سيات ايبيزا ام ايفو بونتو ام الهونداى

**Ahmed Anwer** · 01-09-2010 03:24 AM

المشاركة الأصلية كتبت بواسطة karimalaa

تعالى اسكندرية وأنت حتفهم قصدي....أنا لو شفت واحدة كل يومين يبقى كويس...أصلا من 10 سنين مكانش في شارع في اسكندرية مافيهوش أكسنت.....دلوقتي بح!
ابقى تعالى بنفسك شوف و براحة على الطريق ;)

يمكن تم تطهير اسكندرية من الاكسنت

ممكن برده حضرتك تروح أو من غير ما تروح دمياط و بورسعيد

و أسألهم التاكسي عندكم من زمان أيه

و ممكن كمان مطروح ،، بصفتك اسكندراني يبقي أكيد عارفها كويس

يا ريت بس يبقي الكلام منطقي ،، أنا عمري مشفت عربية بتترمي أو تتعدم في مصر

ده البوني لسه شغالة تاكسي ،،، الاكسنت هيرموها في البحر !!!!

**karimalaa** · 01-09-2010 04:15 AM

طب قوللي العربيات اللي كانت في اسكندرية ديه راحت فين؟؟؟؟؟ و أنا معاك مطروح فيها تاكسيات كتير و أنا شوفتهم بنفسي....بس كتير اللي هو 200 أو 300 تاكسي؟!!! العربية دي اتباع منها ألوفااااااااااااااااااااا اااااااااات! دي كانت زي الرز والله في اسكندرية:d

**ahmedsadek82** · 01-09-2010 01:10 PM

يا جماعة بدون جدال , كل اللي ركب عربيات عارف ام العربيات الكوري مش معمرة خالص ..يا دوب ماسكة نفسها من الاخر على قد فلوسها بكمية الاوبشنز و خلاص . في عالم السيارات و اي منتج تكنولوجي هندسي الغالي ثمنه فيه .. لكن الزبون احتياجاته و امكانياته بتختلف عشان كده في كوري و ياباني و صيني , و بتبيع الحاجات دي كتير مش عشان هي احسن حاجة لأ ,عشان بتلبي احتياجات زبون معين.

**ahmedsadek82** · 01-09-2010 01:14 PM

افكركم بعربية كانت زي الرز و اختفت من مصر كلها .....الهيونداي اكسل فاكرينها دي زمان كانت بتتوزع على الشعب دلوقتي لو شفت واحدة تبقى معجزة .تقريبا حولوها كانز بيبسي. بس خدت وقتها وخلاص

**noctis** · 02-09-2010 06:07 AM

المشاركة الأصلية كتبت بواسطة amrseba

انا كنت قاعد فى الكنبه انا وواحد متوسط طولنا 173 عادى ياعنى وكنا مرتاحين جدا و رجلينا مش ضاربه فى الكرسى الامامى

ياعم عيب بقا ... يعني انتوا الاتنين قصيرين وقاعد تقولي قاعدين مرتاحين

على العموم انا شايف ان فيات حلوه جدًا وخصوصا في الشياكه
يالهووووووووووي حكايه في وسط الشارع والله
يعني انا في يوم كنت ماشي والشارع مليان BMW ومرسيدس وباسات وتيجي من وسطهم كدا الفيات برافو تأكلهم في التصميم مع انها هاتشباك :)
حاجه ملهاش حل بجد الفيات الوان وتصميم جذاب خصوصا للبنات لأنهم بيحبوا الهاتشباك " وبرده انا بحبه لأنه شبابي اكتر :D "

بس ليه المقارنه بين الايفو والايبيزا بس انا شايف ان سيات ليون احسن مع انها مش نفس الفئه اوي لكن عربيه تستحق كل احترام

**yoko** · 02-09-2010 06:13 AM

المشاركة الأصلية كتبت بواسطة noctis

ياعم عيب بقا ... يعني انتوا الاتنين قصيرين وقاعد تقولي قاعدين مرتاحين

على العموم انا شايف ان فيات حلوه جدًا وخصوصا في الشياكه
يالهووووووووووي حكايه في وسط الشارع والله
يعني انا في يوم كنت ماشي والشارع مليان bmw ومرسيدس وباسات وتيجي من وسطهم كدا الفيات برافو تأكلهم في التصميم مع انها هاتشباك :)
حاجه ملهاش حل بجد الفيات الوان وتصميم جذاب خصوصا للبنات لأنهم بيحبوا الهاتشباك " وبرده انا بحبه لأنه شبابي اكتر :d "

بس ليه المقارنه بين الايفو والايبيزا بس انا شايف ان سيات ليون احسن مع انها مش نفس الفئه اوي لكن عربيه تستحق كل احترام

الليون أغلي كتير وكمان الليون فئة البرافو