الموضوع: دعوة لمُقاطعة وكيل ميتسوبيشي (وائل عطية)

إن سياستهم التسعيرية غير مدروسة جيداً ولا ترعي البعد الإجتماعي

الكلام في البعد الاجتماعي ده لا يصح ان يقال هنا
لانه انه ممكن تجاوزا نسمعه في الكلام عن تسعير رغيف العيش .. تسعير السلع الاساسيه والطاقه والادويه
انا لما نيجي نتكلم عن سلعه ممكن تعتبرها سلع تندرج تحت بند الرفهيات فلا أعتقد ان هذا الكلام مناسب

مشكله ان مفيش متابعه للتوكيلات او التجار من جهه رقابيه تحكم الاسعار وتمنعها من الزيادات العشوائيه

هو ده السوق
وانسى ان ممكن يكون في متابعه
السعر بيتحدد بناءأ على العرض والطلب
وطول ما هو قادر يبيع بسعر عالي عمره ما هينزل السعر .... وده حقه
المهم ان السوق يبقى مفتوح .......... اللي عايز ينافسه يتفضل يخش
وينزل أسعار اقل منه ... و دي الطريقه الوحيد لتقليل الاسعار
المشكله الحقيقيه في وجود مزايا غير لبعض التجار وحمايه قانونيه ليهم
زي ما انتو شايفين العربيات اللي بتتجمع في مصر واخد مزايا بالقانون
وبرضه بتتباع بنفس سعر المستورد
ازاي دي بقه مش فاهم

المشاركة الأصلية كتبت بواسطة Nader

وياريت يا استاذ وائل متعتبرش ان دة هجوم شخصي ولا حاجة انت اخ محترم وتمتاز

بخلق رفيع ..... بس بلاش نشغل الناس بالفرعيات ونسيب الاساسيات.

لا ياسيد نادر
دي مش فرعيات ولا حاجة..هو مش المفروض إننا في منتدى سيارت ..وعمالين نهاتي ونقول على قد مانقدر نخللي كلامنا على السيارت ..إذاً السيارت في هذا المقام هى الأساسيات وليست الفرعيات
إلا لو كنت عايزنا نتكلم في رغيف العيش والزين والسمن والحاجات ..يبقى نغير هدفنا من الموقع ..إللى معمول في الأساس للحديث عن السيارات ومحاولة تقديم خدمات مُتعلقة بها ومن أساسيات هذه الخدمات محاربة جشع الوكلاء
أنا الحقيقة مش عارف ازاي انت بتقول إننا كده بنشغل الناس بالفرعيات ..فرعيات إيه بس هو انت مابتشوفش إن في عشارت الناس هنا يومياً بتتكلم على أسعار السيارات اللي سيادتك مُعتبرها من الفرعيات !!!!