انا ناوي اشتري كاسيت غير اللي عندي في العربية اليومين دول

عايز اجيب كاسيت سي دي و يكون في وصله AUX و USB و Ipod بس انا قلقان ان الاضاءه متمشيش مع اضاءة التابلوه عشان عندي الاضائة برتقالي محمر كده

شوفت انهارده عند السجان واحد سوني و ممكن تغير لون الاضاءه ازرق و اصفر و احمر هل ده كويس بـ 1150 جنيه

انا شايف ان السعر ده كتير و ممكن اجيب حاجة ارخص و فيها نفس الامكانيات الا اذا ده كان فيها اوبشنز تانية انا مش عارفها بءي

هل اجيب بايونيير ولا سوني ولا ايه ؟

انا فعلا محتاج رأيكم معايا
و ايه أحدث الحاجات اللي موجوده دلوقتي لاني اخر مرة اشتريت كاسيت كان بايونيير سي دي من حوالي سنتين و اكيد في حاجات كتير ظهرت في الفترة دي

شكرا