لكل اللى بينسوا يربطو حزام الامان

**Car's Sniper** · 02-09-2010 04:51 PM

المشاركة الأصلية كتبت بواسطة noon_eg

الحزام امان للركاب وانا حاكى لكم قصه سريعه

كنت راجع من مارينا سنه 2002 وكنت مش نايم كويس وكان ابنى ساعتها عمره 7 سنين وجالس قدام وزهق من الحزام واتخنق زى ما بتقولوا فلت له فك الحزام شويه ( على فكره هو عضو معنا هنا فى المنتدى macman )

المهم وانا ماشى عند مدخل اسكندريه لقيت تريلا جيش شايله دبابه شكلها عجيب فسرحت لحظه وبصيت عليها واول ما رجعت ابص على الطريق لقيت عربيه هيونداى الكسيل بتهدى جامد لان قدامها عربيه سوزوكى ربع نقل بتعمل يو تيرن واللى قادمى فرمل جامد بس للاسف نور الفرامل مش شغال فحسيت انى داخل عليه بسرعه وكانت سرعتى 100 كم المهم مسكت فرامل جامد لقيت ابنى بدا يطير وحيخبط فى الزجاج الامامى معرفش ازاى ربنا هدانى لفكره - رحت شايل رجلى من الفرامل ومسكته بايدى ورجعت فرملت تانى المهم ملحقتش فخبطت فى العربيه اللى قدامى خبطه خفيفه ( لانه اول ما حس بانى بادخل فيه شال رجله من على الفرامل فعربيه جريت لقدام ) وده اللى انقذنا من موت محقق طبعا بعد تقدير ربنا لنا بالعمر

حمدا لله على سلامتكم جميعا...الافضل تخلى الاطفال فى الكنبة الخلفية وتلبسهم حزام الاطفال الصغير لان الحزام الامامى خطر جدا على الاطفال

**KHALED AYMAN** · 02-09-2010 04:57 PM

طول عمرى بربط الحزام بس بصراحه مكنتش بربطه فى وسط البلد ...
من يوم ما جيبت الفيكترا و انا بربطه وانا لسه فى الجراج ..
لان لو مشيت من غير ما البسه بتعد تعمل صوت مستفززززززززززززززززززززز زززززززززز و عاااااااااااااااااااااااا ااااااااااااااااااااااالى و لمبه عماله تنور و تطفى ....
فبقيت البسه ..
والحمد لله صوره التوقيع ...ووجودى هنا ...فى نفس الوقت خير دليل على فايده الحزام ...

**aymanay32** · 04-09-2010 11:40 PM

ان قابلت صديق عنده ماروتى بيضاء و عمل حادثة و اتقلبت العربية و كان نازل كوبرى و لقى واحد معلم طالع الكوبرى عكس
و قاللى انه كان رابط الحزام و بالحرف الواحد ان الحزام انقذنى بعد الله سبحانه و تعالى و لما شوفت الصور بتاعة العربية قلت ان اللى جوه داه و عاش امه داعياله من ساعة ما اتولد لحن ما خرج منها سليم

**mahmoud_anwar** · 05-09-2010 03:54 AM

انا مش بلبس الحزام غير في الشتاء ببقا محتاج البس اي حجات كتيره علشان الجو السقعه بقا وكده غير كده في الحر بيكون ممل بلقي القميص عرق من مكان الي الحزام مسكني منه

**abdelaziz-waleed** · 05-09-2010 04:21 AM

بحكم عملي في البترول خارج مصر بقالي 10 سنين
في الشغل ممنوع ان العربية تتحرك من مكانها بدون ما الركاب بالكامل يكونوا رابطين الحزام قدام وورا وبالتالي اتعودت عليه ومش بقدر اتحرك بالعربية من غير ما اربطه لأني بحس اني سايب كدة في العربية ومافيش حاجة حاكماني والحمد لله بربطه بتلقائية ومن غير ما احس اول ما اركب العربية

**Eslam.Adly** · 05-09-2010 04:31 AM

انا بس بضطر اقلع حزام الامان لما اجى اركن فى ركنة يادوبك على المقاس ومحتاجة حركة كتير

**ahmedamr** · 05-09-2010 04:43 AM

انا وانا بجدد الصالون بتاع العربية خليت الراجل يشيل الحزام دة اساسا وقفل القايم جلد ولا اكن فى حاجة

**Amro_ON** · 05-09-2010 11:33 AM

المشاركة الأصلية كتبت بواسطة ahmedamr

انا وانا بجدد الصالون بتاع العربية خليت الراجل يشيل الحزام دة اساسا وقفل القايم جلد ولا اكن فى حاجة

ايوه كده... في واحد زييي .... تسلم يا دفعة , ما فيش احسن من الواقعية بتاعتنا يا كبير

**Car's Sniper** · 05-09-2010 09:14 PM

المشاركة الأصلية كتبت بواسطة ahmedamr

انا وانا بجدد الصالون بتاع العربية خليت الراجل يشيل الحزام دة اساسا وقفل القايم جلد ولا اكن فى حاجة

كدة انت قطعت الشك فى الكمين

**modo88** · 06-09-2010 10:35 AM

ببصراحه بتخنق منه بسرعه مع اني رفيع ومش مليان بجد خنيق اوي
مع انه نجدني من حادثه جامده اوي علي كوبري السيده عائشه وكان سبب في اني متخرشمش :d
بردو مبحبوش :d

الموضوع: لكل اللى بينسوا يربطو حزام الامان

LinkBack

أدوات الموضوع

عرض

-

-

-

-

-

-

المواضيع المتشابهه

حزام الامان

لكل اللى بينسوا يربطوا الحزام

حزام الامان

جرس حزام الامان

حزام الامان من فولفو(خمسون عاما علي ابتكار حزام الامان)

الكلمات الدلالية لهذا الموضوع

المفضلات

المفضلات

ضوابط المشاركة