تحذير من نتائج زيادة الأسعار

**hazem_khidr** · 11-03-2008 08:23 PM

طبعا اجراءت مفيده و ممكن ازود كام حاجه
1.لو مسافر انشر فوطه في البلكونه او اي شئ لان الحرامي لو شاف كده حيفتكر ان فيه حد في الشقه
2.اوعي تسيب مفتاح عربيتك باي حال من الاحوال مع سايس جراج او منادي في الشارع .
3.موبايلك في جيبك ما تحاولش تمسكه بايدك
4.بالنسبه للسيدات بلاش لبس دهب و ركوب مواصلات عامه تاكسي او غيره
5.الاطفال طبعا الصغيرين لا يلبسو خواتم ولا سلاسل و لا الكلام دا كله.
6.اوعي تقف لاي حد في الشارع يشاورلك او يستعطفك مهما كان

**Xpert** · 11-03-2008 10:29 PM

المشاركة الأصلية كتبت بواسطة hazem_khidr

طبعا اجراءت مفيده و ممكن ازود كام حاجه

6.اوعي تقف لاي حد في الشارع يشاورلك او يستعطفك مهما كان

اهه دي بقي لاء .. انا باقف و اخده معايا في سكتي .. و ساعات باتعشم في الناس تقفلي اركب معاها بعيد عن بهدله المواصلات ..

**OsKaR** · 11-03-2008 10:45 PM

المشاركة الأصلية كتبت بواسطة Xpert

اهه دي بقي لاء .. انا باقف و اخده معايا في سكتي .. و ساعات باتعشم في الناس تقفلي اركب معاها بعيد عن بهدله المواصلات ..

+11111111
لأني بعملها احيانا وقت الشده :)

**sokasoon** · 11-03-2008 10:57 PM

المشاركة الأصلية كتبت بواسطة hazem_khidr

طبعا اجراءت مفيده و ممكن ازود كام حاجه
2.اوعي تسيب مفتاح عربيتك باي حال من الاحوال مع سايس جراج او منادي في الشارع .

علشان كده مش بركن العربية فى جراج لان كل جراج مابيرضاش ياخد العربية

إلا ولازم اسيبلو المفتاح علشان يخرج ويدخل فى العربيات وكمان مش ضامنه

ممكن يخبطها فبريح دماغى

**hazem_khidr** · 12-03-2008 06:45 AM

اقتباس:
أرسل أصلا بواسطة hazem_khidr

طبعا اجراءت مفيده و ممكن ازود كام حاجه

6.اوعي تقف لاي حد في الشارع يشاورلك او يستعطفك مهما كان

اهه دي بقي لاء .. انا باقف و اخده معايا في سكتي .. و ساعات باتعشم في الناس تقفلي اركب معاها بعيد عن بهدله المواصلات

كنت زيك كده يا بيشوي لكن مع الوضع اللي الواحد شايفه معدتش بقف لحد
ممكن كان زمان قلبي جامد و بعرف اقرأ اللي قدامي لكن دلوقتي الامر ما يسلمش معدش حد مضمون.

**Islam_galal** · 12-03-2008 09:38 AM

- واحد محترم وقف يوصل واحد داخل ميناء الإسكندرية و عند البوابة فتشوا العربية و لقوا لفه مخدرات ، طبعا قانونا مسئولية صاحب العربية
.
.
بس الراجل طلع محترم و اعترف إن اللفة بتاعته (السطر ده ماحصلش)

- دكتور في الجامعه وقف لست كبيرة و معاها فتاه محتاسين و الست تعبانة خالص

و النبي يابني لتاخد الحاجة الحلوة دي مني و طبعا أكلوا معاه

خدر و قتل و سرق و لما اكتشفوا الفاعلين اتهموه انه كان عايز يغتصب الفتاه

أقول تاني و لا كفايه

لازم نعمل الخير لكن المؤمن كيس فطن مش كده و لا إيه

**وائل عطية** · 12-03-2008 09:51 AM

المشاركة الأصلية كتبت بواسطة Islam_galal

- دكتور في الجامعه وقف لست كبيرة و معاها فتاه محتاسين و الست تعبانة خالص

و النبي يابني لتاخد الحاجة الحلوة دي مني و طبعا أكلوا معاه

خدر و قتل و سرق و لما اكتشفوا الفاعلين اتهموه انه كان عايز يغتصب الفتاه

لازم نعمل الخير لكن المؤمن كيس فطن مش كده و لا إيه

نفس الموقف حصلي يا إسلام ولكن مع اختلاف التفاصيل: من فترة كان في مطرة شديدة بالليل كانت الساعة حوالي 7 ومعدي عند مسجد السلام في ذاكر حسين لقيت ست كبيرة ومعاها شابتين واحدة شايلة طفل رضيع وكانت لابسة جاكت ورفعاه فوق دماغها هي والطفل للحماية من المطر وواحدة تانية والست الكبيرة ماسكة عربية
الولد ..كانت العربيات ماشية بالراحة وشايفهم من بعيد شوية بيوقفوا تاكسي ومحدش راضي يوقف لهم
جيت أنا ووقفت عندهم وقلت اتفضلي ياماما أنا رايح لآخر الشارع لو طريقكم ..لقيتهم بصوا لبعض باستغراب ..فقلت اتفضلي أنا زي ابنك..وركبوا ووصلتهم لغاية الزهراء ونزلت الست مش مبطلة دعاوي بالخير
فزي مانت قلت يا إسلام لازم نعمل الخير ولكن بحذر ..لأني شوفتهم وباين إنهم ناس محترمين علشان كده ركبتهم مع إن العربية اتبهدلت جداً منهم ومن عربية الطفل لأنهم كانوا واقفين في طينة من المطر .