اقتباس المشاركة الأصلية كتبت بواسطة walidadel81 مشاهدة المشاركة
معلش استاذنك تقولنا ايه اللي حصل معاك لان الموضوع كله ان ده راجل بيقدملك خدمه وبياخد ادامها مقابل
ومافيش مجال انه يفكر يتنك علي ايه ؛
والله المعاملة نفسها وطريقة الكلام غريبة بجد
تنك ومش بيرد عليك وانت بتساله غير بمنتهى التناكة وفى رده سخرية كانك مش فاهم اى حاجة
واكتر حاجة ضيقتنى منه انه مثلا كنت عنده وبخلية يعملى صيانة كده ويبص عليها علشان لو فيها حاجة يعملها
فا جت سيرة الرشاشات فا لما اتكلم معاه لما قلتله اجيب رشاشات بى ام وتركيبهالى بجد كانى شتمته وقفلت منه جدا وحسسنى انى بخترف فى الكلام وقالى ده كلام الناس اللى على النت وانا مش بشتغل فى الحاجات ده انت تروح تشترى الاوريجينال بتعها من تحت وتيجى اركبها غير كده مش بركب رشاشات بطريقة طبعا مستفزة جدا


اقتباس المشاركة الأصلية كتبت بواسطة محمد الشامي مشاهدة المشاركة
حسيت نفس احساسك لما كلمته النهارده في التليفون عشان اروحله :-)

بس انا بردو مش عايز احكم عليه من طريقه كلامه , اللي لينا عنده شغل نضيف ومصنعيه معقوله وخلاص

و بصراحه اكتر انا بعد ما قفلت معاه التليفون قررت اني خلاص مش رايحله :-) قفلت منه
والله يا محمد الدكتور احمد خدمنى فعلا انه عرفنى على الراجل اللى فى الحدائق بجد اى الاحترام ده واى الزوق فى التعامل ده وكمان لما عرف انى بقرا وفاهم شرحلى العيب اللى كان عندى كله وعمله قدامى وفهمنى وتقريبا كان منتظر انى اساله اى حاجة علشان يفهمنى وكما انا لما نزلت عنده الجراج اللى هو عمله الوارشة هو كبير من العربيات اللى عنده عرفت انه محترم وامين لان كان عنده عربيات موديل 2010 واصحابها سايبنها وهو كان شغال فيها ووقفت معاه بيشتغل فيها بندافه كان صاحبها واقف جنبة وبنضف مكانه حلو جدا