سحب السيارة

**nubera97** · 29-08-2010 12:30 AM

السلام عليكم : سياراتي نوبيرا 1 موديل 97 فقرأت مشاركات بعض الاخوة عن سحب السيارات وفوجئت بارقام غريبه فحبيت اشوف السحب عندي شكله ايه لاقيت الثالث عندي بيجيب 60 وعداد لفات الماتور بيصل لرقم 3 في حين ان حالة الماتور عندي كويسه اللهم رشح خفيف من اسفل غطاء التكيهات ودة اللي تقريبا بنشتكي منه جميعا فمش ، فاكيد دة سحب ضعيف السؤال .. هل هذا راجع لعمر الماتور وامكانياته ؟؟ او هناك اشياء محتاجه تنظيف ؟؟ او الرشاشات محتاجه تغيير ؟؟؟ ارجو الافادة وكل عام وانتم جميعا بكل خير ..

**محمد الشامي** · 29-08-2010 12:54 AM

انت معندكش مشكله في السحب ولا حاجه

في علاقه مباشره بين (الغيار) و (السرعه) و (عدد لفات الموتور)

الطبيعي واللي حضرتك بتعمله :-
مثلا الغيار الثالث , سرعته لغايه 60 كم / ساعه عند عدد لفات موتور 3000 دوره في الدقيقه
( وده اسمه اسلوب قياده اقتصادي ومعتدل)

اللي مش طبيعي وممكن تعمله بردو :-
مثلا الغيار الثالث , سرعته لغايه 130 كم/ ساعه عند عدد لفات موتور 5500 دوره في الدقيقه او اكتر
(الاسلوب ده طبعا فيه تحميل كبير على الموتور واسطوانه الدبرياج , بالاضافه لإستهلاك بنزين اعلى)

يعني حضرتك محاولتش تقرص على الغيار لغايه عدد لفات موتور عالى , وبالتالى مفيش عندك مشكله سحب ولا حاجه

لكن تقدر تقول عندك مشكله سحب لو تجميع العربيه بطئ , يعني معدل تزايد السرعه على الغيارات ضعيف , وده بيكون ليه اسبابه

**MMamdouh** · 29-08-2010 03:57 AM

انا مش شايف اى مشكلة فى اللى انت قولتة

عايز تقيس اداء المحرك يبقى تشوف زمن التسارع من صفر الى 100 كيلو و السرعة القصوى كام و تقارن الارقام دى بالارقام اللى فى كتالوج العربية

MMamdouh

**nubera97** · 29-08-2010 10:34 AM

الشكر الجزيل للاخوة جميعا علي الاهتمام وسرعة الرد .. القيم اللي ذكرته بيكون صوت الماتور فيها عالي علي اخرة يعني باشعر ان دة اخر نفس في الماتور وبالتالي باخشي اقرص اكتر من كدة عليه وشكرا للجميع

**nubera97** · 29-08-2010 10:37 AM

الشكر الجزيل للاخوة الافاضل علي الاهتمام .. ولكن القيم اللي ذكرته بيكون صوت الماتور فيها عالي علي الاخر وباشعر ان دة اخر نفس فيه عشان كدة مش باقرص اكتر من كدة عليه خوفا عليه ..

**Car's Sniper** · 29-08-2010 12:41 PM

فعلا ...النوبيرا وان بعد ال3000 بيبقى صوتها عالى جدااااا...ومعظم ارتفاع الصوت بيكون شكمان

**M.Zaher** · 29-08-2010 03:01 PM

المشاركة الأصلية كتبت بواسطة nubera97

الشكر الجزيل للاخوة الافاضل علي الاهتمام .. ولكن القيم اللي ذكرته بيكون صوت الماتور فيها عالي علي الاخر وباشعر ان دة اخر نفس فيه عشان كدة مش باقرص اكتر من كدة عليه خوفا عليه ..

ماتخافش طالما ماوصلتش ل 6.5 ار بي ام

وطبيعي ان صوت المحرك يعلى عند العمل على سرعه لفات عاليه

**محمد الشامي** · 29-08-2010 10:14 PM

المشاركة الأصلية كتبت بواسطة m.zaher

ماتخافش طالما ماوصلتش ل 6.5 ار بي ام

وطبيعي ان صوت المحرك يعلى عند العمل على سرعه لفات عاليه

+1

بس طبعا لازم يراعي ان الحاله العامه للعربيه كويسه , يعني فلاتر نضيفه بوجيهات سليمه , زيت موتور كويس , دوره تبريد تمام , اسطوانه الدبرياج , وهكذا , عشان ميبقاش حمل زايد على الموتور في ظروف سيئه اصلا , ويؤدي لنتيجه عكسيه تكلفه كتير

**prince2005** · 30-08-2010 12:41 AM

المشاركة الأصلية كتبت بواسطة محمد الشامي

+1

بس طبعا لازم يراعي ان الحاله العامه للعربيه كويسه , يعني فلاتر نضيفه بوجيهات سليمه , زيت موتور كويس , دوره تبريد تمام , اسطوانه الدبرياج , وهكذا , عشان ميبقاش حمل زايد على الموتور في ظروف سيئه اصلا , ويؤدي لنتيجه عكسيه تكلفه كتير

excellent piece of advice

-

الموضوع: سحب السيارة

LinkBack

أدوات الموضوع

عرض

-

-

-

-

-

-

المواضيع المتشابهه

السيارة بتكون مكتومة استجابتها للبنزين بطيئة عند تفويل السيارة للاخر بالبنزين

خطوات شراء سيارة مستعملة + نقل السيارة من مرور لأخر و السيارة رخصتها فى فترة السماح

فية حد بيلتزم بتعليمات تشغيل السيارة كما بكتيب السيارة

Gm بتمنح عملائها 60 يوم لتجربة السيارة لضمان الرضاء عن السيارة (مش في مصر!!)

لماذا تعمل مروحة السيارة بعد ايقاف تشغيل السيارة؟

الكلمات الدلالية لهذا الموضوع

المفضلات

المفضلات

ضوابط المشاركة