مساعدة فى شراء سوبرصالون بالتقسيط

**badreldinahmad** · 26-08-2010 11:23 PM

السلام عليكم ورحمة الله، وكل عام وانتم جميعا بألف خير
حاولت المشاركه من قبل بالتعليق الا انه لم ينشر ولا اعرف السبب.. المهم، هذه اول مشاركاتى بعد ان انتسبت حديثا بالمنتدى بعد نصيحة احد الاصدقاء وجزاه الله كل خير على نصيحته بهذا المنتدى الرائع، ووجدت معلومات ونصائح قيمه خصوصا من كل من سبعاوى واحمد مصطفى –الله يكرمهما وغيرهم من الاعضاء الافاضل جزاكم الله جميعا كل خير- واسألكم هنا وارجو الاّ يبخل على احدا لديه المعلومه او النصيحه، نويت شراء سياره جديده بالقسط البنكى (بعد ان ابتلانى الله بحادث قبل رمضان بيوم واحد دمر سيارتى تماما.. قدر الله وماشاء فعل) وكنت نويت على الكيا سيراتو الجديده لكن امكانياتى كانت لا تكفى التوكيل والبنك لا يتعامل مع الخليجى اللى بدون ضمان، فكانت المقارنه بين الأوبترا وبين الصنى، ولما كان الاتنين تقفيل مصرى فقلت لنفسى اليابانى افضل من الكورى، وشجعنى العديد من الاصدقاء على هذا الاتجاه وذهبت للسبع (مصر الجديده) وقاللولى هانحجز ونستلم كمان اسبوع لذلك ارجو المساعده ولكم كل الشكر، سأعرض عليكم ما لدى من معلومات وما اريده من السياره واسألكم الرأى---- اريد اوتوماتيك، انا متزوج ولدى طفل فموضوع السرعات العاليه والسحب لا يهمنى فى الدرجه الاولى لكن الثبات والاستقرار مهم، العفشه فى السوبر صالون ناشفه لأنها رياضيه فهل هذا صحيح؟ يعنى هاحس بالحُفر والمطبات انا واللى معايا فى العربيه؟ يعنى ده بالنسبه لى هايكون عيب مش ميزه وبكده تكون عفشه الex salon انعم وافضل، استهلاك البنزين عرفت من مشاركات الاعضاء انه معقول جدا صح؟ طيب الكل اجمع على انها سياره ممتازه بالنسبه لسعرها بس استحمل عيوب التقفيل المصرى يعنى عدم العزل الصحيح (كاوتش الابواب واسفنج السقف والارضيه) ياريت حد يقولى ابرز واسخف عيوب التقفيل ده ايه وايه مدى تأثيره على لما اكون شارى العربيه جديده وفرحان بيها علشان ماتنكدش!! ايه تانى؟ اه موضوع صوت الموتور العالى ده اخباره ايه، وهل لاحظ احد اعطال فى الفتيس الاوتوماتيك او الزجاج الكهرباء او اى اوبشن تانى؟ هو انا حاسس انى رغيت كتير اوى بس معلش يا جماعه انا فى الاخر راجل موظف وهاجيب العربيه قسط لمدة سبع سنين وهادفع كل شهر مبلغ وقدره فمش عايز اندم 84 مره (بعدد اشهر السبع سنين) افيدونى افادكم الله وركزوا معايا على النقاط دى: 1) العفشه العفشه العفشه "ماتنسوش فيه طفل" 2) صوت الموتور 3) التقفيل وكاوتش الابواب والعزل 4) هل فرق الاوبشنز بين ex salon و supersalon يستاهل 8000 جم فرق "abs ابرزها" وفى النهايه كل الشكر لكم جميعا على الصدق والاسهاب فى عرض معلوماتكم، وكان الله فى عون العبد ما كان العبد فى عون اخيه
وان شاء المولى عز وجل ان حصل نصيب واشتريتها اوعدكم اراعى النصائح الموجوده فى اراءكم واكتب لكم عن الانطباعات كل فتره (انا ساكن فى التجمع الخامس ومشاويرى كتير) والسلام عليكم ورحمة الله

**SeaShark** · 27-08-2010 12:07 AM

اهلا بيك معانا في المنتدي و كل سنة و انت طيب
و حمد علي سلامتك من الحادثة و قدر الله و ما شاء فعل المهم ان حضرتك بخير.

1. العفشة في الـ ex saloon تمت مساوتها بالعفشة في الـ super saloon في ناس كتير بتأكد المعلومة دي و انت الفرق الوحيد في العفشة هو وجود ميزان في الـ super saloon بيعمل اتزان اكتر مع الملفات. انا معايا الـ ex saloon و شايف ان ثباتها كويس جدا و مجرتش الـ super saloon قبل كده. بس العفشة في الاتنين ناشفة و في اغلب العربيات الجديدة ناشفة برضه عشان الثبات.
2. استهلاك البنزين عادة في الاول 5000 كم كده بيكون عالي شويه و بعد كده بيتحسن و النقطة دي متقلقش منها صحيح الصني من اكتر العربيات استهلاكا للبنزين في فئتها لكن مش هتفرق كتير معاك اوي.
3. مفيش عيوب تقفيل واضحة اوي في العرية لازم تتقق اوي بس التقفيل العام مش سيء زي ما انت متخيل.
4. الموتور صوته مش عالي و عالي فقط بعد الـ 3000 لفة و ده زيه زي اي عربية مفيش عربية لما تحرق عليها صوتها مش هيعلي و ان كان صوتها اعلي من بعض العربيات اللي في نفس الفئة فده عشان ان سير الكاتينة جنزير مش كاوتش (صحيح في عربيات انعم منها بس صوتها لازال كوييس).
5.محصلش معايا اي اعطال في العربية بعد استخدام 9 شهور و 17000 كيلو ولا في الفتيس الاوتوماتيك و لا في الاوبشنز ولا سمعت من حد عن اعطال و لو حصل اعطال التوكيل بتاع نيسان محترم جدا جدا.

بالنسبة للـفروق بين ex saloon و super saloon
السوبر صالون بيزيد عليها الاتي كما هو موضح في البروشور

الخلاصة:
1. النيسان اختيار كويس و عربية كويسة بالنسبة لسعرها و توكيلها محترم جدا.
2. انا معايا ex saloon و كنت زعلان اني اتسرعت و مجيبتش super saloon بس لما ركزت في الفروق لقيت ان الفروق مش جوهرية العربيتبن نفس الموتور و نفس الحجم و نفس التقفيل مع الاختلافات الموضحة فوق
في رأيي الفروق اللي تستاهل الـ ABS و ده اختياري ممكن تطلبه في الـ ex saloon بفرق سعر 2000 جنيه و ان كنت حضرتك بتقول انك مش بتجري و بالتالي مش هتحتاج اوي الـ ABS بس هو في كل الاحوال اضافة كويسة للعربية.

**SeaShark** · 27-08-2010 12:17 AM

اللينك ده هيفيد حضرتك جدا
http://www.nilemotors.net/Nile/172069-2010.html

في نقطة لو حضرتك عايز السوبر صالون انت كده كده هتجيب تقسيط و الـ 8000 جنيه مع القسط مش هيفرقوا جامد اوي معاك

ممكن تجيبها و تتوكل علي الله

**badreldinahmad** · 27-08-2010 12:36 AM

الف شكر لذوق حضرتك انا فعلا عندى البروشور ده من زيارتى للسبع وفعلا مفيش فرق فى الاتساع بين الاتنين الفرق الجوهرى بس فى ال abs والأيرباج اليمين والكام حاجه الصغيره الموجوده فى البروشور (بينى وبينك اكتر حاجه تضايق الأبنوس اللى فى التابلوه لأن شكله مش شيك خالص) ومره تانيه اشكر حضرتك على الأهتمام وحقيقى افدتنى

**SeaShark** · 27-08-2010 12:43 AM

العفو علي ايه.
انا عايز اقولك اني ركبت السوبر صالون في التوكيل من كام يوم و اكتر حاجة ضايقتني منها هو الابانوس
هي طبعا اذواق في ناس بتحبه و تعتبره شيك و ميزة و ناس لا

علي العموم ربنا يعملك الخير ان شاء الله

**mohamedbook** · 27-08-2010 12:57 AM

المشاركة الأصلية كتبت بواسطة badreldinahmad

السلام عليكم ورحمة الله، وكل عام وانتم جميعا بألف خير
حاولت المشاركه من قبل بالتعليق الا انه لم ينشر ولا اعرف السبب.. المهم، هذه اول مشاركاتى بعد ان انتسبت حديثا بالمنتدى بعد نصيحة احد الاصدقاء وجزاه الله كل خير على نصيحته بهذا المنتدى الرائع، ووجدت معلومات ونصائح قيمه خصوصا من كل من سبعاوى واحمد مصطفى –الله يكرمهما وغيرهم من الاعضاء الافاضل جزاكم الله جميعا كل خير- واسألكم هنا وارجو الاّ يبخل على احدا لديه المعلومه او النصيحه، نويت شراء سياره جديده بالقسط البنكى (بعد ان ابتلانى الله بحادث قبل رمضان بيوم واحد دمر سيارتى تماما.. قدر الله وماشاء فعل) وكنت نويت على الكيا سيراتو الجديده لكن امكانياتى كانت لا تكفى التوكيل والبنك لا يتعامل مع الخليجى اللى بدون ضمان، فكانت المقارنه بين الأوبترا وبين الصنى، ولما كان الاتنين تقفيل مصرى فقلت لنفسى اليابانى افضل من الكورى، وشجعنى العديد من الاصدقاء على هذا الاتجاه وذهبت للسبع (مصر الجديده) وقاللولى هانحجز ونستلم كمان اسبوع لذلك ارجو المساعده ولكم كل الشكر، سأعرض عليكم ما لدى من معلومات وما اريده من السياره واسألكم الرأى---- اريد اوتوماتيك، انا متزوج ولدى طفل فموضوع السرعات العاليه والسحب لا يهمنى فى الدرجه الاولى لكن الثبات والاستقرار مهم، العفشه فى السوبر صالون ناشفه لأنها رياضيه فهل هذا صحيح؟ يعنى هاحس بالحُفر والمطبات انا واللى معايا فى العربيه؟ يعنى ده بالنسبه لى هايكون عيب مش ميزه وبكده تكون عفشه الex salon انعم وافضل، استهلاك البنزين عرفت من مشاركات الاعضاء انه معقول جدا صح:ta_clap[1]:؟ طيب الكل اجمع على انها سياره ممتازه بالنسبه لسعرها بس استحمل عيوب التقفيل المصرى يعنى عدم العزل الصحيح (كاوتش الابواب واسفنج السقف والارضيه) ياريت حد يقولى ابرز واسخف عيوب التقفيل ده ايه وايه مدى تأثيره على لما اكون شارى العربيه جديده وفرحان بيها علشان ماتنكدش!! ايه تانى؟ اه موضوع صوت الموتور العالى ده اخباره ايه، وهل لاحظ احد اعطال فى الفتيس الاوتوماتيك او الزجاج الكهرباء او اى اوبشن تانى؟ هو انا حاسس انى رغيت كتير اوى بس معلش يا جماعه انا فى الاخر راجل موظف وهاجيب العربيه قسط لمدة سبع سنين وهادفع كل شهر مبلغ وقدره فمش عايز اندم 84 مره (بعدد اشهر السبع سنين) افيدونى افادكم الله وركزوا معايا على النقاط دى: 1) العفشه العفشه العفشه "ماتنسوش فيه طفل" 2) صوت الموتور 3) التقفيل وكاوتش الابواب والعزل 4) هل فرق الاوبشنز بين ex salon و supersalon يستاهل 8000 جم فرق "abs ابرزها" وفى النهايه كل الشكر لكم جميعا على الصدق والاسهاب فى عرض معلوماتكم، وكان الله فى عون العبد ما كان العبد فى عون اخيه
وان شاء المولى عز وجل ان حصل نصيب واشتريتها اوعدكم اراعى النصائح الموجوده فى اراءكم واكتب لكم عن الانطباعات كل فتره (انا ساكن فى التجمع الخامس ومشاويرى كتير) والسلام عليكم ورحمة الله

العيوب الي حضرتك قلتها مش بالدرجه الي انت متخيلها انت راكب عربية زيرو وحديثة
وممكن متخدش بالك منها مطلقا
ولو شيفها عيوب جوهريه مكنتش شريت السيارة مطلقا

**Bishoy.Girgis** · 27-08-2010 01:11 AM

بصراحة الاعضاء قاموا بالواجب و مفيش كلام تاني لكن لو حضرتك فعلا عايز استفسارات اكتر عشان تكون مستريح بنسبة مليون المية يبقي لازم تقرأ المواضيع المثبتة
حضرتك اشتري النيسان و انت مغمض عنيك و علي فكرة مش لازم تشتريها سوبر صالون بس حضرتك لازم تجيبها بـ abs
مبروك مقدما

**badreldinahmad** · 27-08-2010 01:21 AM

ان شاء الله يكون لى فيها نصيب ومن هنا حتى وقت الشراء (غالبا هايكون بعد العيد كل عام وانتم بخير) سأستخير المولى عز وجل ما بين الex salon and supersalon وربنا يوفقنى للأفضل، الشئ الوحيد اللى مخلينى متردد (بعد ان اشار على الأخ الفاضل بإمكانية اضافة abs لل exsalon مقابل 2000جم) هو موضوع العفشه الرياضيه وتأثيره على ان العربيه تكون ناشفه عند المطبات والحفر.. بس ناس كتي افتت انه حتى لو هايكون ده حاصل بس ده احسن لشوارع وطرقات مصر ويحافظ على العربيه اكثر.. الكلام ده فعلا صحيح؟ هل العفشه الرياضيه افضل فى النقطه دى؟؟ ارجو الإفاده لأن ردودكم هى اللى هاتحسملى الإختيار وممكن توفر عليا كام الف جنيه واجيب الexsalon واخلص... وشكرا لكم

**Bishoy.Girgis** · 27-08-2010 01:27 AM

بعد اذن حضرتك لازم تاخد بالك من نقطة مهمة جدا جدا تفتكر لو حضرتك اشتريت عربية من غير تكييف و بعد كده ركبت فيها تكييف .. تفتكر حضرتك هيكون التكييف افضل بعد شراء العربية و لا و العربية جاية بيه من المصنع
حضرتك في فئة من فئات النيسان صني EXsalon بامكانية abs ... حضرتك الافضل انك تشتريها بالـ abs علي طول مش تركبه بعد الشراء .. بعدين حضرتك ديه فرامل مش لعبة و الافضل انك تجيبها زي ما هي من المصنع.
و بعدين انا بشك في موضوع تركيب abs انا اول مرة اسمع انك ممكن تركبه بعد شراء العربية
بالنسبة للعفشة مش ناشفة للدرجة اللي حضرتك بتفكر فيها ديه كلها و بعدين حضرتك كل ما تستخدم العربية اكتر هتلاقي العفشة هتطري معاك اكتر و اكتر
حضرتك متقلقش خالص و اشتري العربية .. و كمان هتلاقي المفاجأة الجميلة وهي خدمة ما بعد البيع .. يعني معاك احسن توكيل في مصر لصيانة العربية بعد شراؤها

**badreldinahmad** · 27-08-2010 01:37 AM

اشكرك والله يطمنك بس انا كان قصدى اطلبها ex فيها abs مش اركبه بعدها.. بس موضوع الميزان ممكن يكون عامل آخر.. على العموم زى ما قلتلكم هاستخير واللى ربنا يوفقنى اليه هاعمله.. الف شكر وانا عند وعدى هاكتبلكوا اول بأول ان شاء الله وبإذن الله هاشتريها من السبع اللى فى مصر الجديده (انا قابلت هناك مدير الفرع اسمه نهاد بدر ورفض ينزل جنيه واحد عن ال 100.000 جم بس قاللى ان الهدايا هاتكون دفتر كوبونات صيانة بألف جم+ غطاء+ دواسات) والحقيقه انا مستريحلهم اكتر من سمير ريان ( 99.000 جم فقط) بس ناس زمايلى خوفتنى منه، صحيح موضوع دفتر الكوبونات ده بيعمل فرق؟ اخيرا فالكل بيشكر فى خدمة ما بعد البيع للصنى وانهم فعلا محترمين