الموضوع: احنا مالنا اليومين دول كده؟

المشاركة الأصلية كتبت بواسطة OlaOsman

اليومين دول المنتدى فيه شدة أعصاب مش طبيعية.. مواضيع عادية خالص و الكلام فيهم عادي برضه.. فجأة حد يرد رد ناشف على حد تاني.. يقوم الأولاني رادد هو كمان بعصبية.. و هكذا.

طبعا الميزة هنا هو اننا بنتصافى بسرعة و ممكن نعتذر لبعض على طول.. بس برضه الشدة اليومين دول زايدة عن حدها.. يمكن حتى عن أول ما دخلت المنتدى و ده من فترة تعتبر قصيرة نسبيا.

يا ريت يا جماعة نحاول نهدى على بعض شوية و نقرا مشاركتنا قبل ما نبعتها و نشوف ممكن تزعل الناس مننا و لا لأ.. تخيل ان الكلام ده بالطريقة دي موجهة ليك انت و شوف هاتضايق من الطريقة و لا لا.. حتى لو كنت على حق.. الطريقة الناشفة في الكلام ممكن تزعل الناس منك بدون داعي.

رنبا يؤلف بين قلوبنا و ما يدخلش بينا شيطان أبداااااااااااا :)

يا ريت حضرتك يكون اسلوبك في الكلام احسن من كده شويه!! و رأيك انت حره فيه.. بس متحاوليش تفرضيه علينا!!
و بعدين احنا لما بنكتب حاجه عارفين احنا بنكتب ايه و مش بنزعل حد و لا حاجه!! احنا مش صغيرين!!!
....
....
....
....
....
....
....
....
....
....
....
....
....
....
....
....

طبعا بهزر :o عندك حق.. بس مظنش ان فيه مشكله... مجرد اختلافات في الرأي متزامنه مع القرف اليومي و العته المتصاعد اللي احنا عايشين فيه.. و لكن- و بعكس حياتنا خارج المنتدى- الأساس هنا الأخوه و الأحترام المتبادل.

العصبية و التعدى على الغير ... فى حرياتة وفى ارائة وحتى فى افعالة ... بقت سِمة اساسية من حياتنا اليوميه ...... كل واحد لازم يغلطك وكل واحد لازم يطلع نفسة انة بيفهم احسن منك .. وكل واحد لازم يضع نفسة ان صاحب الرأى الاوحد ... بالرغم من تظاهرة بالديمقراطية ... ومافيش مانع لو دخل الدين فى الموضوع علاشان يغلطك بالعافية ... , العقل والمنطق ... انتهوووووو .. مافيش .. خلصو ... مستنين اننا نستوردهم من بره ..
دلوقتى فرض الرأى بقى شى عادى وليه اساليب وطرق .
1- الصوت العالى . لو منفعش يبقى
2- التهديد . لومنفعش يبقى
3- قلة الادب . لو منفعش يبقى
4- البلطجة والدراع . لو منفعش يبقى .. وغالباً بينفعو ..
5- الواسطة والسلطة والمحسوبيه . ودية الطريقة الخاصة بالطبقة الحديثة من ال ( البشوات ) . وبيستعينو بيها كحل اول بدون كل الطريق السابق ذكرها .

طبعا انا بتكلم عماتا ... مش على المنتدى ... الى بيحصل هنا فى المنتدى من خلافات ... ممكن نقيمها ب سالب 10 % من الى بيحصل فى الحقيقة ... على الاقل الخلاف بيبقى على شاشه الكمبيوتر وفىاسوأ الاحوال بيبقى فى نطاق الحد الادنى من الاحترام المتبادل . وبدون تجاوزات وبذائات
لكن لو فى الشارع لية الى حيحصل !


دة كده تمااااااااااام تمااااااااام ... تحيا جمهورية نايل موتورز الاخلاقية .

الحقيقه ان الهموم الكثيره وضغوط الحياه والساقيه بتخلى الواحد بيخرج عن شعوره
أنا واحد من الناس بحزن بشده وأتألم كثيرا لما بشوف حاجات معينه ويصل الانفعال بى الى درجه البكاء على حال الدنيا
وده مثال
واحد وواحد مش بيخلفوا قرروا يتبنوا طفله يتيمه من الملجأ ربوها سنتين ونص وبعدين يشاء السميع العليم ان امها بالتبنى تموت مقتوله فى شقتها
القاتل دخل اتخانق مع أمها بالتبنى و مرات أبو زوجها وقتلهم الاتنين
زوج الاولى وابوه دخلوا الشقه الساعه 3 لقوا الاتنين ستات مقتولين وجنبهم الطفله المسكينه بترتعش من الرعب
أنا عشت كل حاجه فى الموضوع ده لحظه بلحظه
عايز أقول لكم ان انا وأنا بكتب الكلام ده بكيت على حال الطفله المسكينه دى وعزائى الوحيد ان لها رب اسمه الكريم
لا حول ولا قوه الا بالله