الهيونداى الـ i30 الكامله الهاى لين عامله 136 الف جنيه فى حين ان الاكسنت وال i20 فى حدود 80 لحد الـ 96 الف يبقى كده فى فرق كبير فى السعر
ياريت حضرتك تحددلنا سعر العربيه اللى ناويه ان شاء الله تشتريها عشان نقدر نفيدك اكتر لأن كده انا مشتت بصراحه
عرض للطباعة
الهيونداى الـ i30 الكامله الهاى لين عامله 136 الف جنيه فى حين ان الاكسنت وال i20 فى حدود 80 لحد الـ 96 الف يبقى كده فى فرق كبير فى السعر
ياريت حضرتك تحددلنا سعر العربيه اللى ناويه ان شاء الله تشتريها عشان نقدر نفيدك اكتر لأن كده انا مشتت بصراحه
هيونداي i20 فيها إيرباج وموتور معقول جدا عن مثيلاتها 100 حصان
وسعرها أوتوماتيك بـ 97,000 جنيه
http://www.hyundaipic.com/hyundai/ca...ndai-i20-1.jpg
23,000 جنيه بينها وبين الأبيزا مبلغ مش قليل
لو فى ناس كتير هتستخدم المقعد الخلفى طول الوقت تحديدا فى سفر يبقى بلاش البونتو ايفو او الابيزا .
لكن بغض النظر الابيزا محترمه جدا , شكلا وموضوعا و انا ناوى اشتريها إن شاء الله بعد العيد مباشره كسياره رقم 2 .
الفارق برضه مش كبير بين السيارات الكوريه المعقوله زى السيراتو ( مثلا ) و اى سياره اوربيه معقوله السعر , الفرق بيبقى واضح بين اى سياره كوريه و سياره اوربيه فوق الـ 250 الف , وقتها ممكن ندخل بلد الصنع فى الموضوع .
نصيحه مني, الهيونداي عربية جميله بس يعيبها التوكيل.
انا اخر مرة عملت الصيانه في غبور, مهندس الصيانه قالي هنشوف الحاجات كذا وكذا وكذا ونشوف الي هيحتاج يتغير ونغيره. بعد لما جيت ادفع عشان استلم لقيت انهم غيروا كل الحاجات الي قال هيفحصوها بس. مع انها كانت في حاله سليمه جدا وكانت زي الجديده الي اتركبت مفيش اختلاف. ودفعت 300 جنيه زياده.
خليكي مع عربيه محترمه وتوكيل محترم. حاجه واحده من غير التانيه ماتنفعش.
أولا ايبيزا أو جراند بونتو....مفيش مقارنة بالكوري...العربيات دي أهم حاجة فيها سلامة و أمان الركاب عكس الكوري....عربية بتجري و خلاص...الله أعلم حتقف امتى ولا حيحصل ايه!
نيجي للشكل و ده اراء الكل يختلف عليها بس بالنسبة للأحسن فالجراند بونتو واخدة تقييم أعلى و ده عشان اللي صممها هو Giugiaro مصمم ال Maserati Quattroporte و ال Alfa 159 و الجراند بونتو تعتبر بشكل كبير ابنة المازيراتي.
بالنسبة للموتور فالايبيزا تكسب فان موتورها أقوى بس ده مايمنعش ان الجراند موتورها كويس جدا لحد 120-130 مع تشغيل التكييف, بعد كده أدائه حيقل...لو على الجري و سرعة أكتر من كده يبقى ايبيزا أو الجراند بوتو التوربو 1.4 T-jet 120cv و ديه سعرها 125,000 بس أداء يفوق جميع العربيات ال1600 اللي في مصر و معظم ال1800 و طبعا دي حاجة فيات معروفة بيها على مدار الزمن و هي عصبية مواتيرها (أقوى مواتير في فئتها).
نيجي لمتعة السواقة....فديه برضو أشهر حاجة في FIAT group بجميع سياراتها(fiat , lancia , alfa romeo , maserati , ferrari)
ففيات تعتبر رائدة متعة السواقة. و أنا مع احترامي لكل العربيات بس أنا سوقت أوبترا و الانترا و فيرنا و لانوس.
الانطباع كان مع احترامي لكل اللي راكبين الانترا فكانت عربية ملاهي....صوت الموتور رفيع و بتجري جامد وفراملها بتكلبش بسرعة وديه مش ميزة على السرعة و أعتقد ده عيب في معظم الكوري واللي بيخلي العربية تتزحلق فيصعب التحكم فيها....الفيرنا طبعا مش حاتكلم :D:D واللانوس مش بسمع فيها غير صوت injection و الموتور صوته رفيع برضو بس مقارنة بالهيونداي أحسن طبعا و الأوبترا عربية عادية تفادوا فيها بشكل كبير عن معظم الكوري عيب الفرامل بس برضو صوتها رفيع و متعة السواقة في كله ولا حاجة بالنسبة للفيات.
بالنسبة للعمر فأعتقد مفيش شارع في مصر كلها يخلو من ال127 و ال128 اللي هما موديل ال 70s وال80s!!
بالنسبة للتوكيل السيات معرفش بس معظم الأعضاء بيشكرو فيه ...غبور طبعا مش محتاج وصف...كفاية الانذارات اللي بيركبها اللي بتبوظ :(.
أوماترا أنا ماشفتش منهم حاجة وحشة السراحة بس الناس بتشتكي من عدم مصداقية المواعيد.
في الأخر مع احترامي للجميع مرة أخرى المقارنة تبقى بين الايبيزا والبونتو! و أنا أرجح الفيات فهي ليها متعة في السواقة حتشدك عن باقي العربيات!
FIAT....The Ultimate Driving Pleasure
مفيش حاجة اسمها الأوروبي احسن كدا و خلاص
في عربيات اقارنها ببعض ... فيها مميزات و عيوب ... انقي اللي يناسبني ...
مش عشان دي اوروبي تبقى احسن....ده اسمه تفكير رجعي!