الموضوع: لو بتتنفخ بسرعة ،، متدخلش لمصلحتك...،، زهقت من الشاهين بتاعتي!!

المشاركة الأصلية كتبت بواسطة smsm_nabawy

،، أشغل المروحة اللي في الكابينة "بديل التكييف" ألاقيها جايبة هوا بيغلي "متسألنيش أزاي هوا ، و بيغلي

،، العربية كلها أصوات من التابلوه و الكراسي ،،

الزجاج بنهتم بيه و عال العال ،، أبتدى يجيله زي السرطان اللي بيجي للأزاز ده ،، و بينقر لوحده ،،

أضائة التابلووه و العدادات زبالة و ضعيفة ،،

انت مهولها يا سمسم الحالة دي شكلها من الصيام لو انت بتشرب سجاير و قهوة

كل العربيات الغير مكيفة بتطلع هواء بيغلى مع مروحه التكييف حتى لو عربية مكيفة و شغلت مروحتها من غير ماتدوس زرار الكمبريسور حاتلاقيها كدة

حط نقطتين زيت في كل مسمار في الكراسي او مفصلات الكراسي و الاصوات دي تمنع ان شاء الله

مافيش حاجة اسمها الزجاج بينقر و ابتدي يجيلة سرطان زجاج, الزجاج اللي بيتنقر بيبقى تربلكس اللي هوة فية طبقة بلاستيك جواة (زي البرابريز الامامي) الزجاج اللي بيسرطن ما ينقرش ينزل بودرة فورا زي زجاج الجوانب
تلاقي بس زلط صغير و انت سايق او حاجات بتترمي عالعربية بتنقر البرابريز

كل الفيات القديم عيبة نور العدادات الضعيف من ال 127 و ال 128 و ال 131 كلهم كدة

روح لكهربائي يحل العدادات ويركب لمبات قوية

روق كدة يا سمسم دي كلها حاجات بسيطة و اللي يشوف بلاوي غيرة يا سمسم يهون علية بلوتة