الموضوع: محدش يقول سواقة مثالية تاني

اوقات كتير كنت ببقي مروح علي الزراعي والدنيا عماله تشتي والمساحات شغاله علي السرعه التالته وبرده مش شايف والمرايات والقزاز اللي ورا مشبر وبجد بجد مش شايف اي حاجه ولاقي نفسي ماشي 120 طيب ليه؟

لان كل الطريق ماشي كده ولو حاولت اهدي كله هيلبس فيا يعني الطريق هو اللي بيحكمك بغض النظر ايه هو القانوني

لو كله ملتزم بالسرعه وانت لا هتحس انك غريب وممكن تعمل حادثه والعكس صحيح لو الكل مقضيها قلة ادب وانت اللي ماشي كويسي برده هتتعرض لمخاطر

موضوع التريلات اللي بتبقي طايره دلوقتي بصراحه مع اني كنت ضد كده بقتي لما الاقي واحد ماشي واخد الشمال وطاير اشد واجي قدامه وامشي 90

البارح بقي الاقي عربيتين مقطوره والقمامير ماشيين قصاد بعض علي سرعه اقل من 10 كيلو وعمالين يدردشو - انتو متخيلين الموقف؟ الحاره اليمين واللي في النص مقفوليه عشانهم وهما ولاهنا

المشاركة الأصلية كتبت بواسطة mahmoudysf

طبعا من العنوان بس
فيه اللي هيخش ويقول ايه الكلام ده
وليه وفين وازاي
هاحكيلو على تجربة للسواقة الهادية المثالية
امبارح كنت رايح مشوار
وخدت الطريق الدائري
نويت انى اكون هادى ومفيش شد ولا غرز ولا كلاكسات
ونويت الغي الفكرة اللي مش عندى بس لاكن عندنا كلنا اننا بس اللي بنعرف نسوق
ونشد واناخد غرز ونعمل بهلونات على الطريق
المهم طلعت على الطريق حوالى الساعة 10 بعد صلاة التراويح وكانت اعصابي هادية جدا
خدت الحارة التالتة من الشمال ومشيت على 80 تقريبا وسيبت الاولى للي عايز يجري والتانية كمان للي عايز يتخطى
طيب لغاية دلوقتى اية الغريب في كدة
ااقولكم ربنا نجاني من كذا حادثة بسبب سواقتى دي
ازاي
وانا ماشى في امان الله اللاقى ميكروباس جاي طاير ومصدرلي النور العالي
طنشتة وماشى في طريقى على اساس انى مش ماشى على الشمال
الاقيه فجاه جاي من جمبي طاير وغرزة من قدامي لولا توفيق من الله ورميت يمينى بسرعة كان خد وش العربية معاه
فى نفس اللحظة الاقى نقل بمقطورة جاي طاير وكلاكس ونور لانى لما فديت الميكروباس دخلت فى الحارة التانية
وفي لحظة بقيت عامل زي الكورة اللي بيلعبو بيها عشوائي
لا حد محترم رغبتى فى انى امشى هادي وواخد الحارة التالتة ولا فية صبر
لدرجة من اللي حصل فقدتى اتزانى للحظات
فلاش باك للسواقة اللي المفروض تبقى طبيعية في مصر ولاقيتنى مسقط نقلة
وبشد وبدى نور عالى وبغرز والله لاقيت ان الخطورة كدة بقت ااقل عن ما كنت ماشى عاقل
وبالطريقة دى حسيت انى بعرف اسوق تانى
وتعرضي للمخاطر ااقل
النتيجة ان السواقة بدون التزام هيالقاعدة وغير كدة هو الاسثناء

بنأذن في مالطا
بص
حل مشكلتك انك تشتري عربيه جيب
وامشي 60 وامسك الشمال

المشاركة الأصلية كتبت بواسطة soma_sooma

للأسف اللى بتقولة دة صحيح

مينفعش السواقة المحترمة فمصر

السواقة فمصر بالدراع وبالبلطجة

طب ومالنا ومال البلطجه؟؟
احنا نمشي بالذوق ونعمل اللي علينا
عشان لة لا قدر الله حصل حاجه
ضميرك يبقى مرتاح

المشاركة الأصلية كتبت بواسطة adel1212

السواقة زى فريق الكورة

لو دافع بس حيتغلب لو هاجم بس بردو حيتغلب
العب بتوازن ان شاء الله تكسب

:f_eyeb1[1]:

انا رأيي ان السواقه زي الملاكمه
انا ضربه
وانت ضربه
لحاد ما واحد يقع بالقاضيه

المشاركة الأصلية كتبت بواسطة shnory

بص يا باشا
حضرتك اجري زي ما يعجبك لو عاوز تمشي علي الكورنيش او في اي طريق 200 فدي حاجه ترجعلك
بس متعرضش حد للخطر
روحك وانت حر فيها ربنا حيحاسبك انت عليها مش احنا
بس لو خبطت عربيتي وانت بتجري متزعلش وتقول اني كنت ماشي براحه
لاني ماشي بالسرعه المقرره وانت اللي بتجري
وعمري ما شوفت عربيه مقلوبه علي الكورنيش او اسعاف جايه تشيل واحد كان سايق عربيه وصعب عليا
واحد بيرمي نفسه من ارتفاع عالي ازعل انا ليه لما يتهبد في الارض
بس حزعل لو اتهبد قدامي وفجعني او لو دمه جه علي هدومي ووسخها
لاني مليش ذنب تهلكه وهو رامي نفسه فيها
لو خبطتني بعربيتك وانت بتجري انا حموت شهيد وانت حتموت كافر او منتحر والله اعلم
بزعل بقي علي الناس اللي ملهمش ذنب وبيتاخدوا في الرجلين سواء ناس بتعدي الشارع
او واحد سايق في حاله
وعموما لما حد بياخد الغرزه علي سرعه عاليه واكصدامه ورا يخبط في اكصدامي قدام فانا اللي بعوم عربيته وممكن يقلب لا قدر الله
وحصلت معايا قبل كده بس كانت سرعاتنا قليله انا كنت 30 وهو 50 تقريبا لان الطريق كان زحمه
والباشا بياخد غرزه ب128
وربنا يسلمكم جميعا ويرجعكم لاهلكم سالمين
لان الاهل برضه بيصعبوا عليا في قهرتهم علي عيالهم

واتفرج علي الفيديو ده
واجري براحتك بعد كده
youtube - ‫ظپظ„ظ… ط¹ظ† ظ…ط®ط§ط·ط± ط§ظ„ظ‚ظٹط§ط¯ط©‬‎

السرعه في الفيديو بالميل على فكره

انا عايز اقول ملاحظه
مهما كان نوع عربيتك وصلابتها
بعد سرعه 90 كيلو
مافيييييييييييش حاجه اسمها حديد
حتتفرتك