استاذ علاء بالتأكيد مفيش حد يرضيه اللي اتعمل مع حضرتك وبالتالي سأقوم بتوصيل الأمر للمسئولين في الشركة عن الصيانة اولا لمحاسبة المسئول وثانيا لمعالجة القصور ، كمان ارجو اعطائي فرصة لتوضيح بعض الأمور.
بخصوص الشراء من الوكيل فده فايدته مش ان الوكيل بيقدم خدمة محدش تاني بيقدمها وانما لأن الوكيل بيقدم ضمان على العربية من ميتسوبيشي موتورز بيتم من خلاله تغيير اي قطعة غيار بها عيب صناعة خلال فترة الضمان وده تكلفته على شركة ميتسويشي وليس على الوكيل. فلذلك حضرتك متندمش انك اشتريت من الوكيل.
1- حضرتك بتقول معاملة زي الزفت. ارجو تحديد شخص معين ان امكن او موقف معين حتى يمكن معاقبة المسئول.
2- ورشة صيانة لا تليق.
أعتقد حضرتك رحت فرع قليوب وهو طبعا فرع قديم جرت بعض التجديدات فيه انما بالفعل اصبح لا يليق كمركز رئيسي لتوكيل كبير وبالفعل جاري عمل مركز جديد على احدث النظم المعتمدة من ميتسوبيشي وبأحدث التصميمات انما ده لا يمنع انه يحتوي على كل المعدات الحديثة والمهندسين المدربين من ميتسوبيشي على التعامل مع سياراتها الحديثة يعني الموضوع مش اكتر من ان المكان مش شيك
3- غير مسموح بمتابعة ما يجري للسيارة .
الكلام ده صحيح ومعمول به في كل التوكيلات علما بأن كل قطع الغيار القديمة بيتم تسليمها للعميل ليطمئن انها اتغيرت وكذلك حسب ما هو مكتوب في الفاتورة ان للعميل الحق اذا ما شعر ان الاصلاح والصيانة لم تتم على الشكل المرضي ان يعود خلال فترة اسبوع لاعادة الاصلاح
4- الوقت ليس له اعتبار.
بالتأكيد يحدث قصور في حركة الدخول والخروج للعربيات نتيجة الزحام الشديد رغم اتباع نظام الحجز المسبق انما ده مش عذر طبعا وسيتم عرض هذا الأمر على مدير الورشة لمعالجة هذا القصور.
عموما ممكن حضرتك في الصيانات القادمة (العشرة آلاف وما بعدها) تعمل الصيانة في فرع جسر السويس حيث انه كمبنى احدث من فرع قليوب واستراحة العملاء فيه تطل على الورشة وبالتالي تستطيع ان ترى سيارتك من الاستراحة
المفضلات