شوف يا باشا...

الموضوع ده انا قلته قبل كده في مقابله, ان و العلم عند الله, نفس المورد
بتاع الجنوط لتويوتا, هو اللي بيورد لكيا, و هو هو بالظبط مع فرق الشكل
لو هيبقى في فرق... و الجنط ده صيني على فكره, و الحديد بتاعه
سئ جدااا في رأي, لأنه لو مثلا اتحك منك في رصيف (( هيتفرفت ))
و ده اللي حصل معايا في صيانة الـ1000 كم في التوكيل, الأخ اللي
نزل العربيه الورشه, حكها في رصيف الرامب, و لقيت الجنط لما خدت
بالي مكان الحكه دي اتكسر حته صغيره منه, و متفرفت...

و لما قلت الموضوع ده, في حد قاللي (مش متذكر مين من الاعضاء)
ان ده كده حديد زهر بس مسترخصين...

ده بالنسبه للجنط, لكن ده مش معناه علشان المورد هو هو لكيا, و لتويوتا
يبقى يجيلك جنط تويوتا عادي كده...!!!! لأ طبعاً, كده في حاجه غلط
و غالباً من المعرض, او من الوكيل الخليجي اللي اشترى منه المعرض

عموماً... لو الموضوع مش مضايقك, يبقى عديها و عادي بقى...

لكن لو عايز تغير الجنط, يبقى المسؤل في رأي هو صاحب المعرض

و سيبك من موضوع (يا حظك.. ده جنط التويوتا احسن...!!) ده كلام فاضي
و شغل معارض الهدف منه انه يسكت الزبون و يقنعه بأي حاجه ماتخسرش المعرض

ده رأي بشكل عام, و انت صاحب القرار الأول و الأخير...

تقبل تحياتي...