الموضوع: بالصور تنضيف الهوايات و الكاربون فايبر للكرستالة

السلام عليكم و رحمة الله و بركاتة

كنت من كام يوم عند واحد بتاع اكسسوار عربيات و لقيت عنده بالصدفه الكاربون فايبر اللون الى انا كنت عاوزه فاخذت من 1/2 متر و قولت اما اضبط انا بقا العربيه بنفسى
و كنت عاوز اعمل كاربون على الهوايات و المنطقة بتاعت بكر التكييف فى النص و لقيت ان المنطقه بتاعت العدادات ممكن تتعمل كمان بالكاربون فايبر

فقولت اتكل على الله و ابدا افك حتة حتة كده (اول مرة كنت افك فيها اى حاجه من العربية )

نيجى لفك العدادات

و متنساش تنزل الدركسيون لتحت خالص علشان تاخد راحتك

الاول هنشيل المسمارين الى ماسكين الفبرة الى قدام العدادات من هنا و بعدها نسحب الفبرة بالراحة هتطلع معانا بسهولة

[sor2]http://imageshack.us/photo/my-images/828/65981715.jpg/[/sor2]

بعد ما فكينا الفبرة هتلاقى العدادات ممسوكة باربع مسامير فى الماكن الى عليها الدائرة الحمرا نفسكهم بسهولة و بالراحة و ياريت لو معاك WD-40 لو حاجه مش راضية تتفك
نمسك العدادات من الجوانب و نسحبها علينا و بالراحة برضه هتطلع

[sor2]http://imageshack.us/photo/my-images/713/53949232.jpg/[/sor2]

و اما نشيل العدادات هنلاقى وراهم المنظر ده و نخلى بالنا من الكلبسات الى فوق ده علشان متقعش



[sor2]http://imageshack.us/photo/my-images/155/78663606.jpg/[/sor2]



و اما فكيت العدادات قولت اما اغير النور بتعهم و فكيت لمبة بالقاعده بتاعتها (لف القاعده ربع لفه هتلاقيها فكت معاك بسهولة ) و دورت على زيها و كان اسمها لمبة من غير كعب و كانتوا 3 كبار و واحده وسط
الواحده كانت ب1.75 جنية
و ابقا شيك على كل اللمبات يمكن واحده محروقة او حاجه
و اماكنهم قدامك اهوه الى بالاحمر دول و فيه واحده مستخبية فوق شوية

[sor2]http://imageshack.us/photo/my-images/88/44115946.jpg/[/sor2]


و ديه الفبر بتاعت العدادات الى كنت ناوى اعملها كاربون فايبر برضه

[sor2]http://imageshack.us/photo/my-images/18/73301547.gif/[/sor2]


و بمناسبة تغيير الانوار بتاعت العدادات كانت لمبة الولاعة مش شغالة قولت اما افكها و اشوفها
الاول نشيل الطفاية بسهولة و نسحب من نفس المكان ده الاول و بعدين من الناحية التانيه و من فوق هتطلع معانا بسهولة (لو عندك كاسيت يا ريت تشيل وشه قبل ما تبدا علشان ميتجرحش)

[sor2]http://imageshack.us/photo/my-images/408/60896751.gif/[/sor2]



هتلاقى المنظر ده بعد ما تشيل الفبرة اكتشفت ان فيه لمبة للولاعه بس كانت محروقة
المهم لمبة الولاعه و لمبة الطفاية الى بالاحمر دول و بنفكهم برضه زى ما بنفك لمبات العدادات ربع لفه و يطلع معاك عادى خالص و هتلاقيهم عليهم غطاء اخضر كده ممكت تشيلة و تركبة للمبة الجديده لو عاوز النور يبقا اخضر الى فى الولاعه و الطفاية او متركبوش براحتك

[sor2]http://www12.0zz0.com/2011/10/13/15/233792329.gif[/sor2]


و كده انتهينا من تغيير الانوار

نيجى بقا للفايبر كاربون

نيجى نفك الهوايات الى فى الجوانب تحط المفك مطرح ما انا حاطط و مفك تانى من تحت و بالراحة نضغط من فوق هتلاقيها طالعه معاها برضه بالراحة (معلش صورتها بعد ما كنت خلصت)

[sor2]http://imageshack.us/photo/my-images/197/72709997.gif/[/sor2]


و اول ما نفكها و نطلعها نفك الوش فقط و نطلعه
[sor2]http://imageshack.us/photo/my-images/213/41842658.gif/[/sor2]

باقى الهواية بعد ما شلنا منها الوش هتلاقى فيها كمية تراب و شحم مش معقولة الحل ايه علشان تنضفهم --> ازازة بنزين او بجنيه بنزين و كيس قطن ب 2.5 جنية و تقعد تمسح فيها لحد ما الشحوم و الاتربة الى فيها تروح و فى الرريش برضه هتلاقيها وسخة كده ننظفها بالبنزين و نسيبها يوم بره فى البلكونة او على الشباك علشان ريحة البنزين تروح

و بعدين نيجى للوش بقا و ياريت يكون معانا مسطرة و تاخد مقاساتك قبل ما تشتغل علشان تقطع صح

دول وش الهوايتين بعد ما ركبت عليهم الاكاربون فايبر

[sor2]http://www12.0zz0.com/2011/10/13/15/875250775.gif[/sor2]


[sor2]http://www12.0zz0.com/2011/10/13/16/500344969.gif[/sor2]

و نروح للباب و نفك لوحة الزجاج الكهرباء الاول نفك المسمار الى فى المقبض و بعدين نحط مفك تحت مكان السهم الى فى الجمب و نرفعها شوية و بعدين نسحبها لتحت شوية هتلاقيها طلعت و مربوطه بكلبس كهرباء ابيض هتلاقى له سنة طالعه شوية كده نضغط عليها و نطلع عادى زى اى فيشة كهرباء فى العربية

[sor2]http://imageshack.us/photo/my-images/594/25024031.gif/[/sor2]

و نفس النظام فى الباب التانى


و ده هيكون الشكل النهائى للتابلوة


[sor2]http://imageshack.us/photo/my-images/809/73076175.gif/[/sor2]



[sor2]http://www12.0zz0.com/2011/10/13/16/806989527.gif[/sor2]



و يوم ما انا ركبت الحاجه ده قولت اما اركب بقا فرش للعربية بالمرة

[sor2]http://imageshack.us/photo/my-images/38/14550771.gif/[/sor2]




و لو فيه اى استفسار انا موجود فى الخدمة قولوا انتوا بس
و معلش طولت عليكم

الموضوع الاصلى
http://www.nilemotors.net/Nile/251129-a.html