شغل عيال صحيييييييييييح

**emadkamel** · 11-03-2008 12:06 AM

المشاركة الأصلية كتبت بواسطة Xpert

ههههههههه احلي حاجه في العيال : التناحه البريئه هههههه ... انا بقي كنت لازق في كلمه "ليه" .. كل ما يقولولي حاجه اقلهم ليه .. يجاوبو اقلهم ليه برضه هههه و هكذا الي ان كانو هايتبرروا مني هههه

الواحد نفسه في بيبي ... (ده انا هاطلع عنيه ... ان كان هوه رذل انا ارذل منه :D)

:):) تطع عين مين؟؟ والله انت راجل طيب.... ده انت طيب قوى .... هاتجيب عيل تطلع عينه؟ ده هايطلع عينك و.تيييييييت وتيييييييييييت ومش كده وبس ده هايتييييييييييييييييييت ويتييييييييييييييييييت

يا بيه انا بقالى فى مرحله الـ "لية" سنه ونص وخلاص جالى السكر ومش عارف هاتخلص امتى .... انا فات على ايام كان كل منايا انى اسمع اى سؤال تانى ... اى كلمه قدامها علامة استفهام غير ليه

بس مافيش فايده .... مقاريد وزقاريد انما محليين علينا الدنيا ....ربنا يقدرنا

**OlaOsman** · 11-03-2008 07:09 AM

انا بأه كنت و انا صغيرة فاكرة ان عم لطفي اللي باشتري منه الحاجات الحلوة لما بيقفل المحل بالليل بينام جواه و يصحى بالليل يفتح.. برضه ما كنتش متخيلاه بيروح البيت و لا يعمل حاجة في دنيته غير انه يبيع لنا الحاجات الحلوة :o

لحد ما في يوم و انا نازلة الصبح المدرسة لقيته بيفتح المحل.. ساعتها بأه استنبطت انه ممكن يكون بيروح بيتهم و ينام زي البني آدمين

**Khalid_Mostafa** · 11-03-2008 09:11 AM

فعلاً ساعات العيال بتبقي ليهم مناقشات تشل انا ابني مثلاً قدام الناس بيبقي متربي و كوتوموتو ومبينطقش ...والناس تقلي ابنك هادي قوي وانا اتنهد وقول اههههههه فعلاً هو هادي حبتين ولكن مع بعض تلاقيه مبيبطلش كلام و مناقشات كما ان استاذ بلال بيغير التكنيك بتاع الأسئلة علي طول ..يعني مثال :

انا وبلال ركبين العربية و ماشيين في شارع وجري الحوار التالي :

بلال : بابا ...البيت ده بتاع مين ؟

انا : بتاع عمو يا حبيبي

بلال مشيراً إلي بيت اخر : طب و البيت ده بتاع مين ؟

انا وانا مركز في السواقه : بتاع عمو يا حبيبي

بلال : هوا عمو عنده بيتين يا بابا ؟؟

انا وانا حفرقع من جنابي : لأ يا حبيبي عمو الأولاني غير عمو الثاني

بلال بعد شويه : طب و البيت ده بتاع مين ؟

انا بخبث و بعد تفكير وملامح شيطانيه : اه ده بيت عمو حسين يا حبيبي

بلال : ومين عمو حسين ده يا بابا ؟

انا والحيرة حتقتلني : عمو حسين ده يبقي اخو عمو محمد

طبعاً عمو حسين و عمو محمد دي شخصيات وهمية حبيت اشتته بيها بس مفيش فايده)وهكذا

**Xpert** · 11-03-2008 11:16 AM

المشاركة الأصلية كتبت بواسطة emadkamel

:):) تطع عين مين؟؟ والله انت راجل طيب.... ده انت طيب قوى .... هاتجيب عيل تطلع عينه؟ ده هايطلع عينك و.تيييييييت وتيييييييييييت ومش كده وبس ده هايتييييييييييييييييييت ويتييييييييييييييييييت

يا بيه انا بقالى فى مرحله الـ "لية" سنه ونص وخلاص جالى السكر ومش عارف هاتخلص امتى .... انا فات على ايام كان كل منايا انى اسمع اى سؤال تانى ... اى كلمه قدامها علامة استفهام غير ليه

بس مافيش فايده .... مقاريد وزقاريد انما محليين علينا الدنيا ....ربنا يقدرنا

ليه ؟ :D

عيب عليك يا عم عماد ... ده انا باطلع عين البشريه .. ده انا معروف عني اني رخم طبيعي :D
.. هم ... انا مرحله ال ليه دي قعدت معايا ... لحد ما بقي عندي بتاع 16 او 17 سنه... عادي يعني انت و حظك :D و ربنا يخلهملك ... ممكن تديني واحد اطلعلك عينه ... بدل ما هوه يسأل ليه أسأله : عاوز تعرف ليه :D

**Islam_galal** · 11-03-2008 11:29 AM

للإخوة اللي معندهمش أولاد و شايفين الحكاية سهلة
أهديهم هذا الحوار

زيزو: إيه
أنا: عايز إيه

زيزو: إيه
أنا : آآه الريموت ، حاضر

زيزو: إيه
أنا : آآه أغير القناة حاضر

زيزو: إيه
أنا :حلوة دي . . الحمد لله

زيزو: إيه
أنا : إيه تاني !؟

زيزو: إيه
أنا :أشيلك

زيزو: إيه
أنا :لا لا مش حينفع

زيزو: إيييييييييييييي
أنا :قلت مش حينفع
. .
..

زيزو: إيه
أنا :أمشي حاضر (بعد ما شلته طبعا)

زيزو: إيه
أنا :ماما أهيييييييي

زيزو: إيه
ماما: أشيلك حاضر

أنا :أنا عندي مشوار و لازم أنزل دلوقتي (ما هي قصيدة إيه دي لما بتبتدي بتخلص عليا قبل ما تخلص هيا)

**Xpert** · 11-03-2008 11:39 AM

يا جدعان الرخمه مالهاش حدود ... اول حاجه .. خللي السيستم بتاعه يعمل باك فاير عليه ... هوه يستلم ايه ... كل ما يقولهالك قوله انت ايه ... هوه يقول ايه ..قوله ايه
هوه يقولك ليه ... قوله ليه ... شغال معاه ....
بعدين انتو كده مدلعينهم .. بي كريتيف و سوق عليه الرخامه ههههههه

**Islam_galal** · 11-03-2008 11:43 AM

لا حدود لرخامة الأطفال:(
بس ليها لذة لا حدود لها ايضا

**Khalid_Mostafa** · 11-03-2008 11:44 AM

المشاركة الأصلية كتبت بواسطة Xpert

يا جدعان الرخمه مالهاش حدود ... اول حاجه .. خللي السيستم بتاعه يعمل باك فاير عليه ... هوه يستلم ايه ... كل ما يقولهالك قوله انت ايه ... هوه يقول ايه ..قوله ايه
هوه يقولك ليه ... قوله ليه ... شغال معاه ....
بعدين انتو كده مدلعينهم .. بي كريتيف و سوق عليه الرخامه ههههههه

هاهاهاها....واضح انك لسه ربنا مكرمكش بعيال...
يا جماعه سجلوا الكلام ده عليه عشان لما ربنا يكرمه إن شاء الله حنبقي نتفرج عليه ونشوف حيعمل ايه معاهم
محنا كلنا كنا فاكرين نفسنا فتكين و بنعرف نتلامض معاهم بس هيهات يا باشا

**Xpert** · 11-03-2008 11:52 AM

لاء لسه بادور علي عروسه و انت الصادق :d
بس ماتخافش ... العبد لله قدها و قدود... ايه يعني عيل و لا 2 و لا 3 حتي ... ده احنا بنرخم علي اللي نعرفه و اللي مانعرفوش ... مش هانعرف نرخم علي عيالنا ؟ ههههه

**Nader** · 11-03-2008 11:54 AM

المشاركة الأصلية كتبت بواسطة Islam_galal

للإخوة اللي معندهمش أولاد و شايفين الحكاية سهلة
أهديهم هذا الحوار

زيزو: إيه
أنا: عايز إيه

زيزو: إيه
أنا : آآه الريموت ، حاضر

زيزو: إيه
أنا : آآه أغير القناة حاضر

زيزو: إيه
أنا :حلوة دي . . الحمد لله

زيزو: إيه
أنا : إيه تاني !؟

زيزو: إيه
أنا :أشيلك

زيزو: إيه
أنا :لا لا مش حينفع

زيزو: إيييييييييييييي
أنا :قلت مش حينفع
. .
..

زيزو: إيه
أنا :أمشي حاضر (بعد ما شلته طبعا)

زيزو: إيه
أنا :ماما أهيييييييي

زيزو: إيه
ماما: أشيلك حاضر

أنا :أنا عندي مشوار و لازم أنزل دلوقتي (ما هي قصيدة إيه دي لما بتبتدي بتخلص عليا قبل ما تخلص هيا)

بس انت نسيت توضح اهم حاجة!! ......... يعني اية "اية"؟:D