بسم الله الرحمن الرحيم
مبدئيا انا اصلا من دمياط بس طول عمري عايش ف الزقازيق
وساكن هناك المفروض ف ارقى حته يعني اغلى عقارات واعلى مستويات
الزقازيق بقالها فترة من سئ لاسؤ انا ساكن ف شارع جانبي من شارع الخشاب
النضافة : الزباله بقيت مرمية ف كل حتة لدرجة ان الجزيرة الي ف وسط الشارع الي مرزوعه بدل مبتتسقي مياه بدون مبالغة بتتسيقي زبالة
كل ده بسبب قلة وجود صناديق الزبالة يعني انا في المحيط الي ساكن فيه في واحد في اخرة خالص ةالعمال معدوش بيطلعوا ياخدوا الزبالة زي الاول فتلاقي الناس مدلدلة الزبالة بحبل من البلكونة او رميها على الارض بجد بتبقى ماشي وسط الزبالة والله بدون ادنى مبالغة مش مرمية على جنب لا و لو على جنب تيجي العربيات تبحطرهم في كل حتة
الزحمة وركنة الصف الثاني: نيجي الاول للركنة الصف الثاني شارع الخشاب بدون مبالغة بقئ كلة صف تاني او احيانا كتير ثالث لدرجة ان الطريق بيقى واقف والونشات بتلف ومفيش عربية بتتشال وسعات بتبقى في ركانة عادي صف اول يعني والله مبيتركن فيها استسهال عشان ميعدش يعدل فيها وكل ده لية لانة مش بيتحاسب انا شخصيا اسف سعات كنت بركن صف ثاني بس مش ف الشارع الحيوي دة بيبقى ف شارع تاني هادي وبجد اخدت وعد مش هعملها تاني
نيجي بقئ للزحمة: في ناس بينزلوا من بيتهم عشان يلفوا عمري مفهمت المتعه ف كدة أية لا ومش بيلفوا في اوقات الدنيا فيها فاضية لاء ف عز الزحمة يعني ممكن يلف القومية الي بتتلف ف تلات دقايق بدون مبالغة يلفها ف اكتر من ساعه بكتيير لية مش لاقي سبب انا عمري مالفيت ف الزحمة اطلاق ولا ف غيرها يمكن سعات قليلة ف الفضا اقول اخد لفة كدة الفجر ولا الساعه 2 بليل اي توقيت فاضي اية وجة الاستفادة ف اللف وحرق بنزين ع الفاضي
بجد الوضع بقئ مزري اوي ولازم لة وقفة
زهقت منها وبجد هسيبها واعزل ف اقرب وقت .....
قولت افضفض معاكوا وياريت الي من الزقازيق يقولوا يمكن انا الي شايف ده بس
آسف لو طولت عليكوا....