هعترفلكم بحاجة بس محدش يتريق عليه

**aif** · 05-09-2010 04:05 PM

المشاركة الأصلية كتبت بواسطة hazoom2006

انا بردة بقرف كدة بس بنسب متفاوته وليا واحد جارى كان عايز يجيب جهاز تعقيم الايدين بتاع الدكاتره علشان يعقم ايدة قبل الاكل

يعقم ايديه بس ؟؟؟؟؟؟
طيب والهوا اللي مليان ميكروبات وبكتريا وتراب وفيروسات وحشرات دقيقة وكائنات مجهولة الهوية ؟؟؟؟
والمياة اللي مهما عملت مليانة مجتمعات وامم ون الكائنات الغير مرئية ؟؟؟؟
والجسم البشري نفسه ... فيه مليارات الكائنات اللي اكتشفها العلم واللي لم يكتشفها حتى الآن
قول يا باسط .... وقول الصبح بسم الله الذي لا يضر مع اسمه شيء في الارض ولا في السماء وهو السميع العليم ... وباقي الاذكار ..... وخذ بالاسباب بالشكل الطبيعي بدون مبالغة وبدون اهمال .......... وبعد كده .......... توكل على الله
آل تعقيم آل ..... ده حتى الحاجة المعقمة بيبقى مالهاش طعم ...... كل يا راجل واتغذى .... وبلاش وسوسة

**Car's Sniper** · 05-09-2010 09:40 PM

المشاركة الأصلية كتبت بواسطة SkyBird

على فكرة الناس اللي موسوسة نظافة زي اللي يغسل المعلقة لمدة نص ساعة واللي ماشي بالديتول
وناس كثير اشتركوا في صفات الدكتورة ضياء في الموضوع ده
غالبا بيكونوا مناعتهم ضعيفة واي شوية برد تكلبش فيهم بالاسبوع ده غير احتقان الزور واللوز والسخونية وتلاقى جسمهم ضعيف
ليه مناعتهم ضعيفة؟
لانها غير مدربة على محاربة البكتيريا والفيروسات في الطبيعية حيث انها لم تواجهها من قبل
والدكاترة غالبا مناعتهم قوية لانهم يتعرضوا لجرعات قليلة من البكتيريا عند تعرضهم للمرضى فيما يعرف ب subclinical doses
زي التطعيم كده

مين حاسس ان مناعته ضعيفة من الناس اللي بتقرف واللي موسوسة نظافة ؟

بالعكس تماما ..انا تقريبا مابستعملش ادوية خالص لما باتعب(مناعة طبيعية)...بس بصراحة شايل اللوز...وكل فين وفين لما اعيا
اما اللى عنده مناعة ضعيفة جدا عندى...او ممكن تكون حساسية مش مناعة...جلدى
من اقل حاجة تأثر عليه وده تقريبا لانى مابعرضهوش للشمس خالص حتى فى المصايف ماليش فى نزول البحر...فاكيد ماعنديش فيتامن (د) اساسا

بس على فكرة لمجرد ان الواحد يركب اى مواصلة فى مصر...فيعتبر عنده مناعة قوية جدا من كتر الانفاس....مع انى بردو باكون متلبش وانا لازق فى حد او ماسك فىالحاجة اللى مسكها ملايين قبلى زى الايد اللى بنمسك فيها فى المترو كدة مثلا...وعشان كدة باقول على المرض النفسى ده...مصلحة

**M.Radwan** · 05-09-2010 10:25 PM

هو الصح اننا منستخدمش ادوات بعض..زي الفوط وفرش الأسنان ومكن الحلاقة وخلافة
بس ان الموضوع يتطور ويبقى وسوسة نظافة دي تبقى مشكلة جامدة
والأجمد بقى لما يتطور لوسوسة فى الوضوء والصلاة!

**ACE** · 05-09-2010 11:16 PM

انا كنت كده لحد ما اتجوزت
وحاليا بشرب وباكل مكان المدام واولادى فقط وكل الحجج اللى فى الدنيا اخترعتها زيك بالظبط واكتر
بس الحمد لله كل اصحابى بقو عارفين مشكلتى وبيتعاملو معايا بمنتهى الشياكة
يعنى لو فى مكان ومافيش غير زجاجة مياه واحدة يسيبونى اشرب الاول

ان شاء الله لما تقابلى الشخص المناسب هتتغيرى كتير

**misoalex** · 06-09-2010 05:23 AM

طب انا عندى اقتراح صغير

ممكن لو حد طلب منك كوبايه او زجاجه المياه او معلقه او اى حاجه استخدام شخصى تقوليله اسفه اصل انا عندى انفلوانزا وممكن اعديك
طبعا ساعتها الله اعلم برد فعله فى ظل انواع الانفلوزات الى ماشيه فى السوق :)

بس فعلا ممكن الحجه دى تنفع مع كثير جداااااااااا من الناس وحيبقى اعتزار مناسب
وهى جمله واحده الى حتردى بيها (اسفه عندى انفلوانزا وخايفه اعديك)

لا وحتطلعى كمان انتى الى خايفه على الى بيسألك يعنى قلبك ابــــــــــــــيض زى السفنجه :)

**haythamkmal** · 06-09-2010 02:06 PM

انا اختى كان عندها نفس الموضوع ده لغاية ما اتجوزت وبعديين موضوع القرف ده راح.

بس انا عايز اقولك حاجة انتى لو بتفكرى فى الموضوع ده بالطريقة دى ، يبقى من الاولى انك متتنفسيش ، تخيلى الهواء اللى انتى بتتنفسية ده دخل فى رئة كام حمار قبل كدة

**icehearted girl** · 07-09-2010 01:51 AM

المشاركة الأصلية كتبت بواسطة ACE

انا كنت كده لحد ما اتجوزت
وحاليا بشرب وباكل مكان المدام واولادى فقط وكل الحجج اللى فى الدنيا اخترعتها زيك بالظبط واكتر
بس الحمد لله كل اصحابى بقو عارفين مشكلتى وبيتعاملو معايا بمنتهى الشياكة
يعنى لو فى مكان ومافيش غير زجاجة مياه واحدة يسيبونى اشرب الاول

ان شاء الله لما تقابلى الشخص المناسب هتتغيرى كتير

ودا هيكون مناسب ازاي بقي؟؟

غير قابل للارف

يعني لو قابلت الشخص المناسب هبطل أقرف؟؟

ولو قابلت شخص مش مناسب مش هبطل اقرف؟؟

المشاركة الأصلية كتبت بواسطة misoalex

طب انا عندى اقتراح صغير

ممكن لو حد طلب منك كوبايه او زجاجه المياه او معلقه او اى حاجه استخدام شخصى تقوليله اسفه اصل انا عندى انفلوانزا وممكن اعديك
طبعا ساعتها الله اعلم برد فعله فى ظل انواع الانفلوزات الى ماشيه فى السوق :)

بس فعلا ممكن الحجه دى تنفع مع كثير جداااااااااا من الناس وحيبقى اعتزار مناسب
وهى جمله واحده الى حتردى بيها (اسفه عندى انفلوانزا وخايفه اعديك)

لا وحتطلعى كمان انتى الى خايفه على الى بيسألك يعنى قلبك ابــــــــــــــيض زى السفنجه :)

حجة قديمة وبطلت

طب والله واحدة كانت جيالي النهاردة بتقولي ممكن تقيسيلي الضغط؟؟؟ فلاحظت لما شمرت كمها

انها لسه واخدة حقنة او سحبة عينه ومكان دراعها دم

قلتلها ممكن تشمريلي الايد التانية علشان دي فيها دم ومنلوثش الجهاز علشان اللي هيستعملوه بعدك؟؟

تقولي اي يادكتورة ونتي شايفة دمي زفر ولا ملوث؟؟ ولا شايفاني بهرش ونا بكلمك انا الحمدلله نضيفة وبستحمي كل يوم

شايفين ال.. اقول ايه بس ..جهل ..تخلف.. يعني هي بتستحمي كل يوم يبقي دمها دا طاهر ومعقم

حاجة تفرررررررررسسسسسسس

المشاركة الأصلية كتبت بواسطة haythamkmal

انا اختى كان عندها نفس الموضوع ده لغاية ما اتجوزت وبعديين موضوع القرف ده راح.

بس انا عايز اقولك حاجة انتى لو بتفكرى فى الموضوع ده بالطريقة دى ، يبقى من الاولى انك متتنفسيش ، تخيلى الهواء اللى انتى بتتنفسية ده دخل فى رئة كام حمار قبل كدة

جواز جواز جواز... تصدقوا بالله كرهتوني فلجواز.. هو لازم اللي يتجوز يتعود ياكل مكان حد

دا شئ مقرف جدا

يلا بناقص بلاها جواز

**misoalex** · 07-09-2010 07:04 AM

المشاركة الأصلية كتبت بواسطة icehearted girl

حجة قديمة وبطلت

طب والله واحدة كانت جيالي النهاردة بتقولي ممكن تقيسيلي الضغط؟؟؟ فلاحظت لما شمرت كمها

انها لسه واخدة حقنة او سحبة عينه ومكان دراعها دم

قلتلها ممكن تشمريلي الايد التانية علشان دي فيها دم ومنلوثش الجهاز علشان اللي هيستعملوه بعدك؟؟

تقولي اي يادكتورة ونتي شايفة دمي زفر ولا ملوث؟؟ ولا شايفاني بهرش ونا بكلمك انا الحمدلله نضيفة وبستحمي كل يوم

شايفين ال.. اقول ايه بس ..جهل ..تخلف.. يعني هي بتستحمي كل يوم يبقي دمها دا طاهر ومعقم

حاجة تفرررررررررسسسسسسس

هههههههههههههه اكيد بتفتح بقها وهى بتستحمى وكده يبقى ضمنت النضافه جوه وبره هههههههههه

ربنا يصبرك

بس هى ممكن الحجه قديمه لكن كلمه انفلوانزا دى تعمل رعب لاى حد وحيخاف على نفسه مهى كلمه انفلوانزا دلوقتى بقت مرعبه
جربى مش حتخسرى حاجه وقوللنا على النتيجه هنا فى الموضوع ولو منفعتش ندور على حل تانى

وعلى فكره حالتك ملهاش علاج :)
بس بصراحه بصراحه انتى صح وصح جدا كمان

-

الموضوع: هعترفلكم بحاجة بس محدش يتريق عليه

LinkBack

أدوات الموضوع

عرض

-

-

-

-

-

-

-

-

المواضيع المتشابهه

نفسى أعرف ارجع لورا لانى جديد فى السواقه وياريت محدش يتريق

رجة فظيعة فى الدركسيون .. محدش بيعرف يسيطر عليه !!

يا جماعه افيدوني انا هتتجنن محدش بيرد عليه

لكل من تكالبت عليه الهموم وضاقت عليه الدنيا وغلب عليه التشاؤم

:: قصة شاب محدش بيرن عليه ::

الكلمات الدلالية لهذا الموضوع

المفضلات

المفضلات

ضوابط المشاركة