رجرجه فى العربيه مع الطالعه

**solom_vip** · 03-09-2010 05:09 AM

العربيه اوبل كورسا 2005 سيدان وللاسف لسه جايبها ومشاكلها بدات تظهر
رجرجه فى الطلعه مش عارف من ايه هل هيا قواعد ماتور ولو كده قواعد الماتور بكام ومنين وعايز واحد كويش اروحله مع العلم انى ساكن فى حلوان
بسمع برده صوت صفاره من العجل وغالبا لما بحود حاجه بسيطه بس الصوت بدا بسيط ومتقطه دلوقتى على وبقى مستمر مع المشى مش عارف بقى ظبط زوايا ولا ايه
وفى تنتيش وانا ماشى ع السلانسيه وللاسف انا لسه جايبها ودافع اللى ورايا واللى قدامى فى تمنها

**Adham** · 03-09-2010 05:13 AM

لو العربية دي مانيوال يبقى اسطوانة و دسك

صفارة العجل اضبط هواء الكاوتش (و يفضل تملاة نتروجين) و لو ماراحتش يبقى اضبط زوايا كلها حاجات بسيطة ان شاء الله

التنتيش دة يبقى نضف بوابة و شوف البوجيهات ممكن وحشة

**solom_vip** · 03-09-2010 06:55 PM

مش عارف ليه يا ادهم كلامك بيحسسنى باطمئنان مع انى كنت زعلان ومضايق اوى لانى لسه جايب العربيه وعمال اقول يارب ميظهرش فيها حاجه قريب
وكل سنه وانت طيب وشكرا لسرعه الرد
العربيه مانيوال كنت عايز اعرف تكلفتهم فى التوكيل كام وبره كام

**lancerevolution** · 03-09-2010 07:15 PM

الموضوع بإذن الله سهل
أهم حاجة شغلك يتعمل عند حد نضيف عشان ما يوركش الويل و يسأل فى ذلك دكتور هلالى الى إتعذب مع الصنايعية العكاكين

**Adham** · 03-09-2010 07:20 PM

و كل سنة و انت طيب

بص لو انت مزنوق و مش مستعد و احنا داخلين على عيد و مدارس

يبقى اكتفي بتنضيف البوابة و تغيير البوجيهات و زبط هواء اطارات السيارة او نتروجينها و زبط الزوايا لو استمرت الصفارة

و موضوع اسطوانة و دسك سيبة شوية مش حاضرك في شيء طالما بتستعمل السيارة استعمال راقي مش بتنتش و لا بتحرق عليها جامد او بتأمرك
ممكن تمشي بيها سنة

انت و استعمالك

و لما تنوي تغير اسطوانة و دسك و بلية مش لازم توكيل بس هاتهم الاصليين

و زي ماقلتلك كلها حاجات بسيطة غير مؤثرة و بتحصل لمليون عربية كل يوم

و لا تشغل بالك و لا تضايق نفسك و تبوظ فرحتك بالعربية الجديدة

**tananybasha** · 05-09-2010 02:08 AM

زى ما قال ادهم باشا
الرجه طقم دبرياج
الصفارة اضط زوايا الأول و شوف الدنيا فيها ايه
النتشة دى حاجات كتير بس الأول جرب منظف رشاشات محترم

**rompo6** · 05-09-2010 05:25 AM

اوتوماتيك يبقي قواعد ماتور

**solom_vip** · 05-09-2010 07:19 PM

متشكر يا جماعه ع الردود وربنا يباركلكو
ياريت يا abdel aziz تدينى النمره لانى دايخ على حد يبص ع العربيه ويكون بيفهم وعنده ضمير ومش لاقى وياريت يا جماعه لو حد يعرف سعر الديسك والاسطوانه كام بالتركيب فى التوكيل مع تغيير البيجوهات والفلاتر والزيوت والسيور يقولى
وكل سنه وانتو طيبين

**tananybasha** · 06-09-2010 12:00 AM

طقم الدبرياج الأفضل اللوك luk
و ده ب حوالى 800 جنيه
السيور الأفضل الجيتس Gates
البوجيهات جى ام - بوش - ان جى كى
و اعتقد ان عندك 2 شمعه
لا تحط 3 شمعه و لا واحد شمعه

-

الموضوع: رجرجه فى العربيه مع الطالعه

LinkBack

أدوات الموضوع

عرض

-

-

-

المواضيع المتشابهه

رجرجه جامده اوى اول لما ادور العربيه

رجرجه جامده اوى اول لما ادور العربيه

رجرجه فى العربيه لما ادوس فرامل

رجرجه في العربيه

العربيه بتطلع صوت رجرجه

الكلمات الدلالية لهذا الموضوع

المفضلات

المفضلات

ضوابط المشاركة