الموضوع: عاوز اشترى نيسان وخايف

طبعا انا حبيت اقرأ لمدة 48 ساعة متتالية اراء الاعضاء الاحباء لغاية الاخر عشان اقيم المشاركات الموجوده بالموضوع القيم ده بعيدا عن اي كلام يجرح شعور السيارات

يا جماعة كل واحد فينا بيحب الحاجه اللي بيبقي مقتنع بيها و كمان يوصل نفسه انه لازم يقنع اللي قدامه .. و ديه مش حاجه صح لأنها في النهاية هتولد مشاكل و فرض اراء .. طبعا ده غلط
نيجي بقي لموضوعنا :
بعيدا عن ماركات العربيات ايا كانت احنا بنتكلم عن ياباني و كوري و الفرق شاسع جدا جدا
انا بحترم فقط في الكوري مواتيرها و في نطاق عربيات معينة .. طيب الماتور هيعملي ايه في حالة انه يحصلي حادثه لقدر الله و لا حد خبطني .. معلش انا احب ان العربية تحميني اكتر من انا اتباهي بجملها و شكلها اللي هيخلي الناس تتلفت عليها طول ما انا ماشي .. و اللي يزعل ان هو ده حال السوق المصري اللي احنا كتير من اننا كشعب و بنسبة كبيرة بنحب نجري ورا الشكل و نسيب الجوهر و القيمة
العربية الكوري في شوراعنا المصرية ممكن تجري بيها بمواتيرها لكن هل هتقدر تلحق نفسك بعد ما تعدي 120 زي ما اخونا العضو قال مسبقا .. معتقدش انك هتكون واثق من نفسك جوا عربية كوري خفيفة في عفشتها و صاجها لكن شكلها تحفة ... يا حلاوة
نيجي علي الياباني و هتكلم علي الصني اللي من عشرات العربيات الياباني :
الصني هنلاقي رغم انها نزلت من سنة بـ abs لكن بصراحة انا معايا 2009 و شايف انها مش محتاجه لفرامل abs خالص و حصل معايا كذا موقف علي الطرق السريعة و كمان داخل البلد و العربية كانت بتسعفني في اخر لحظة و غير كده هنتكلم علي العفشة الي فعلا تقدر تخش علي مطبات بقصد او بدون قصد او طرق مكسرة و تلاقي العفشة ماسكة نفسها و كأنك مدخلتش علي الحالات ديه و حصلت معايا كتير و في المناورات رائعة جدا جدا جدا
طيب نيجي للصاج .. عايز اقول ان الصاج مش ماسك نفسه كده لوحده .. دا ليه صدادات داخل الابواب .. يعني امان ملوش حل و فعلا العربية بتحافظ علي اللي جواها من الخبطات الخارجيه
نيجي للماتور الياباني و حضرتك دا بيجي متقفل من بره و بيركب زي ما الكتالوج بيقول يعني مش تقفيل مصري يعني المصريين هيركبوه في الشنطة مثلا ... يا جماعة المصري ممكن يفنن في كل حاجه و يعمل كل حاجه انما هو ماشي علي كتالوج و مسامير بالارقام لكن احنا بلد تحب الاشاعات و سوق يحب يضرب في ماركات و موديلات عشان حاجه تانيه تفوز و علي فكرة الماتور الصني الياباني و انا معايا اوتوماتيك محسسني اني معايا عربية مانيوال و بيسعفني كتير و رغم ان عندي overdrive لكن مستخدمتوش لأن الموتور بالكيك داون تقدر تعمل عمايل بالعربية
نيجي لموضوع استهلاك البنزين : استهلاك البنزين ده حساسية في استخدام رجلك مع الدواسة و المعروف ان العربية 1600 + اوتوماتيك بتسحب بنزين محترم و ده مش عاملي ازعاج خالص قدام عربية محترمة زي الصني
كل الناس بتقول الكنبه الخلفية ضيقة .. علي فكرة الكنبة مش ضيقة ولا حاجه .. الموضوع هو بروز اليد في الابواب الخلفية هي اللي بتبين ان الكنبة ضيقة زي الدايو نوبيرا مثلا انما انا عندي الناس بتقعد مرتاحه اوي ورا في الكنبة بدون ازعاج.
بالنسبة لعزل العربية اللي كل واحد طالع بيقول عزل العربية مش اد كده طيب من اين عزل العربية مش اد كده و التكييف تلاجه في نفس الوقت .. يا ريت نكون منطقيين شوية اكتر و منسلمش ودانا لأي حد.
العربية دي لو بتتقفل بره هترتفع سعرها 10000 جنيه علي الاقل دا اذا مكانش ازيد لكن انا بشكر ربنا ان العربية بتتقفل في مصر و ان الحاجات المصري اللي داخلة فيها مش هتقرفني في حاجه خالص ..
الماتور و الصاج و الشاسية و قطع الغيار و التكييف التلاجه و كل حاجه يباباني و المصري زجاج جريش و بيتصدر بره مصر و الكراسي و الضفيرة و اذا وجد بها مشكلة بتتغير علي طول بواحده ياباني زي ما حصل معايا و دي مشكلة فردية علي فكرة .. و بعدين سعر العربية ممتاز و ده + امكانياتها الجميلة و الاوبشنز خلاها تنزل مصر و تنتشر و غير كده انا شوفت عربيان صني كتير جمرك من بره مصر يعني مش بعيد مصر كمان تكون بتصدر عربيات صني لبره

معلش انا قدام عربية ياباني محترمة و بتخاف عليا في الطريق و اكون واثق من نفسي و انا سايقها حتي في السرعات العالية و بالسعر ده ... يبقي انا انسان بفكر بحكمة و طريقة عملية و وواحد فعلا بيخاف علي اسرته لأنها عربية اسرية من الدرجة الاولي و عربية تقيلة قاعدة علي الارض مهما كانت الظروف

ارجوا اني اكون استوفيت كلامي و اكون افدت اعضاء المنتدي الكرام

المشاركة الأصلية كتبت بواسطة peaceman

طبعا انا حبيت اقرأ لمدة 48 ساعة متتالية اراء الاعضاء الاحباء لغاية الاخر عشان اقيم المشاركات الموجوده بالموضوع القيم ده بعيدا عن اي كلام يجرح شعور السيارات :e_braces[1]:

يا جماعة كل واحد فينا بيحب الحاجه اللي بيبقي مقتنع بيها و كمان يوصل نفسه انه لازم يقنع اللي قدامه .. و ديه مش حاجه صح لأنها في النهاية هتولد مشاكل و فرض اراء .. طبعا ده غلط
نيجي بقي لموضوعنا :
بعيدا عن ماركات العربيات ايا كانت احنا بنتكلم عن ياباني و كوري و الفرق شاسع جدا جدا
انا بحترم فقط في الكوري مواتيرها و في نطاق عربيات معينة .. طيب الماتور هيعملي ايه في حالة انه يحصلي حادثه لقدر الله و لا حد خبطني .. معلش انا احب ان العربية تحميني اكتر من انا اتباهي بجملها و شكلها اللي هيخلي الناس تتلفت عليها طول ما انا ماشي .. و اللي يزعل ان هو ده حال السوق المصري اللي احنا كتير من اننا كشعب و بنسبة كبيرة بنحب نجري ورا الشكل و نسيب الجوهر و القيمة
العربية الكوري في شوراعنا المصرية ممكن تجري بيها بمواتيرها لكن هل هتقدر تلحق نفسك بعد ما تعدي 120 زي ما اخونا العضو قال مسبقا .. معتقدش انك هتكون واثق من نفسك جوا عربية كوري خفيفة في عفشتها و صاجها لكن شكلها تحفة ... يا حلاوة
نيجي علي الياباني و هتكلم علي الصني اللي من عشرات العربيات الياباني :
الصني هنلاقي رغم انها نزلت من سنة بـ abs لكن بصراحة انا معايا 2009 و شايف انها مش محتاجه لفرامل abs خالص و حصل معايا كذا موقف علي الطرق السريعة و كمان داخل البلد و العربية كانت بتسعفني في اخر لحظة و غير كده هنتكلم علي العفشة الي فعلا تقدر تخش علي مطبات بقصد او بدون قصد او طرق مكسرة و تلاقي العفشة ماسكة نفسها و كأنك مدخلتش علي الحالات ديه و حصلت معايا كتير و في المناورات رائعة جدا جدا جدا
طيب نيجي للصاج .. عايز اقول ان الصاج مش ماسك نفسه كده لوحده .. دا ليه صدادات داخل الابواب .. يعني امان ملوش حل و فعلا العربية بتحافظ علي اللي جواها من الخبطات الخارجيه
نيجي للماتور الياباني و حضرتك دا بيجي متقفل من بره و بيركب زي ما الكتالوج بيقول يعني مش تقفيل مصري يعني المصريين هيركبوه في الشنطة مثلا ... يا جماعة المصري ممكن يفنن في كل حاجه و يعمل كل حاجه انما هو ماشي علي كتالوج و مسامير بالارقام لكن احنا بلد تحب الاشاعات و سوق يحب يضرب في ماركات و موديلات عشان حاجه تانيه تفوز و علي فكرة الماتور الصني الياباني و انا معايا اوتوماتيك محسسني اني معايا عربية مانيوال و بيسعفني كتير و رغم ان عندي overdrive لكن مستخدمتوش لأن الموتور بالكيك داون تقدر تعمل عمايل بالعربية
نيجي لموضوع استهلاك البنزين : استهلاك البنزين ده حساسية في استخدام رجلك مع الدواسة و المعروف ان العربية 1600 + اوتوماتيك بتسحب بنزين محترم و ده مش عاملي ازعاج خالص قدام عربية محترمة زي الصني
كل الناس بتقول الكنبه الخلفية ضيقة .. علي فكرة الكنبة مش ضيقة ولا حاجه .. الموضوع هو بروز اليد في الابواب الخلفية هي اللي بتبين ان الكنبة ضيقة زي الدايو نوبيرا مثلا انما انا عندي الناس بتقعد مرتاحه اوي ورا في الكنبة بدون ازعاج.
بالنسبة لعزل العربية اللي كل واحد طالع بيقول عزل العربية مش اد كده طيب من اين عزل العربية مش اد كده و التكييف تلاجه في نفس الوقت .. يا ريت نكون منطقيين شوية اكتر و منسلمش ودانا لأي حد.
العربية دي لو بتتقفل بره هترتفع سعرها 10000 جنيه علي الاقل دا اذا مكانش ازيد لكن انا بشكر ربنا ان العربية بتتقفل في مصر و ان الحاجات المصري اللي داخلة فيها مش هتقرفني في حاجه خالص ..
الماتور و الصاج و الشاسية و قطع الغيار و التكييف التلاجه و كل حاجه يباباني و المصري زجاج جريش و بيتصدر بره مصر و الكراسي و الضفيرة و اذا وجد بها مشكلة بتتغير علي طول بواحده ياباني زي ما حصل معايا و دي مشكلة فردية علي فكرة .. و بعدين سعر العربية ممتاز و ده + امكانياتها الجميلة و الاوبشنز خلاها تنزل مصر و تنتشر و غير كده انا شوفت عربيان صني كتير جمرك من بره مصر يعني مش بعيد مصر كمان تكون بتصدر عربيات صني لبره

معلش انا قدام عربية ياباني محترمة و بتخاف عليا في الطريق و اكون واثق من نفسي و انا سايقها حتي في السرعات العالية و بالسعر ده ... يبقي انا انسان بفكر بحكمة و طريقة عملية و وواحد فعلا بيخاف علي اسرته لأنها عربية اسرية من الدرجة الاولي و عربية تقيلة قاعدة علي الارض مهما كانت الظروف

ارجوا اني اكون استوفيت كلامي و اكون افدت اعضاء المنتدي الكرام

مفيش كلام ممكن يتقال بعد كلامك يا استاذ بيشوى فعلاً كلامك واقعى جداً وياريت فعلاً الناس تبطل اضطهاد لأى عربيه بتتقفل فى مصر.