع يتصنف كمنتدى ردئ

دى مش دعوة لعدم الضغط...ابدا
لكن مش عايزين الناس تضغط عن عمد
لو شوفنا اعلان عاجبنا نضغط عليه طبعا وساعتها مدام سلوك طبيعى مش حيبقى فيه مشكلة

انا اسف انى طولت بس خفت فعلا على المنتدى ان الناس تفهم الموضوع غلط فتضره بدل ماتفيده

وبالتوفيق

المشاركة الأصلية كتبت بواسطة Ahmed Nouh

ليا اقتراح بخصوص الاعلانات وهو نظام احترافى متبع من كل المواقع العالمية ومفيهوش اى مشكلة ولا اهانة لأى عضو وبيحقق المصلحة للطرفين

الادارة تتفضل بعمل عضوية خاصة مقابل مبلغ يتم تحصيلة سنويا تنحصر مميزاتها عن العضوية العادية فى كون الموقع يعرض من خلالها خالى تماما من اى نوع من الاعلانات

كدا انا كمتصفح مش عايز اشوف اعلانات ولا هستفاد منها هعيش مع الموقع براحتى وفى نفس الوقت بعد ما كنت ممكن اشوف الاعلانات طول السنه ومدوسش على ولا واحد منهم ولا الموقع هيستفيد منى مليم ابقى عملت مساهمه فى دخل الموقع

اللى مش عايز هيكمل مع الاعلانات عادى بكل رضا وهو عارف ان الفرق بينه وبين المميز فقط ان التانى مبيشوفش اعلانات

ممكن الاداره تضيف مميزات للعضويات المميزة او لا دى حاجه ترجع لسياستكم الخاصه بس المهم هو عدم اجبارى على مشاهدة الاعلانات فى حين انى ممكن اساعدكم بطريقة تانيه , هى دى الفكرة

قانونا هى مفيهاش اى مشاكل نهائى لأنها مش تبرع ده دفع مقابل خدمه وكل الانترنت متبع النظام ده , وديا مش هتزعل حد من المنتدى لأننا مقفلناش الموقع وقولنا ده بفلوس بس واللى معهوش يطلع برا كل واحد حسب احتياجاته فى التصفح

وبشكل عام المنتدى او شركة الدعايا هتستفاد فعليا 400% اكتر من الجوجل المستفز اللى محدش بيستفيد من اعلاناته حاجه

ارجو دراسه الاقتراح ده جديا وعدم اخذ كلامى بمحمل كراهية مساعده المنتدى

انا مع الاقتراح ده
وتسهيلا على الاعضاء ممكن الاشتراك يكون بشحن كروت موبايل تتجدد الاشتراكات كل 3 شهور او 6 شهور او سنة
وكل فئة ليها اسعرها اللي نتفق عليها
يعني عمل قسم للعضويات الخاصة يكون تصفحها بدون اعلانات وتكون اختيارية
افضل من الزام الاعضاء بتعطيل اداة Adblock Plus على متصفح فايرفوكس لان ده تدخل في خصوصية الفرد وحريته الشخصية لان الاداه مش بس لحجب اعلانات جوجل الاداه لحجب malware domains ايضا ولها استخدامات اخرى مفيده علاوة على انه اقتراح غير منطقي ومستحيل تقنياً تعقبه

وانا اول المشتركين في خدمة العضوية الخاصة

اتمنى المزيد من التقدم للمنتدى الى جمعنا كلنا