طب ذوقك مقرف يبقي علي نفسك

**cheetos_892005** · 07-09-2010 04:55 AM

انا لسه راجع دلوقتي الساعه 3 الفجر ....
بعد يوم طوييييييل من الصبح و مشاوير و حر و تعب و صيام ....
و حصلي موقف مستفز ....
واقف علي كوبري مايو و الدنيا و اقفه ....و قاعد في العربيه مش طايق نفسي اصلا من التعب و الصداع
و الطريق واقف بسبب حادثه و حاجه اخر تعب
و الاقيلك و احد واقف جنبي باوبترا سوده و مشغل مواويل شعبي و معليها برخامه كده تسمع المهندسين كلها
وانا اصلا طافي الكاسيت لاني مش طايق اسمع صوت حد جنبي .....اقفل الازاز برده سامع
انقل من الحاره ...برده سامع القرف ......
اخر ما زهقت و قفت جنبه بقوله لو سمحت وطي الكاسيت شويه .....نفضلي
عليت صوتي يمكن مش سامع يا استااذ وطي الكاسيت شويه .....بصلي بكل تناحه بيقلي
وانت مالك اوطي اعلي انا حر في عربيتي ((و بني ادم بشنب و بياكل لبانه كده بمياعه ))
قلتله انا مالي ازاي انا دماغي ضربت من الازعاج ده ..راح مشوح و معليه اكتر .....
بصراحه مبقتش عارف اعمل ايه
بس الحمد لله الطريق فتح بعديها و قرصت قدامه و مشيت ......
يعني و احد مش متربي و اكبر مني ببتاع 20 سنه انزل اربيه و لا اعمله ايه؟؟؟؟؟
انا لو في ظروف عاديه و بالي رايق كنت تنحت معاه بالذوق لحد ما يبيع عربيته
مادا تفعل لو كنت مكاني؟؟؟؟؟؟

**mr_vampire** · 07-09-2010 05:05 AM

بتحصلي كتييييييييييير وانا في الاشارات وبرفع الازاز بس بيحس علي دمه وبيوطي الصوت

**kisho55555** · 07-09-2010 05:09 AM

لو مكانك .... هقول ربنا يهديه والحمد لله على نعمة العقل اللى ربنا هدانا بيها .....

واحد زى ده تجيب له ظابط المرور ويعمل له محضر ضوضاء ( اذا لم يكن ) .... هههههههه وطبعا انت اللى

ولو الموضوع ده مكملش .... طبعا لاسباب كلكوا عارفينها .... يبقى هستناه على طريق مفتوح واخبطه خبطة خفيفة واعمل كأن ولا اى حاجة حصلت ....

**ahmedsamir5edr** · 07-09-2010 05:26 AM

مش لدرجه أنك تخبط العربيه يا كيشو

**devilishtigers** · 07-09-2010 06:27 AM

امشي قداموا ومش هخليه يعدي يمين اروح يمين ، شمال اروح شمال لغاية ما يعرف ان الله حق

**tutankhamoun** · 07-09-2010 06:31 AM

للآسف محدثين النعمة كتروا في البلد دي .
و للآسف الحل الوحيد و صحيح ( في مصر )
أنك تتجاهله و تبعد عنه ...
لأن الشرطة ما شاء الله مش فاضية للناس دي و مش فاضية تربي الشعب من أول و جديد .
بعد ما شاب !!!!!!!!!!!

فعلشان كدا الحل الأسلم أنك تتجنب الأشكال دي و تتحمل الحياة في مصر على كدا علشان متفرقعش زيي

**magyver** · 07-09-2010 06:47 AM

فعلا رخاااااااامة

**Amr Mohamed** · 07-09-2010 07:54 AM

يا عم سيبه ده واحد بيسمع شعبى يعنى لا يومجد عنده اختراع العقل ولا المخ اصلا ربنا يهديهم انا ممكن افجر اى حد بيشغل سلات الزبالة دى وانت كنت قلتله وطى لو موطاش بصله وقوله اه صحيح مانت بتسمع شعبى هاتفهمنى ازاى واقفل الازاز وهو اكيد بعد الكمتين دول هيولع فى نفسه وربنا يسترها معانا

**amarakl** · 07-09-2010 08:27 AM

ربنا يرحمنا من البلد دى والغباؤ اللى فيها
والله انا خلاص عايز اسيبها وامشى بس مستنى فرصه مناسبه واتمنى الحال ينعدل والشعب ينصلح حاله

**n_i_t_e** · 07-09-2010 01:47 PM

المشاركة الأصلية كتبت بواسطة tutankhamoun

للآسف محدثين النعمة كتروا في البلد دي .
و للآسف الحل الوحيد و صحيح ( في مصر )
أنك تتجاهله و تبعد عنه ...
لأن الشرطة ما شاء الله مش فاضية للناس دي و مش فاضية تربي الشعب من أول و جديد .
بعد ما شاب !!!!!!!!!!!

فعلشان كدا الحل الأسلم أنك تتجنب الأشكال دي و تتحمل الحياة في مصر على كدا علشان متفرقعش زيي

+11111111

الموضوع: طب ذوقك مقرف يبقي علي نفسك

LinkBack

أدوات الموضوع

عرض

-

-

-

-

-

المواضيع المتشابهه

ادخل وحدد ذوقك

يبقي كده مش ناقص حاجه واعتمد علي نفسك

موضوع مقرف فعلا

متحرمش نفسك من العربية اللي نفسك فيها (هو انت هاتعيش كام مرة؟)

جربتتاكل سحالي قبل كده ؟؟ (أدخل الموضوع مش مقرف خالص)

الكلمات الدلالية لهذا الموضوع

المفضلات

المفضلات

ضوابط المشاركة