400 جنيه بسبب لمبة !!!!

**keko** · 29-09-2010 05:06 AM

ظلمت الميكانيكى
فك الطرمبة وجربها بعد ما لطعنى 4 ايام لقاها شغالة وزى الفل قلنا يكون فلتر الزيت مسدود فك الفلتر لقى الزيت مش واصله طاب ايه يا عم كده فيه حاجة بتهرب ضغط الزيت المهم كبرت فى دماغنا وسهرنا للساعة 4 فيها فك وش التاكيهات ووش السلندر والكاربراتير وعامود الكرنك والسبايك المهم ماسابش حاجة مكانها وضغط هوا وقعدنا نسد خرم خرم طلع العيب الاتى
مسكت السبايك لقتها مسلخة وعمود الكرنك مبوش والشمايز عايزه خرط وسواد يدل على انها بتاكل بنزين مع انها ماكانتش بتدخن !!
الطامة الكبرى ان البلوك راايح باين انه ملحوم بنحاس ومبقق ومشرخ يعنى ماينفعش عمرة والراجل قاللى حرام اخد منك ربع جنيه فى عمرة مالهاش لازمة هاتلك موتور ارحم
مع العلم لما كنت عامل وش سلندر قبل كده الميكانيكى الاولانى قاللى فعلا ان البلوك ضايع يعنى دى مش اشتغالة
الغريبة ان الموتور قبل مايتفك كان اداؤه فوق الممتاز وسحب وجرى ومسخرة انما كده استحالة يركب على وضعه
ايه رايكم

**misoalex** · 29-09-2010 05:24 AM

مفيش ادامك غير موتور استيراد حتعمل ايه لو فى اى حاجه غير البلوك حتتغير لكن البلوك خلاص

الى اعرفه ان ممكن موتور ال 131 تقريبا بينزل فيها وحيبقى احسن من بتاعها
انزل اسأل على المواتير ولو ينفع يرجع الموتور تانى عشان تمشى بيه يبقى خلاص
اه على فكره الموتور الى عندك ممكن يتباع ب 300 جنيه خرده

وربنا يصبرك ويقويك