الأسباب الرئيسية لسخونة العربية .. وعلاجها

**semsem_inside** · 09-09-2010 07:13 AM

المشاركة الأصلية كتبت بواسطة semsem_inside

السبب :
فشل فى عمل الترموستات
العلاج :
من المعروف أن الترموستات له وظيفتين أساسيتين فى دورة التبريد وهما ؛ تقليل الوقت اللازم لعملية التسخين عند بدء الدوارة ، والحفاظ على ثبات درجة حرارة المحرك أثناء التشغيل

ومن المشاكل الشائعة للترموستات عدم الفتح بالكامل أو عدم الفتح الجزئى (القفش) وينتج عن ذلك تقليل أو انعدام مرور المياه بالرادياتير وبالتالى سخونة المحرك

نسيت أقولكم - طبعا معظمكم عارف - ولكن علشان ميحصلش لبس للى مش عارف :

المقصود بالترموستات هنا هو ترموستات الكوعة اللى متركب عند مخرج الميه الساخنة من الموتور الى الردياتير

وهناك ترموستات آخر وهو ترموستات المروحة أو ما يسمى ساعة المروحة

وده برضه من الحاجات اللى ممكن يحل فيها عطل يسبب سخونة الموتور وهو عبارة عن سويتش له مدى تشغيل معين على سبيل المثال 88 - 93 درجة أى أن 93 هى درجة الحرارة التى تبدأ عندها المروحة فى العمل ، و 88 هى الدرجة اللى بتتوقف المروحة لما الحرارة تنزل لها

و أحيانا يقوم البعض بتغيير هذا الترموستات بواحد بمدى أقل لمل بتحصل مشاكل ارتفاع فى الحرارة .. يعنى مثلا يستخدم واح مداه 85 - 90 وذلك للحفاظ على درجة الحرارة ألا تزيد عن 90

**amro1965** · 09-09-2010 12:34 PM

المشاركة الأصلية كتبت بواسطة semsem_inside

[/right]

نسيت أقولكم - طبعا معظمكم عارف - ولكن علشان ميحصلش لبس للى مش عارف :

المقصود بالترموستات هنا هو ترموستات الكوعة اللى متركب عند مخرج الميه الساخنة من الموتور الى الردياتير

السلام عليكم ورحمه الله وبركاته
اخى العزيز انا واحد من اللى ميعرفش مكان ترمستات الكوعه محتاج اعرف مكانه بالظبط
ولو امكن صوره تشير بها الى مكان ترمستات الكوعه لى ولغيرى يكون جزاك الله خير لانى مشاكلة انا حاسس انها عندى الا وهى بطأ مخرج الميه الساخنة من الموتور الى الردياتير

اما بالنسبه لترمستات اللى فى اخر الريداتير اعرفه جيدا وهو ترمستات وقت تشغيل المروحة ولسه مغيرة بنفيى لانه كان مملح وكان السبب الرئيسى فى سخونه السيارة

**dr_magdi2009** · 09-09-2010 01:16 PM

اسباب اخرى

وساخة البنزين بتسخت العربية

تقسيمة العربية مش مضبوطة كمان بتسخن لعربية

**semsem_inside** · 09-09-2010 09:38 PM

المشاركة الأصلية كتبت بواسطة dr_magdi2009

اسباب اخرى

وساخة البنزين بتسخت العربية

تقسيمة العربية مش مضبوطة كمان بتسخن لعربية

تمام يا باشا هو ده المطلوب ان كلنا نشترك مع بعض

**semsem_inside** · 09-09-2010 10:10 PM

المشاركة الأصلية كتبت بواسطة amro1965

السلام عليكم ورحمه الله وبركاته
اخى العزيز انا واحد من اللى ميعرفش مكان ترمستات الكوعه محتاج اعرف مكانه بالظبط
ولو امكن صوره تشير بها الى مكان ترمستات الكوعه لى ولغيرى يكون جزاك الله خير لانى مشاكلة انا حاسس انها عندى الا وهى بطأ مخرج الميه الساخنة من الموتور الى الردياتير

اما بالنسبه لترمستات اللى فى اخر الريداتير اعرفه جيدا وهو ترمستات وقت تشغيل المروحة ولسه مغيرة بنفيى لانه كان مملح وكان السبب الرئيسى فى سخونه السيارة

بص يا سيدى

انت عارف طبعا الخرطوم العلوى بتاع الردياتير .. هتمشى معاه لغاية النقطة اللى بيتقابل فيها مع الموتور وهتلاقيه مربوط عليه بقفيز .. النقطة دى هتحس انها عاملة زى القبة أو الشجرة اللى خارج منها كذا حاجة من ضمنهم الخرطوم العلوى بتاع الردياتير .. وهتلاقى عنده ترموستات المروحة وبرضه هتلاقى خرطومين أرفع شوية من بتاع الردياتير (الخاصة بالسخان) أو لو السخان ملغى عندك هتلاقيه خرطوم واحد داخل من نقطة وخارج من نقطة

المهم الترموستات نفسه جزء راكب بالداخل يتطلب علشان تغيره انك تفك الجزء اللى فوق اللى عامل زى القبة ده

أنا عن نفسى شايل الترموستات من العربية لأن وظيفته زى ما قلتلك هى تعجيل تسخين العربية (أى ان يقلل الفترة التى يعمل خلالها الموتور على البارد والتى تؤثر على عمر الموتور على الدى البعيد) ، بالاضافة الى تنظيم درجة حرارة الموتور (يعنى ميبقاش مؤشر الحرارة عمال طالع نازل مثلا بين 70 - 95 ولكن يقلل هذا المدى فيصبح مثلا 90 - 95 وطبعا الأرقام عشوائية ولكن لتقريب المعنى وده طبعا بيقلل الاجهادات الحرارية على الموتور) .. بس من الناحية الأخرى ممكن تحصل مشاكل كبيرة لو باظ من ارتفاع الحرارة وغيره ويا سلام لو حصل الكلام ده وانت مسافر مشوار طويل مثلا - حتقعد تلعن فى الترموستات والعربية

فالأفضل انك تمسك العصاية من النصف وتغيره على فترات منتظمة بالنوع الأصلى بتاع العربية

أما الصور أنا مش عارف أرفعها .. ان شاء الله هارسلها لك على الايميل وحاول انت ترفعها لكى يستفيد الجميع

ومعذرة على الاطالة

**shoudy2005** · 09-09-2010 10:36 PM

و كمان لو فيه هواء فى دورة التبريد بيسخن العربية جامد و علشان نفضى الدورة من الهواء اركن العربية على مطلع و لما تزود مياه زود براحة اوى و بعد كدة دور العربية و غطاء الرادياتير مفكوك و سخنها لحد درجة التشغيل العادية و بص على الميه فى الرادياتير لو بتطلع فقاقيع مياه يبقة فيه هواء فى الدورة و سيبها لحد ما تلاقى الميه مفيهاش فقاقيع

**amro1965** · 10-09-2010 12:28 AM

ده ايميلى اتمنى ترسل لى صورة مع اشارة بالمكان اللى فيى الترمستات
h_m_rashwan2000 @yahoo.com
شكرا اخى العزيز على مجهودك الرائع

**a_samy** · 10-09-2010 01:53 AM

شكرا على المعلومات القيمه

**semsem_inside** · 10-09-2010 02:28 AM

المشاركة الأصلية كتبت بواسطة amro1965

ده ايميلى اتمنى ترسل لى صورة مع اشارة بالمكان اللى فيى الترمستات
h_m_rashwan2000 @yahoo.com
شكرا اخى العزيز على مجهودك الرائع

الأخ الكريم

أنا أرسلت لك ايميل يحتوى على صور توضح مكان الترموستات فى العربية ، وصور للترموستات نفسه

بالاضافة الى مفاجأة أخرى وهى طريقة تغيير الترموستات بالصور - نقلا عن أحد المواقع - يا ريت تقدر ترفعهم فى الموضوع ان شاء الله تكون جميلة لاعضاء نايل موتورز .. ولو انى كنت هاعمل موضوع خاص عن تغيير الترموستات بالصور بس للأسف مش عارف ارفعهم

**lameey** · 10-09-2010 09:52 PM

انا ظبت التاكيهات

وغيرت لزيت فسكو 3000

والحمد لله مافيش سخونه دلوقتى

..

الموضوع: الأسباب الرئيسية لسخونة العربية .. وعلاجها

LinkBack

أدوات الموضوع

عرض

-

-

-

-

-

-

-

المواضيع المتشابهه

اعطال سيارتى الفليشيا 99 وعلاجها

سؤال هاااام بالنسبة لسخونة العربية .....

اسباب ضعف الشخصية وعلاجها (منقول)

أنسجة ما حول الأسنان.. أمراضها وعلاجها

انفلونزا الطيور واعرضها وعلاجها

الكلمات الدلالية لهذا الموضوع

المفضلات

المفضلات

ضوابط المشاركة