ايه ده يا جدعان؟؟؟؟؟

**karimfahmy99** · 29-08-2010 06:08 AM

معكوسة مراية و دا اللى ظاهر فى المشاركة للكل

**عصام غنايم** · 29-08-2010 06:09 AM

ده اسمه egr

صمام وظيفته ادخال شحنه من غازات العادم الى المنافولد فى ظروف تشغيل معينه لتهدئة اداء المكنه حتى تنخفض درجة حرارتها قليلاٌ وتمنع تكوين الغازات السامه الضاره بالبيئه

يعنى بيفيد البيئه وبيؤثر بالسلب على اداء الموتور

ولو فكيناه هنلاقى تحته فتحتين واحده واصله للمانفولد والتانيه الى نظام العادم

بعض الناس لما بتلغى علبة البيئه بتلغيه علشان يرفع اداء المكنه

انما لا ينصح بالغائه مع وجود علبة البيئه لانك بكده بتقضى عليها بدرى

موجود فى العربيات الكامله فقط مع علبة البيئه

اى خدمه

اى استفسار ؟

حاجه اخيره الصوره مظبوطه مفيهاش اى ميرور خالص

**محمد الشامي** · 29-08-2010 11:20 AM

صباح الخير عليكم يا جماعه :-)

طبعا زي ما وضح استاذ عصام ده مش تيربو ده الـ egr valve وهو اختصار لـ exhaust gas recirculation يعني صمام إعاده تدوير غاز العادم

ولا الصوره معكوسه :-) والدليل ان البطاريه والبوبينه مثلا يمين وسير الكاتينه وخرطوم هواء المنافولد شمال :-)

وشكرا لأستاذ عصام على توضيح المعلومه بالشكل الامثل , كما هو المعروف عنه دائما :-) جزاك الله خير ياعصام

بس على فكره يا عصام , انا عربيتي مش كامله (هاف اوبشن) وموجود فيها الـ egr وعندي علبه بيئه !!! فـ هل من تفسير ؟ :-)