للإفادة

**inspiron** · 04-09-2010 01:41 AM

أولا يا باشا هو فعلا مانع رش الجاز والزيت علي العفشة في المحطة...ولكن لو راجعت موضوعي هتعرف إن في بقشيش دفعته للعمال كتير...يعني والعربية علي الكوريك تكرمش 5 جنيه تديها للعامل هيعملك اللي إنت عاوزه..وهتلاقيه بيقولك أنا هعملك اللي إنت عاوزه بس ده بره المحطة ( عشان تظبطه )...

ثانيا التكلفة اللي صرفتها 180 جنيه نظافة و مش هما طبعا اللي تحملوا تكلفة المعطر..أنا اللي جيبته من الماركت بتاع المحطة..

تقبلوا تحياتي وإنتظروا الصور في أقرب وقت إن شاء الله.

**dr-mohamed** · 04-09-2010 01:48 AM

عارفها البنزينة دي قبل الطالبية وبغسل فيها غسيل كامل العربية من الداخل والخارج والموتور ب35 جنيه
وفعلا مفيش رش جاز للعفشة هناك

**inspiron** · 05-09-2010 06:06 PM

المشاركة الأصلية كتبت بواسطة emo_ayman

الف شكر للافادة بالكار الكير الممتاز ده.رحت امبارح وعملت البرنامج الشامل(صالون-سقف-شنطة-غسيل موتور بالفوم-عفشة-بودى-بولش) خد وقت حوالى 3 ساعات لان المحطة دي ما شاء الله مبتفضاش من الغسيل.الحساب كله 175 جنيه غير البقشيش.

كنت انا عملت موضوع من مده بستفسر فيه عن كار كير فى الزمالك وتوكيل لهيونداى فى نفس الوقت اسمه حورس والمفاجاءة ان هو ده الفرع بتاعهم اللى فى الهرم.

بس فعلا يا جماعة بتركب العربية وتمشى وانت فعلا حاسس انك خارج من المصنع مش من المعرض كمان.

نصيحة للى هيروح يعملها.روحوا من بدري على الساعة 11 مثلا عشان العمال يشتغلوا بمزاج.ولما يخلصوا العربية ويركبوا الاكياس البلاستيك على الكراسى ,اشتروا معطر جديد ويكون ريحته قوية وعلقوه فى المراية وعلى قد ما تقدروا تسيبوا العربية مقفولة بعد غسيل الصالون عشان الكراسى هتبقى مبلولة وممكت تلم اى تراب والعربية ممكن تكمكم لو مفهياش اى معطر.

للاسف انا معرفتش اصورهم وهما شغالين فى الصالون لاننى كان ممنوع ادخل الكابينة اللى بينضفوا فيها العربيات.

بس انا عرفت القط واحدة سريعة وانا بشيك على شغل الصالون قبل ما تطلع من الكابينة.

لما بيخلصوا الصالون بيرشوا ماده حمرا من بخاخة على التابلوه وعلى الابواب.ممتازة وملمعة وريحتها جميلة.لو حد راح وعرف نوعها ايه او اى حاجة عنها لاننى حاولت مع العمال .طب خدوا فلوس ,طب اشترى.لا يمكن ابدا.طب ولا نوعها حتى. هو الواضح انه مش عارف نفسه لانه قاللى ديه بتيجى فى جراكن.

انا متشكر جدا لصاحب الموضوع والافادة .وانا كنت فعلا بقالى كتير بسال عن كار كير متميز:ta_clap[1]::ta_clap[1]::ta_clap[1]::ta_clap[1]::ta_clap[1]::ta_clap[1]:

يا باشا لا شكر علي واجب..وألف مبروك علي الغسلة الجديدة..وخد بالك بقي من العيييييين.

**inspiron** · 06-09-2010 03:21 AM

المشاركة الأصلية كتبت بواسطة emo_ayman

اه والله عشان العين مظبطة العربية من يوم ما جبتها.ربنا يسترها علينا جميعا.

آمين يا رب..خصوصا إني أنا إتظبطت تمام بعد الغسلة دي

**rompo6** · 06-09-2010 06:11 AM

متابع

**Ayman-Ahmed** · 06-09-2010 02:18 PM

المشاركة الأصلية كتبت بواسطة inspiron

آمين يا رب..خصوصا إني أنا إتظبطت تمام بعد الغسلة دي

لا حول ولا قوة الا بالله.معلش ربنا يسترنا من الاعين الحاسدة والانفس الحاسدة ويبعد عنا كل من يريد وما يريد لنا اى شر.

-

-

-

-

الموضوع: للإفادة - كار كير جيد جدا

LinkBack

أدوات الموضوع

عرض

-

-

المواضيع المتشابهه

للإفادة موقع سيتي ساوند للكاسيت

للإفادة الجماعية

موضوع سريع للإفادة

تغيير فى تأمين السيارة - هام للإفادة

الكلمات الدلالية لهذا الموضوع

المفضلات

المفضلات

ضوابط المشاركة