الموضوع: نوكيا X6 ولا سامسونج S8500 Wave

المشاركة الأصلية كتبت بواسطة ashouhdy

البيكسون مش بيطلع صور مهزوزة عشان الفلاش الزينون سرييييييع جدا جدا لدرجة انة (بيثبت) الصورة بيعملها freeze

دلوقتى نوكيا الشهر الجاى حتنزل ال n8 دة بقى وهمى ان شاء الله حغير البيكسون بية ال n8 برضوا 12 ميجا فيديو hd وبيتوصل بمخرج hdmi اللى هو مخرج هاى ديفينيشن للتلفزيونات ذى lcd وبيتوصل بية اى حاجة usb ذى فلاشة هارد او حتى موبايل وغير كدة بقى مصنوع من زجاج غير قابل للخدش اسمة gorilla و الشاشة بتاعتة capacitive أعلى جيل نزل من الشاشات اللى هى حساسة اكتر 3 مرات من ال x6 وغير دة كلة نازل بالسيمبيان الجديد الاصدار التالت

سعرة بالضمان اعتقد حيكون مابين 3000 و 3400 جنية

للاسف سعره هيكون عالي عليا انا حاطت مبلغ 2000 جنيه والويف كنت عامل حساب انه هيزيد 200 او 300 جنيه مش مشكلة

المشاركة الأصلية كتبت بواسطة mido_soliman

ياريت يا جماعة اللى يلاقى الويف فى مصر يبعتلى على الخاص او يكتب فى الموضوع لقاة فين لانى قالب علية الدنيا ومش موجود فى مصر كلها حتى فى اسكندرية خلص

+111111111111111

المشاركة الأصلية كتبت بواسطة mostafabasal

انا معايا ويف من يوم 20 /8/2010 الجهاز بصراحه سوبر تحفه بعد الان 95 8 جيجا و مشكله النافيجيشن بتاعته محلوله بعد الشهر المجاني ما بيخلص بتروح التوكيل بتاعه الروت 66 اللي موجود على جهاز السامسونج و ده موجود في شارع مش عارف ايه كده الشباني ولا السباني متفرع من شارع النزهه بعد القاهره للمبيعات و اتصلت بيهم قالولي ان النسخه بتاعه مصر بتتفتح ب 350 جنيه يا بلاش
انا ناوي ان شاء الله لما الشهر المجاني يخلص و انزل القاهره اروح هناك و اظبط الجهاز
لا يعيب هذا الجهاز سوي حاجه واحده بس و مقرفه جدا بالنسبالي انوا مفيهوش اوامر صوتيه ولا اتصال بالصوت و ما كانش فيه سبيد ديال بس جبتلوا برنامج زغير من عالنت حبيبي طبعا بقى فيه سبيد ديال النت بتاعوا هلامي و الواي فاي بتاعه فلكي و الكاميرا بتاعته مريعه و الفيديو بتاعه جوده غير عاديهو حجمه يا سلام كبير طولا عن ال 95 بس سمكا كنز ومريح جدا لما بتحطوا في جيبك و بيشحن بكابل الداتا عن طريق اليو اس بي لو ما كانش معاك شاحن وده اوبشن حلو اوي بالنسبالي لان الشاحن في البيت و كابل الداتا عندي في العياده
بيسجل المكالمات حتى 12 ساعه على كارت ميموري 8 جيجا !!!!!!!!!!!! مش عارف مين هيتكلم 12 ساعه بس جوده التسجيل جيده جدا
سماعه الموبايل عاليه لدرجه اني موطيها و عاملها على 4 عشان اللي حواليا ما يسمعوش المكالمه
المايك بتاعه جامد بحطه عالكرسي اللي جنبي و انا سايق و افتح الاسبيكر و بتكلم و بسمع بكل وضوح
و فيه خاصيه تنقيه الصوت لو انت في مكان زحمه بيشيل الضوضاء و يسيب الصوت كويس
لو الموبايل رن اقلبه على وشه يبقى سايلانت
او وانت بتتكلم و حطيت الموبايل على ضهره و حركته لقدام الاسبيكر بيتفتح اوتوماتك طبعا دي خواص سابقه التنشيط لو عاوزها او لا مش اجباري
منبه الموبايل ممكن يتظبط انوا يفتح يرن و يقفل تاني لو الموبايل مقفول ودي برضه خاصيه ممكن تتنشط او لا
الكالندر بتاعه جميل معقد شويه عن نوكيا بس حلو
تقريبا دي الحاجات اللي فاكرها دلوقتي ولو افتكرت حاجه هكتبها

ما شاء الله خصائص جميلة جدا
انت بصراحة طمنتني جدا بموضوع الجي بي اس ده
انا كنت هغير رأيي وابعد عن الوييف بسبب الجي بي اس لأنه اهم حاجة انا عاوزها في التيليفون
وبكلام حضرتك ده ان شاء الله هستخير واتوكل على الله واجيب السامسونج

المشاركة الأصلية كتبت بواسطة mrbebo

ممكن حضرتك تتكلم شوية عن موضوع تسجيل المكالمات

يعني هل ده برنامج بتنزله ولا الموبيل نازل بالخاصية دي ؟

لما تليفون بيجيلك بيخيرك بين تسجيل المكالمة او لا

ولا انت لازم كل مكالمة تحب تسجلها تدخل على الخصائص وكده

ياريت شوية شرح ... وهل المابس كمان بتاعت الجهاز بتفاصيل ovi مابس وهل اسماء الشوارع عربي ولا انجليش

+1111111111111111

المشاركة الأصلية كتبت بواسطة ashouhdy

الوييف بقى بالحجز .... ياسبحان الله دة كان مرمى قدامى فى كل حتة ومحدش عارف اية دة ؟!!!!

المشاركة الأصلية كتبت بواسطة ahmed_nubira

مين بس اللى قلك كده....يمكن الموضوع جد جديد

انا لما اشتريت n86 بتاعى من حوالى اسبوع او 10 ايام...كان قدامى الجهاز....انا لفيت كتير...وصدقنى مش بقلك كلام وخلاص....الموبيل شوفته عند رينجو وموبيل شوب ومحلات كتير فى السراج بتبيعه....

انا فضلت اسبوع اللف عشان اجيب اقل سعر للنوكيا بتاعى...وشوفت الويف (انا اصلا كنت هجيب ويف)

وماله الرد مش فاهم
اعتبر نفسك مشفتهوش وخلاص طالاما شايف الكلام غلط

ايه الحظ ده بس
يعني لما انوي اجيبه يخلص من السوق ويبقى بالحجز