يا جماعة في ناس بتقارن بين العربيات طبقا للآتي :
السمعة بتاعة الشركة دي أحسن من الشركة دي
و بيتناسوا ان السيارة هي من تصنع السمعة و ليس العكس
قوة الصاج الخارجي باعتباره دليل على الأمان
و طبعا العكس هو الصحيح (الأمان = الحماية) و ليس الصاج
كمية الكماليات و الحوارات و الألعاب
ولكن السيارة المصنعة بتكلفة عالية تكون اضافة الكماليات لها صعبة لأنها سترفع ثمنها و تخرجها من النطاق السعري المقرر
(زي السيفيك كده)
في حين ان الكماليات قد تكون دافع للشراء و غض النظر عن كفاءة التصنيع
سعر الموديل القديم
و ده ينفع لما يكونوا نفس الطراز , نفس الموتور و العفشة أو حتى نفس المقصورة ....لكن نفس الاسم ؟؟؟؟ لاااااا
هوا حد ممكن يقارن الباسات بالباسات ؟؟؟ الفيكترا بالفيكترا ؟؟ وكذلك لا يمكن مقارنة اللانسر EX بالشكل القديم لأن دي جيل جديد تماما .
كده الكلام العقلاني النظري خلص
نيجي للعملي
مين ركب دي و دي ؟؟؟؟ اللي ركب بس هوا اللي يتكلم عن الأداء
و أنا ركبت الاتنين
التويوتا فيها نتشة قوية بين الأول و التاني (حاجة تقرف)
و اللانسر لها أداء رياضي متفوق تماما على التويوتا
المحرك مذهل بال 109 حصان بتوعه (بدون كذب و 142 حصان و معزة)
الشكل : نسبي طبعا و ان كان الجميع مجمع على ان التويوتا شكله مش حلو (و مش وحش ,,بس مش حلو) و من جوه عاااادية جدا لدرجة تثير الغيظ
============================
العربية ال EX اول مانزلت الناس راهنت على فشلها و الكل خسر
و راهنوا على هبوط سعرها و الكل خسر
و راهنوا على تدني الأداء ب 1500 سي سي و بردوا خسروا
و الى كل اللذين يراهنون : اركبها بس و بعدين قول :D
المفضلات