من شاف بلاوى الناس تهون عليه بلوته...انا زيك اضعاف مضاعفة وده بيسبب ليا مشاكل خصوصا مع المقربين لانهم بيعتبرونى مش عايز آكل من اكلهم مع انى بحب اكلهم بس مقروف مثلا من اللى كان بيوزع المعالق(مسكها جامد من المكان اللى بناكل منه مش من ايد المعلقة)...وباقعد اتخيل ايده كانت عرقانة ازاى ومسك المعالق جامد(محدش يتريق..انا عارف انه مرض نفسى مش دلع )
وفى حكاية البيبسى ..اشرب منها بقين وبعدين الاقى اصحابى فى وشى(من الذوق انى اعزم) بيروحوا واخدين كام بق...اعمل نفسى انى خلاص شربت ومش عايز تانى....هما بقى يقعدوا يقولولى انت مبذر وبتجيب الحاجة وماتشربهاش ههههه وهما ولا فاهمين حاجة
ولا اى مصدر مياه من برة..اقعد اتخيل ان اللى شرب قبلى ممكن يكون عنده فيرس او حاجة
ولو ماغسلتش ايدى و وشى ورجلى كويس قبل مانام ..معرفش انام
المرض اللى عندى وعندك وعند كل اللى بيتقرفوا ده اسمهAgateophobia (الخوف من الاشياء الغير معقمة)
وانا عندى كمان ال Acousticophobia (فوبيا الضوضاء)
هما دول بس اللى عندى مع انى تقريبا مابخافش من اى حاجة فى حياتى لا تعبان ولا تعالب ولا ى حاجة مفترسة ولا ظلام ولا كل الخوف المنتشر عند كل الناس
بس مصلحة ان الواحد كدة فى زمن الامراض ده...ربنا يسترها مع الجميع