الموضوع: تنبيه بخصوص تطويرات المنتدى وانشاء الموقع

طب انا بستخدم الفايرفوكس
و هوه بيشيل اعلانات جوجل اللى على شمال المنتدى
لكن الاعلانات االلى فوق في الصفحة بتظهر عادي
هاتحذف بقى ولا ايه و لا استخدم اكسبلورر

طالما فى مصلحه المنتدى نستحمل :)

انا عملت disable لل ad blocker على نايل موتوزر بس
فظهرت اعلانات جوجل
هل مجرد ظهور الاعلانات كده بيتحسب ولا لازم اضغط على الاعلان و افتحه

طب انا اعرف منين اني عامل حاجب الأعلان ده
متفهمونا يا رجاااااااااااالة !!

ليا اقتراح بخصوص الاعلانات وهو نظام احترافى متبع من كل المواقع العالمية ومفيهوش اى مشكلة ولا اهانة لأى عضو وبيحقق المصلحة للطرفين

الادارة تتفضل بعمل عضوية خاصة مقابل مبلغ يتم تحصيلة سنويا تنحصر مميزاتها عن العضوية العادية فى كون الموقع يعرض من خلالها خالى تماما من اى نوع من الاعلانات

كدا انا كمتصفح مش عايز اشوف اعلانات ولا هستفاد منها هعيش مع الموقع براحتى وفى نفس الوقت بعد ما كنت ممكن اشوف الاعلانات طول السنه ومدوسش على ولا واحد منهم ولا الموقع هيستفيد منى مليم ابقى عملت مساهمه فى دخل الموقع

اللى مش عايز هيكمل مع الاعلانات عادى بكل رضا وهو عارف ان الفرق بينه وبين المميز فقط ان التانى مبيشوفش اعلانات

ممكن الاداره تضيف مميزات للعضويات المميزة او لا دى حاجه ترجع لسياستكم الخاصه بس المهم هو عدم اجبارى على مشاهدة الاعلانات فى حين انى ممكن اساعدكم بطريقة تانيه , هى دى الفكرة

قانونا هى مفيهاش اى مشاكل نهائى لأنها مش تبرع ده دفع مقابل خدمه وكل الانترنت متبع النظام ده , وديا مش هتزعل حد من المنتدى لأننا مقفلناش الموقع وقولنا ده بفلوس بس واللى معهوش يطلع برا كل واحد حسب احتياجاته فى التصفح

وبشكل عام المنتدى او شركة الدعايا هتستفاد فعليا 400% اكتر من الجوجل المستفز اللى محدش بيستفيد من اعلاناته حاجه

ارجو دراسه الاقتراح ده جديا وعدم اخذ كلامى بمحمل كراهية مساعده المنتدى