الموضوع: سؤال للسيدات في المنتدى ..... انتوا بتعملوا كده ليه ؟!!!!

ليه دايما بتقارني بينك و بين أخت أو والدة زوجك ؟
ليه دايما متخيلة ان قراراته كلها بمشورتهم همه أو على الأقل بالرجوع ليهم ان ماكانش أصلا القرار بتاعهم همه ؟؟

طيب انتي مش عارفه ان ده بيخنق و يضايق و ينتقص من رجولة و شخصية زوجك ؟

مفكرتيش ان نتيجة المقارنة دي ممكن الأمور بينك و بينه توصل لحد فين ؟؟
أقولك يا ستي :: ( خلي بالك انا بتكلم عن واحد ابن ناس متربي و هاديء نوعا ما و مش نرفوز )

1- هيبدأ بالمحايلة و تقليل أهمية و نفي المقارنة دي و انكار انه بيرجع ليهم في كل حاجة .
2- هيحاول يخليك تفكري بشكل مختلف و دايما هيأكدلك ان انتي ليكي وضع و معزة و حب مختلف عن حبه لوالدته و اخواته ( و ده صحيح فعلا الراجل بيحب الكل لكن ده حاجة و ده حاجة )
3- هيبدأ يتعصب شوية و ياخد الأمور بلا مبالاة شوية مع تأكيد انه مش تافه و لا عديم الشخصية عشان امه تمشيه
4- هيبدأ يسيبك لوحدك في البيت و اضربي دماغك في أتخن حيطة بدون أي رد فعل و تجاهل تام للموضوع ده
5- لو استمريتي أكتر من كده في المقارنات في كل حاجة بينك و بينهم ممكن يسيبك في البيت لوحدك بالأيام و برضه اضربي دماغ سعادتك في أتخن عمود خرسانة .
6- كرسي في الكلوب و ممكن يتجوز تاني أو ينفصل عنك و انتي كده اللي جبتيه ليه الأول قبل ما تجيبيه لنفسك ...



طيب ليه بقى النكد و وجع القلب مادام الراجل كويس و بيحبك ؟؟؟!!!!!!!!
انتوا عايزين ايه بالظبط ؟