ايه أولوياتك فى الشغل؟

**n_i_t_e** · 06-09-2010 02:49 PM

المشاركة الأصلية كتبت بواسطة tifana2010

شوف من الأخر أعمل اللى تقدر عليه فى ظل الظروف المحيطة بك و ما تحملش نفسك فوق طاقتها لأن دوام الحال من المحال
و لو النهاردة متاح لك عمل بأجر عالى و خبرة قليلة حاول تستفيد من الدخل العالى فى تكوين مستقبلك و استغلال الظروف الاخرى زى الخبرة الادارية و تنمية العلاقات العامة
أما لو ظروفك اتاحتلك عمل حتكسب منه خبرة استفيد منها و نمى قدراتك و الفلوس حتيجى بعد كدا بس يا ريت ما تكونش فترة طويلة تضييع فيها حاجات تانية لان حياتنا مش خبرة و عمل وبس و دائما العقل فى التفكير والرب فى التدبير
بس اتعلم من الصينين استغلال الفرص المتاحة

عين العقل ...
لكن ساعات فكرة الثورة و تغيير الأوضاع بتييجى للواحد...لو فعلا الظروف جابرانا على طريق واحد هنركز فيه و نستفيد على قد ما نقدر لأن مفيش غيره....لكن لو فى خيار تانى الواحد مستعد يضحى و يغير...فقط لو متأكد ان الخيار التانى أفضل ليه. :) و بشكرك عالمشاركة فعلا الواحد لازم يعمل اللى عليه عشان ميحسش بالتقصير و فى نفس الوقت ميحملش نفسه فوق طاقتها عشان ميشيلش هم استحالة يغيره

**n_i_t_e** · 06-09-2010 02:52 PM

المشاركة الأصلية كتبت بواسطة shaddadfalcon1

كلامهم مظبوط جدا مينفعش الواحد يتغرب ويتبهدل عشان الخبره بس خصوصا لو كنت تقدر تكتسب خبره مع نفسك زي مثلا مجال الكمبيوتر والبرمجه
زمان كنت بقول مستحيل اروح اشتغل في IT Departement مثلا لان ده مش هيديني اي خبره لكن في ظل الظروف الحاليه لو لقيت حاجه كده بره ومرتب جامد بصراحه هروح كام سنه وابقي ارجع ادور علي الخبره

عارف اللي قاهرني ايه في موضوع كندا؟؟
ان كان اقل حاجه هخدها 100 دولار في الساعه لان الشخص اللي كنت هدخل مكانه كان بياخد اكتر من كده بكتيير وده اللي كان بياخده من شركته اللي بعتاه يعني الشركه اللي كنت هشتغل فيها تقريبا كنت بتدي الشركه التانيه دي حاجه فوق ال 200 دولار في الساعه بكتيييييييييير وانا الحمد لله كنت احسن من اللي موجود كتيير لدرجه اني خلصت شغل شهرين في يوم والناس كانت موهومه مع ان ده الطيبعي هنا
اصل لناس هناك كانت مرحرحه علي الاخر

هو المصري كده دماغه حلوة أوي و حظه وحش...و لما بيطلع بره بيكتشف انه كان مدفون

**n_i_t_e** · 06-09-2010 02:58 PM

المشاركة الأصلية كتبت بواسطة ASKAFRAWY

انا معاك طبعا

بس انا ممكن اختار المرتبه اقل لو اسم الشركة له شأن و سمعة لان دة هيكون مكسب ليا اكتر من الفلوس

عصفور فى اليد...و العبرة بالTechnical Interview أنا لو مكانك هرجح المرتب طالما الخبرة هى هىفى الشركة المشهورة و التانية

المشاركة الأصلية كتبت بواسطة ASKAFRAWY

لان النترفيو فى مصر مايهمش انت مرتاح فى الشركة ولا لا...ما يهموش انت مرتاح نفسيا...المترب مش مكفى...وراك التزامات...حاجات كتير جدا
انا بقالى 8 سنين بشتغل...اشتغلت خلالهم فى 6 شركات ذات شأن فى المجال البحرى...كانت افضلهم بالنسبالى اقلهم مرتب و كنت مرتاح فيها....لحد ما قررت ان اسيب البحر و فكرت اتجه للشركات الملاحية او هيئات الاشراف...الوضع اختلف لان بقى المرتب كويس لكن مفيش راحة نفسية
من الاخر صعب تحقق كل البتتمناه فى مكان واحد....الحلو ما يكملش يا زعيم

ده أساسي

+1111111111
فعلا راى سليم وحاولت تطبيقة...وفشلت والحمد لله فى تحقيقه

طيب متيجى نجرب ناخد جنسية صينية يمكن لما نقلب صينى نعرف نستغل الفرص

**Soma_Sooma** · 06-09-2010 04:43 PM

المشاركة الأصلية كتبت بواسطة n_i_t_e

الموضوع ده انا قابلته حديثا و تقريبا كلنا مر بالاختيار بين كام شركة و حدد حسب أولوياته
فتخيلت نفسي قاعد فى الكافيه بتاع Soma و قلت أطرح السؤال بصفة عامة نشوف الأراء

مش كل الشغل بنلاقى فيه كل حاجة احنا عايزينها
بتحسب أولوياتك فى الشغل ازاي؟
يعنى المرتب أهم عندك عن الخبرة العملية؟ قرب الشغل من البيت أهم و لا التأمين الصحى؟
اسم الشركة مهم و لا لأ؟
بالنسبة لى أنا قابلنى خيارين كالتالى
الأول شركة فى القاهرة يعنى هأتغرب عن أهلى و أأجر شقة و الحياة الأجتماعية هتضعف بس باخد هناك خبرة حلوة أوي و الشغل ممتع و الشركة فيها منظومة ادارية و Environment كويسة
و التانى شركة فى محل أقامتى و انا قاعد وسط أهلى و بشوف صحابى و كمان المرتب أعلى بس الشغل مبيديش خبرة خالص و منظومة الشغل بطيئة زي المصالح الحكومية و يخنق حبتين.
انا من النوع اللى بيحب الشغل و البحث و الطموح بس انا شايف للخيار الأول التمن مش كفاية و العائد المادي يستاهل التضحية و ترك العائلة؟ خصوصا أن والدي و والدتى بيكبروا فى السن و بقيت احس بالندم لما أبعد عنهم كأنى مقصر لأنى مش معاهم
الخيار التانى انا مش حاسس بالامان لأنى مبخدش خبرة و مش ببقى على بعضى من غير شغل خصوصا انى شايف ان عقلى عنده استعداد يكتسب خبرة بسرعة لو الفرصة متاحة و صعبان عليا مستغلش الامكانيات اللى عندي بس عايش حياة اجتماعية أحسن وسط العيلة و المرتب كويس (حاليا و الله أعلم بعد كده معدل زيادة الراتب فى الخيارين عامل ازاي)

عايزين نشوف بقى:
- أولوياتكم فى الشغل بصفة عامة
- ايه سبب تفضيلكم للأولوية دي و لو مكانى تختاروا ايه؟ :)

يا اهلابيك فى الكافية

هو انت اللى كنت قاعد فى الطربيزة اللى جانبى

والله الكافية دة بيطلع افكار زى الفل

بص يا سيدى بالنسبة لموضوع الأولويات فى الشغل

انا هقولك هفكر ازاى

اولا انا بحب المجازفة ومش بخاف بس اكيد قبل كل قرار هستشر اقرب الناس ليا ثم صلاة الأستخارة طبعا ...

وانا هفضل انك تسافر و تاخد خبرة لو متعبتش دلوقتى هتعب امتى؟؟؟

ثانيا الشركة دى لما اقعد فيها مثلا سنتين هاخد خبرة كبيرة وهتبقى خطوة ليا وتتكتب فى CV بتاعى

والخبرة مش هتكون فى الشغل و بس بالعكس هتخليك معتمد على نفسك اكتر و هتتحمل ضغوط كتيرة انك قاعد لوحدك و بتعتمد على نفسك فكل شىء...

دة بالنسبة للخبرة الشخصية و الشغل كمان ،،

اما بخصوص الماديات فا اعتقد ان ممكن اتنازل شوية سنةأو اتنين اتعب فيهم وبعد كدة الخبرة اللى اكتسبها هتخلينى اقدر اتنقل لمكان تانى افضل بمرتب أفضل ...

اما بقى لو قعدت بدون خبرة وبمرتب كويس فا المرتب دةمش هيدوم افرض حصل اى ظرف و مشيت من الشركةدى هتبتدى تاخدخبرة من اول وجديد وهتقعد تدور وتعمل مقابلات واول سؤال (فين خبرتك؟؟) قاعدتى جنب اهلى و الفلوس مش هتأمن مستقبلى ...

ودة رأى المتواضع

**rodyA113** · 06-09-2010 06:09 PM

السلام عليكم ورحمه الله وبركاته
موضوع جميل جدا احي حضرتك عليه
بصراحه انا عندي الخبره ثم الخبره ممكن اروح اعمل في مكان بس يكون فيه خبره والعائد المادي قليل .. بالنسبه كعملي كاديميه بحتاج للمعرفه الدائمه واحدث ما توصل اليه الأبحاث وهذا هيتاح ليا في الأماكن ذات الخبره مرتب يكون مجزى مش شرط يكون كبير بس يكون معقول واقدر حتي يكفي احتياجاتي و يعنى المعامله الجيدة بين الزملاء ورؤساء العمل هيكون طبعا من اولوياتي ، تكون وظيفة ليها مستقبل وممكن افيد بيها اللي حواليا ونفسي..وبعد بناء عقلي وخبرتي ممكن ساعتها اغير يعني ممكن ادور على العائد المادي علشان ادبر نفسي واقدر ان انا اعوض كل اللي انا استنفذته واساعد الباحثين واعمل ابحاث كان ممكن مقدرش اعملها علشان الماديات. واستفيد من خبرتي لأنها هي الأمان ليا في المستقبل

**human** · 07-09-2010 02:33 PM

ابقى مبسوط و فلوس كتير بالهبل

**n_i_t_e** · 07-09-2010 02:52 PM

المشاركة الأصلية كتبت بواسطة human12

ابقى مبسوط و فلوس كتير بالهبل

بتحب تشتري دماغك يا هيومان

**phantom0xx0** · 07-09-2010 04:06 PM

أنا هاتكلم من واقع تجربتي 12 سنة شغل ، أول 4 سينين في مصر ، 6 سينين بره مصر و بعد كيده رجعت مصر تاني
أول 4 سينين كنت بدور على شركة multinational، و experiance و مش مهم الفلوس خالص علشان أنا كنت عارف انها في النهاية رزق ، مليش فيه حيلة ، بس بعمل إلي علية و باخذ بالأسباب.
بعد كدة طلعت برة مصر مع الشركة إلي أنا شغال فيها . ( طبعاً لازم تعرف طالما انك طالع expat، لازم لازم تحدد إنت طالع على أيه و المدة أد أيه و راجع على أيه قبل السفر تعمل career path) و ديه ميزه الشركات الكبيرة،بعد 6 سينين رجعت مصر على ما تم الإتفاق عليه.

القاعدة الأساسية اني عمري ما دخلت ال-location factor في حساباتي،،،،طبعاً أنا مش بسافر لوحدي، معايا العائلة،،،،،، أرض الله واسعة. أنا عارف إن أنا هعود كم سنة في مصر و بعد كده ممكن أسافر تاني ، بصراحة أنا معنديش مشكلة في السفر لحد سن الأربعين ، و بعد كدة استقر في مصر. دة تخطيطي لنفسي

-

-

الموضوع: ايه أولوياتك فى الشغل؟

LinkBack

أدوات الموضوع

عرض

-

-

-

-

-

-

-

المواضيع المتشابهه

بصفي من الشغل

ذل الشغل

الواحد تعب من الشغل

اية رايكم فى الشغل ده

الكلمات الدلالية لهذا الموضوع

المفضلات

المفضلات

ضوابط المشاركة