الموضوع: شغل فى العفشة

بسم الله الرحمن الرحيم
من فترة كنت بسمع صوت دربكة او خبطة فى الارض المجعده و محدش كان عارف يعملها كل شوية اروح اربط عفشة و اشف على العفشة يقولولى سليمة
المهم روحت النهارده لواحد بتاع عفشة قالى انى محتاج بيض مقصات و بيض بارات ( بيض طرف ) روحت جبتهومله و غيرت العلايات اللى كانت عندى ورا
و كانت التكلفة كالاتى و محتاج رايكم فيها لانى حاسس انها كتير
2 بيض مقص 70 جنية
2 بيض بارات 70 جنية
2 علايات 15 جنية
مصنعية 130 ( حاسس انها كتير اووى )
طلعت جربت و العيب مازال قائم رجعتله قالى عايزين نغير غطاء السوستة
جبت غطاء السوستة ب 20 جنية
و هو بيركب كان عايز يفك التلات مسامير اللى ماسكين البطاحة و كان فيهم واحد مش عايز يتفك المهم جبنا صاروخ و شيلناه بس عمل علامة فى الصاج كده خفيفة
و بعد ما فك قالى ان البطاحة اتعوجت مطرح ما كان بيقرص و محتاجين بطاحة
روحت جبتها ب 45 جنية
و اخد 10 جنية كمان

طلعت جربت الصوت راح


النتيجة كل البيض اللى كان طالع من عندى تقيل ( سليم يعنى مش مبوش او فيه حاجة )
السوستة كانت بتحك فى غطاء السوستة لانه كان معووج بس كده

دلوقتى انا محتاج حاجتين
1 تفيدونى فى الاسعار و المصنعية
2 هنزل بكره بالنهار ان شاء الله اصور مكان اللى الصاروخ علم فيه و ارفع الصور عشان تقولولى اذا كان ده يعيب العربية و لا ميأثرش ( انا سالت واحد جارنا قالى و لا فيها حاجة ) بس طبعا لازم استشير اهل الخبرة هنا

اسف للاطالة

نصيحة : محدش يروح للراجل ده لانه واضح انه بيغير كله و اللى يجى فيه العيب بالصدفة اهو يبقى اتصلح و خلاص ( اسمه عاطف فى ارض الجمعية -امبابة ) ناحية الترسانة قبل قهوة حكاية

مساء الخير ياجماعة كل سنة وانتو طيبين
ياريت حد يقول لى عنوان خالد بتاع العفشة فين فى الوراق
لانى محتاج اشوف عفشة العربية بتاعتى وياريت لو حد يعرف صنايعى نظيف وامين وفاهم فى عفشة الانوس يقولى عليه
وعلى عنوانه