يا جماعة الموضوع واضح وبسيط
احنا معندناش اعلانات منبثقة عشان تنزل اداة لحجب الاعلانات المنبثقة
ال pop-up
لكن اعلانات جوجل اللي في اليمين والشمال طالما نزلت برنامج بيحجبها هو ده الاذى للمنتدى ويبقى عندك نيه مبيتة لعدم الضغط
انا مابطلبش من حد يدوس على اعلانات لان ده ضد نظام وسياسة جوجل(اكبر بيزنس على الانترنت في العالم)
الناس دي عندهم خبراء سلوكيات وخبراء علم نفس واعمار ومناطق اقليمية وجغرافية وربط ايبهات وتكراراها وكل الكلام ده بالمحتوى اللحظي للصفحة والمحتوى العام للموقع
وبعد ده كله بيربط الايبي بالماك ادريس بتاعك
حاجة في منتهى التعقيد
فعلا كلام كبير ومحدش عرف يضحك عليهم
ومواقع كبيرة ومرعبة وترتيبها يفوقنا بكتير الاكونت بتاعها اتقفل بسبب ضغطات عشوائية
عشان كدة بقول لو مهتم افتحها لو مش مهتم سيبها
لكن تنزل اداة تحجبها لاء
هو ده الممنوع
وهو ده الي بسببه هانقفل العضويات دي لو اتكررت اكتر من مرة
اما عن اقتراح احمد نوح فهو جدير بالدراسة
لكن في حالة واحدة بس
قبل التعاقد مع الشركة الاعلانية المطورة للموقع حاليا
لان الشركة من ضمن شروط التعاقد معها عدم حجب الاعلانات عند اي مستخدم باي طريقة مهما كانت
وكلمة بيني وبينك عدد المشتركين في هذة الخدمة مهما كان اشتراكها كبير او صغير او تافه
لن يزيد عن 20 او 30 بالكتيـــــــــــــــر
ده الموقع بتاعي واعرف اعضائة وسلوكياتهم وميولهم
شكرا لاقتراحاتكم وتفهمكم
مرة اخرى
مابطلبش من اي حد فلوس او تبرع
مابطلبش من اي حد مساعدة باي شكل
لكن كمان يكون عندك نيه مبيته للضرر بالمكان ده المرفوض
لان الشركة بمجرد ما هاتركب الاسكربت ده هاتقفل كل العضويات المخالفة مهما كان
وعفوا مش هاقدر اتدخل ساعتها
تحياتي
كريم منير
المفضلات