لو اللوجان اتجمركت هايبقى سعرها كام؟؟؟

**zkralla** · 01-09-2010 11:36 AM

المشاركة الأصلية كتبت بواسطة fellacd

وشكرا أستاذ zkrallah
ومعنى كده إن اللوجان المفروض تكون فى مستوى الإلنترا مثلا أو عربية سعرها فى حدود 90ألف ... مش كده ولا إيييييه؟؟
وميصحش نقارنها باللانوس أو الفيرنا لأن العربيات دى لو من غير جمارك زى اللوجان هايكون سعرها 45ألف أو 50ألف ج بالكتييير ... مش كده ولا أنا غلطان؟؟؟؟

لا المفروض تتقارن بالى فى رنج ال
75000
جنيه
عشان
لو كانت هتيجى من المغرب بجمارك كان المستورد مستحيل يجيبها من هناك وكان هيجبها من رومانيا

المشاركة الأصلية كتبت بواسطة zkralla

لو اتجمركت ما كنتش جت من المغرب
كانت جت من رومانيا
عشان تكلفه السياره فى مصنع سوماكا بالمغرب عالى شويه عن مصنع داشيا برومانيا عشان حجم الانتاج فى داشيا اضعاف سوماكا
يبقى لو فيه جمارك كان المستورد هيفضل رومانيا ولما كانت بتيجى من هناك كان سعرها 75000 جينه

المشاركة الأصلية كتبت بواسطة zkralla

هى فعلا لو جت من المغرب بالجمارك هتبقى فى حدود ال 85000
احنا حسبناها فى القسم هنا كتير وبطرق مختلفه
لكن فى الحاله ديه (حاله انها هتيجى من المغرب بجمارك )كان المستورد هيجيبها من رومانيا ( هى نفسها ) بدل ما يجيبها من المغرب وسعر ها لما كانت بتيجى من رومانيا كان - زى ما قلت قبل كده فى المشاركه الى فوق بس حضرتك يمكن ما اخدتش بالك - 75000 الف جنيه للفول اوبشن
يعنى اغلى من اللانوس والفيرنا ولاالاسبرنزا بحوالى 7000 جنيه بس
لكن المقارنه بينها وبين الى فى فئه ال 80000 هيبقى ظلم للعربيه زى ما عمرو (رينجو ) وضح لحضرتك

**ahmedbakr50** · 01-09-2010 01:09 PM

جزاكم الله خيراً
كده الواحد حاسس إنه راكب حاجه أحسن من قيمتها فى مصر

**fox198626** · 01-09-2010 06:55 PM

المشاركة الأصلية كتبت بواسطة zkralla

لا المفروض تتقارن بالى فى رنج ال

75000
جنيه
عشان

لو كانت هتيجى من المغرب بجمارك كان المستورد مستحيل يجيبها من هناك وكان هيجبها من رومانيا

متنساش ياباشا إن العربيه كانت الشكل القديم برده ...العربيه إتغيرت من جوه تماما وإتعدل حاجات كتيير فيها من بره أكيد الشكل الجديد لو مستورد دلوقتى من رومانيا حيكون زاد لا محاله ....ممكن تكون رومانيا أرخص 2000 ولا3000 ....
على فكره أنا إفترضت إن ربح التاجر والموزع 4000..ممكن يكون 6000 ممكن يكون أزيد...ولو زاد الربح سعر العربيه حيقل...
يعنى ممكن عشان نكون أكثر دقه, نقول الهاف سعرها كان حيبقى من 80000 إلى 84000 لإن إحنا مش عارفين ربح التاجر....ومش ممكن تقل عن 80000 بأى حال من الأحوال...والفول ممكن نقول من 84000إلى 88000 ومش ممكن تقل عن 84000 برده...
بس أرجع وأقولك تانى أنا معاك ..إستثمارات المصنع فى رومانيا كانت مقدره ب22 مليون يورو ورومانيا كانت مقدره ب205 مليون يورو,,,وكميه الإنتاج فى رومانيا أكيد أكتر بكتيير من المغرب...عشان كد فعلا لازم السيارات المستورده من رومانيا تكون تكلفتها أقل وبالتالى سعرها أقل...بس صدقنى مش لدرجةمثلا فرق 10000 فى السياره الواحده...
ممكن دلوقتى لو الوكيل إستورد الشكل الجديد من رومانيا الفول أوبشن تكون ب80000 جنيه مثلا...والهاف ب75000...
فى حاجه كمان إحنا إفترضنا إن الجمارك 36% مش 40%...على إفتراض إن إتفاقية الإتحاد الأوروبى إطبقت من أول 2010

**Johnny82** · 02-09-2010 02:15 PM

المشاركة الأصلية كتبت بواسطة fox198626

ياباشا الراجل مش قصده أى حاجه هى فعلا حسبه متعبه ...وحضرتك عندك حق برده
هو فكرة الجمارك دى ..إن حضرتك تعرف إن العربيه أعلى من قيمتها السعريه..
وأنا محاسب وحقول لحضرتك هو إستحاله نحسبها بالضبط عشان فيها بعض الإفتراضات زى ربح التاجر بس بالتقريب
لو الهاف حيكون سعرها تقريبا84000
وأدى الحسبه
الجمارك على العربيات لحد 16000 سى سى 40% بس السيارات الأوروبيه المفروض إنها نزلت مع بداية 2010 إلى 36% وطبعا حنعتبر هنا إن الجمارك 36% مش 40%
فيه بعد كده 15% ضريبة مبيعات بتحتسب من قيمة السياره(القيمه من المصنع+النولون البحرى+التأمين) والجمارك معا بيدفعها التاجر وبعد كده بيحط هامش الربح وبتحتسب من هامش الربح كمان ضريبة مبيعات ويستردها التاجر بعد كده من المستهلك النهائى...فيه كمان رسم تنميه حوالى 3% بيحتسب بعد ضريبة المبيعات (بدون ضريبة المبيعات من الربح) والجمارك وومكن نضيف كان مصاريف تفريغ 1% كل الحجات دى ممكن تدخل فى 62 % من قيمة السياره ودى بتكون نسبة الضرائب والجمارك طيب بالنسبه للهاف أوبشن
قيمتها النهائيه 64000
لازم نعرف نعرف ربح التاجر والموزع حنفترض إنه 4000 جنيه يبقى قيمة السياره بدون الربح هى 60000 نشيل كمان الربح يعنى حنشيل مثلا 4600 نقول 4500 تبقى قيمة العربيه بدون الربح وضريبة المبيعات الخاصه بالربح= 64000-4500 =59500
طبعا العربيه معلهاش جمارك يبقى النسبه المتبقيه هى 62%-36%=26% دى النسبه التاخدت على القيمه منهم 3% رسم تنميه بتحسب بعد ضريبة المبيعات يبقى حنحذفها قبل منحذف ضريبة المبيعات وقبل ما نحذفها حنشيل كمان 2000 جنيه تخليص جمركى ومصاريف أخرى
تبقى القيمه قبل مانحذف رسم التمنيه=59500-2000=57500
القيمه قبل رسم التنميه =(57500)*(100/103)=55800 تقريبا
القيمه قبل ضريبة المبيعات =55800 *(100/115)=48000 تقريبا
دى قيمة العربيه قبل أى حاجه
نبدأ نحسبها بقى لو فى جمارك وكل المصاريف
القيمه بالجمارك =48000*1.36=65280
القيمه بعد ضريبة المبيعات=65280*1.15=75072
القيمة بعد رسم التنميه=75072*1.03=77324
مصاريف التفريغ = 48000 *1%=480
هامش الربح +ضريبه مبيعات الربح=4600
مصاريف تخليص جمركى=2000
سعر السياره بالكامل=77324+480+4600+2000=84404 تقريبا
العايز يحسب الفول أوبش يحسبها على نفس الطريق..
على نفس الطريق الفول حتبقى تقريبا90000

متشكرين على المشاركة ياباشا , انا فعلا لما اشتريتها قالى المبيعات ان تمنها الاصلى 84000 بعد الجمارك

**DOCTORBADRAN** · 02-09-2010 03:12 PM

معلش انا مستغرب من الحوار ده
الى انا اعرفه الواحد يشوف هو معاه فلوس اد ايه للعربية و بعدين يشوف العربيات فى الفئة السعرية و بعدين يقارن... بمعنى ان اللوجان فى السوق تمنها 68 مش اكتر حوار الجمارك مش هيفدنى كمستهلك فى حاجة
يعنى لو كان معايا 90 كنت هجيب وهقارن فى حجات تانية حالص
ثانيا الفرنا غليت و بفت فئة سعرية تانية و اللى شارى فيرنا مبيخسرش فى قيمتها عكس رينو

**fellacd** · 04-09-2010 02:37 PM

شكرا لكل اللى شاركوا بآرائهم القيمة
وعلى كل حال دى كانت محاولة للفهم مش أكتر
لأن مصر على ما أعتقد هى البلد الوحيد فى العالم اللى سعر العربيات فيها يعتبر لغز الألغاز
ومفيش وجه للمقارنة بين سعر العربيات هنا وأسعارها فى اى دولة تانى فى العالم
يعنى شالوا الجمارك حطو الجمارك خفضوا الجمارك مفيش فايدة الأسعار هيه هيه
والدليل على كده إن مفيش فرق بين سعر العرييات اللى متجمعة محليا وبين المستوردة مع إن فرق الجمارك كبييييير جدا لكن بيروح فين الله أعلم
وكمان لما انخفضت الجمارق بقيمة 10% لم نلاحظ أى فرق ولم يحدث إنخفاض فى سعر أى عربية بالعكس بعض الأنواع أسعارها زادت
ولما قالوا اللوجان المفربى هتنزل من غير جمارك تطبيقا لاتفاقية الكوميسا واغادير استبشرنا خير وقلنا اخيرا ممكن نركب عربية محترمة بسعر منخفض وكانت المفاجأة إن برضه مفرقتش كتيير
والللى مش مصدق يسأل الـ 69ألف جنيه تمن اللوجان ممكن تشترى عربية نوعها إيه فى السعودية أو أى دولة خليجية والمقارنة هنا عادلة جدا لأن العربيات هناك من غير جمارك برضه
على كل حال أنا متشكر جدا لكل اللى دخل وشارك
وعمار يا مصر .. عماااار